۔ (۱۱۰۶۲)۔ عَنْ ثَابِتٍ الْبُنَانِیَّ قَالَ أَنَسٌ: فَلَمَّا دَفَنَّا رَسُولَ اللّٰہِ صلی اللہ علیہ وآلہ وسلم وَرَجَعْنَا قَالَتْ فَاطِمَۃُ: یَا أَنَسُ! أَطَابَتْ أَنْفُسُکُمْ أَنْ دَفَنْتُمْ رَسُولَ اللّٰہِ صلی اللہ علیہ وآلہ وسلم فِی التُّرَابِ وَرَجَعْتُمْ۔ (مسند احمد: ۱۳۱۴۸)
سیدنا انس رضی اللہ عنہ سے مروی ہے، وہ کہتے ہیں: جب ہم رسول اللہ صلی اللہ علیہ وآلہ وسلم کو دفن کر کے واپس آئے تو سیدہ فاطمہ رضی اللہ عنہا نے کہا: ارے انس! تمہارے دلوں نے اس بات کو کیسے گوارا کر لیا کہ تم رسول اللہ صلی اللہ علیہ وآلہ وسلم کو مٹی میں دفن کر کے واپس چلے آئے۔ (۱۱۰۶۲)۔ اس جسد اطہر کو دفن کرنے کے لیے مٹی تو ڈالنی ہی تھی، بس سیدہ آپ صلی اللہ علیہ وآلہ وسلم کی عظمت اور اپنے غم کا اظہار کر رہی تھی، سیدنا انس رضی اللہ عنہ بظاہر تو خاموش ہو گئے، لیکن وہ زبانِ حال سے یہ کہہ رہے تھے کہ یہ مٹی ڈالنا ہمیں بھی گوارا نہ تھا، لیکن کیا کرتے، آخر آپ صلی اللہ علیہ وآلہ وسلم کا حکم جو یہی تھا۔
Musnad Ahmad, Hadith(11062)
