۔ (۱۱۹۰۲)۔ عَنِ الْأَعْمَشِ قَالَ: سَمِعْتُ أَبَا ظِبْیَانَ وَیَعْلٰی، حَدَّثَنَا الْأَعْمَشُ، عَنْ أَبِی ظِبْیَانَ قَالَ: غَزَا أَبُو أَیُّوبَ الرُّومَ فَمَرِضَ فَلَمَّا حُضِرَ قَالَ: أَنَا إِذَا مِتُّ فَاحْمِلُونِیْ فَإِذَا صَافَفْتُمُ الْعَدُوَّ فَادْفِنُونِیْ تَحْتَ أَقْدَامِکُمْ، وَسَأُحَدِّثُکُمْ حَدِیثًا سَمِعْتُہُ مِنْ رَسُولِ اللّٰہِ صلی اللہ علیہ وآلہ وسلم لَوْلَا حَالِیْ ہٰذَا مَا حَدَّثْتُکُمُوہُ، سَمِعْتُ رَسُولَ اللّٰہِ صلی اللہ علیہ وآلہ وسلم یَقُولُ: ((مَنْ مَاتَ لَا یُشْرِکُ بِاللّٰہِ شَیْئًا دَخَلَ الْجَنَّۃَ۔)) (مسند احمد: ۲۳۹۵۶)
ابو ظبیان سے مروی ہے کہ سیدنا ابو ایوب رضی اللہ عنہ روم کے خلاف ایک غزوۂ میں شریک تھے اور وہاں بیمار پڑ گئے، جب ان کی وفات کا وقت قریب آیا تو انھوں نے کہا: جب میں فوت ہو جائوں تو مجھے اٹھا کر لے جانا، جہاں دشمن سامنے آجائے تم مجھے وہیں اپنے قدموں کے نیچے دفن کر دینا، میں تمہیں رسول اللہ صلی اللہ علیہ وآلہ وسلم سے سنی ہوئی ایک حدیث سناتا ہوں۔ اگر میں اس حال میں (یعنی اس مرض الموت میں ) نہ ہوتا تو میں تمہیںیہ حدیث نہ سناتا۔ میں نے رسول اللہ صلی اللہ علیہ وآلہ وسلم کو فرماتے سنا ہے کہ جو آدمی اس حال میں فوت ہوا کہ وہ اللہ کے ساتھ کسی کو شریک نہیں ٹھہراتا تھا تو وہ جنت میں جائے گا۔
Musnad Ahmad, Hadith(11902)
