۔ (۱۰۷۸۱)۔ عن حُمَیْدٍ عَنْ أَنَسٍ قَالَ: أَوْلَمَ رَسُولُ اللّٰہِ صلی اللہ علیہ وآلہ وسلم بِزَیْنَبَ فَأَشْبَعَ الْمُسْلِمِینَ خُبْزًا وَلَحْمًا، ثُمَّ خَرَجَ کَمَا کَانَ یَصْنَعُ، إِذَا تَزَوَّجَ فَیَأْتِی حُجَرَ أُمَّہَاتِ الْمُؤْمِنِینَ فَیُسَلِّمُ عَلَیْہِنَّ وَیَدْعُو لَہُنَّ وَیُسَلِّمْنَ عَلَیْہِ وَیَدْعُونَ لَہُ، ثُمَّ رَجَعَ وَأَنَا مَعَہُ فَلَمَّا انْتَہٰی إِلَی الْبَابِ إِذَا رَجُلَانِ قَدْ جَرٰی بَیْنَہُمَا الْحَدِیثُ فِی نَاحِیَۃِ الْبَیْتِ، فَلَمَّا أَبْصَرَہُمَا رَسُولُ اللّٰہِ صلی اللہ علیہ وآلہ وسلم انْصَرَفَ،
فَلَمَّا رَأَی الرَّجُلَانِ النَّبِیَّ صلی اللہ علیہ وآلہ وسلم قَدْ رَجَعَ وَثَبَا فَزِعَیْنِ فَخَرَجَا، فَلَا أَدْرِی أَنَا أَخْبَرْتُہُ أَوْ مَنْ أَخْبَرَہُ، فَرَجَعَ النَّبِیُّ صلی اللہ علیہ وآلہ وسلم ۔ (مسند احمد: ۱۳۱۰۳)
سیدنا انس رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے اُمّ المؤمنین سیّدہ زینب رضی اللہ عنہا سے تزویج کے موقع پر ولیمہ کیا اورمسلمانوں کو سیر کر کے روٹی گوشت کھلایا، اس کے بعد آپ صلی اللہ علیہ وآلہ وسلم اپنے معمول کے مطابق باہر نکلے، جیسے آپ قبل ازیں شادی کر کے باہر جایا کرتے تھے۔ آپ صلی اللہ علیہ وآلہ وسلم امہات المؤمنین کے حجروں میں جا کر انہیں سلام کہتے، ان کے حق میں دعا کرتے اور جواباً وہ بھی آپ کو سلام کہتیں اور آپ صلی اللہ علیہ وآلہ وسلم کے حق میں دعا کرتیں، اس کے بعد آپ صلی اللہ علیہ وآلہ وسلم واپس تشریف لائے، میں آپ صلی اللہ علیہ وآلہ وسلم کے ہمراہ تھا، آپ صلی اللہ علیہ وآلہ وسلم دروازے کے قریب پہنچے تو گھر کے اندر دو آدمی ابھی تک محوِ گفتگو تھے، رسول اللہ صلی اللہ علیہ وآلہ وسلم نے ان کو دیکھا تو واپس لوٹ آئے، ان دونوں نے جب دیکھا کہ نبی کریم صلی اللہ علیہ وآلہ وسلم واپس تشریف لے گئے ہیں۔ تو وہ جلدی سے گھبرا کر اُٹھے اور چلے گئے، مجھے یاد نہیں کہ میں نے آپ صلی اللہ علیہ وآلہ وسلم کو بتلایایا کسی دوسرے نے آپ صلی اللہ علیہ وآلہ وسلم کو اطلاع دی (کہ وہ آدمی بھی چلے گئے ہیں)، تب نبی کریم صلی اللہ علیہ وآلہ وسلم واپس آئے۔
Musnad Ahmad, Hadith(10781)
