تَفَسَّحُوْا

اَلْفُسْحُ وَالْفَسِیْحُ کے معنی وسیع جگہ کے ہیں اور تَفَسَّحَ کے معنی وسیع ہونے کے۔ چنانچہ محاورہ ہے۔ فَسَّحْتُ مَجْلِسَہٗ میں نے اس کے لیے محفل میں جگہ کردی تو وہ اس میں کھل کر بیٹھ گیا۔ قرآن میں ہے: (یٰۤاَیُّہَا الَّذِیۡنَ اٰمَنُوۡۤا اِذَا قِیۡلَ لَکُمۡ تَفَسَّحُوۡا فِی الۡمَجٰلِسِ فَافۡسَحُوۡا یَفۡسَحِ اللّٰہُ لَکُمۡ) (۵۸:۱۱) اے مومنو! جب تم سے کہا چاہے کہ مجلس میں کھل کر بیٹھو تو کھل کر بیٹھ جایا کرو خدا تم کو کشادگی بخشے گا۔ اسی سے فَسَّحْتُ لِفُلَانٍ اَنْ یَفْعَلَ کَذَا کا محاورہ یہ جس کے معنی وَسَّعْتُ لَہٗ کے ہیں ھُوَ فِیْ فُسْحَۃٍ مِنْ ھٰذَا الْاَمْرِ وہ اس معاملہ میں آزاد ہے۔