۔ (۱۲۳۲)۔عَنْ جُبَیْرٍ بْنِ مُطْعِمٍؓ قَالَ: کَانَ رَسُولُ اللّٰہِ فِیْ سَفَرٍ لَہُ قَالَ: ((مَنْ یَکْلَؤُنَا اللَّیْلَۃَ لَا نَرْقُدُ عَنْ صَلَاۃِ الْفَجْرِ؟)) قَالَ بِلَالٌ: أَنَا، فَاسْتَقْبَلَ مَطْلَعَ الشَّمْسِ فَضُرِبَ عَلٰی آذَانِہِمْ فَمَا أَیْقَظَہُمْ اِلَّا حَرُّ الشَّمْسِ فَقَامُوْا فَأَدَّوْہَا ثُمَّ تَوَضَّؤُا فَأَذَّنَ بِلَالٌ فَصَلَّوْا الرَکْعَتَیْنِ، ثُمَّ صَلَّوْا الْفَجْرَ۔
(مسند أحمد: ۱۶۸۶۷)
سیدنا جبیر بن مطعمؓ سے مروی ہے، وہ کہتے ہیں: رسول اللہ صلی اللہ علیہ وآلہ وسلم ایک سفر میں تھے، آپ صلی اللہ علیہ وآلہ وسلم نے فرمایا: آج رات کون ہمارا پہرہ دے گا، کہیں ایسا نہ ہو کہ ہم نمازِ فجر سے سو جائیں۔ سیدنا بلالؓ نے کہا: جی میں، پس وہ سورج طلوع ہونے کی جگہ کی طرف منہ کر کے بیٹھ گئے، تو ان پر نیند ڈال دی گئی اور ان کو سورج کی گرمی نے بیدار کیا، پس لوگ کھڑے ہوئے اور اس نماز کو ادا کرنا چاہا، پس وضوکیا، پھر سیدنا بلالؓ نے اذان دی، پھر لوگوں نے دو دو سنتیں ادا کیں اور پھر نماز فجر ادا کی۔
Musnad Ahmad, Hadith(1232)
