۔ (۱۲۶۴۷)۔ عَنْ مُحَمَّدِ بْنِ الْمُنْکَدِرِ، سَمِعْتُ جَابِرَ بْنَ عَبْدِ اللّٰہِ یَقُولُ: جَائَ أَعْرَابِیٌّ إِلَی النَّبِیِّ صَلَّی اللّٰہُ عَلَیْہِ وَسَلَّمَ فَبَایَعَہُ عَلَی الْإِسْلَامِ فَوُعِکَ، فَأَتَی النَّبِیَّ صَلَّی اللّٰہُ عَلَیْہِ وَسَلَّمَ فَقَالَ: أَقِلْنِی فَأَبٰی ثُمَّ أَتَاہُ فَأَبٰی، فَقَالَ: أَقِلْنِی فَأَبٰی فَسَأَلَ عَنْہُ، فَقَالُوْا: خَرَجَ، فَقَالَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ ((إِنَّ الْمَدِینَۃَ کَالْکِیرِ تَنْفِی خَبَثَہَا وَتُنَصِّعُ طَیِّبَہَا۔)) (مسند احمد: ۱۴۳۳۵)
سیدناجابر بن عبداللہ رضی اللہ عنہ سے مروی ہے کہ ایک اعرابی نے نبی کریم صلی اللہ علیہ وآلہ وسلم کی خدمت میں آکر اسلام پر بیعت کی، بعد میں اسے بخار ہوگیا، وہ نبی کریم صلی اللہ علیہ وآلہ وسلم کی خدمت میں آیا اور اس نے کہا: آپ میری بیعت واپس کردیں، آپ صلی اللہ علیہ وآلہ وسلم نے انکار کیا، وہ پھر آیا اور آپ صلی اللہ علیہ وآلہ وسلم نے پھر انکار کردیا، اس نے کہا: آپ صلی اللہ علیہ وآلہ وسلم میری بیعت واپس کر دیں، آپ صلی اللہ علیہ وآلہ وسلم نے انکار کر دیا، پھر آپ صلی اللہ علیہ وآلہ وسلم نے اس کے بارے پوچھا تو صحابہ نے بتایا کہ وہ تو چلا گیا ہے، اس پر آپ صلی اللہ علیہ وآلہ وسلم نے فرمایا: مدینہ منورہ ایک بھٹی کی مانند ہے، یہ برے لوگوں کو باہر نکال دیتا ہے اوراچھے لوگوں کو ظاہر کر دیتا ہے۔
Musnad Ahmad, Hadith(12647)
