۔
(۱۱۸۲۲)۔ عَنْ جَابِرٍ یَقُولُ: اسْتُشْہِدَ أَبِی بِأُحُدٍ، فَأَرْسَلْنَنِی أَخَوَاتِی إِلَیْہِ بِنَاضِحٍ لَہُنَّ فَقُلْنَ: اذْہَبْ فَاحْتَمِلْ أَبَاکَ عَلٰی ہٰذَا الْجَمَلِ، فَادْفِنْہُ فِی مَقْبَرَۃِ بَنِی سَلِمَۃَ، قَالَ: فَجِئْتُہُ وَأَعْوَانٌ لِی، فَبَلَغَ ذٰلِکَ نَبِیَّ اللّٰہِ صلی اللہ علیہ وآلہ وسلم وَہُوَ جَالِسٌ بِأُحُدٍ فَدَعَانِی وَقَالَ: ((وَالَّذِی نَفْسِی بِیَدِہِ لَا یُدْفَنُ إِلَّا مَعَ إِخْوَتِہِ۔)) فَدُفِنَ مَعَ أَصْحَابِہِ بِأُحُدٍ۔ (مسند احمد: ۱۵۳۳۱)
سیدنا جابر بن عبداللہ رضی اللہ عنہ سے مروی ہے، وہ کہتے ہیں: میرے والد کی غزوۂ احد میں شہادت ہوئی، میری بہنوں نے اپنا اونٹ دے کر مجھے بھیجا کہ اپنے والد کی میت کو اس اونٹ پر لاد کر قبیلہ بنو سلمہ کے قبرستان میں دفن کروں، پس میں اور میرے ساتھی گئے، نبی کریم صلی اللہ علیہ وآلہ وسلم احد کے مقام پر بیٹھے تھے، جب آپ صلی اللہ علیہ وآلہ وسلم کو ہمارے ارادے کا علم ہوا تو آپ صلی اللہ علیہ وآلہ وسلم نے مجھے بلوا کر فرمایا: اس ذات کی قسم جس کے ہاتھ میں میری جان ہے! تمہارے باپ کو اس کے دوسرے شہید بھائیوں کے ساتھ ہی دفن کیاجائے گا۔ چنانچہ ان کو احد ہی میں دوسرے شہداء کے ساتھ دفن کیا گیا۔
Musnad Ahmad, Hadith(11822)
