عَنْ جَابِرِ بْنِ عَبْدِ اللهِ قَالَ: قَالَ لِي رَسُولُ اللهِ صلی اللہ علیہ وسلم : يَا جَابِرُ! أَلَكَ امْرَأَةٌ؟ قَالَ: قُلْتُ: نَعَمْ قَالَ: أَثَيِّبًا نَكَحْتَ أَمْ بِكْرًا؟ قَالَ: قُلْتُ لَهُ: تَزَوَّجْتُهَا وَهِيَ ثَيِّبٌ قَالَ: فَقَالَ: فَهَلَّا تَزَوَّجْتَهَا جُوَيْرِيَةً؟ قَالَ لَهُ: قُتِلَ أَبِي مَعَكَ يَوْمَ كَذَا وَكَذَا، وَتَرَكَ جَوَارِيَ، فَكَرِهْتُ أَنْ أَضُمَّ إِلَيْهِنَّ جَارِيَةً كَإِحْدَاهُنَّ، فَتَزَوَّجْتُ ثَيِّبًا تَقْصَعُ قَمْلَةَ إِحْدَاهُنَّ وَتَخِيطُ دِرْعَ إِحْدَاهُنَّ إِذَا تَخَرَّقَ قَالَ: فَقَالَ رَسُولُ اللهِ صلی اللہ علیہ وآلہ وسلم فَإِنَّكَ نِعْمَ مَا رَأَيْتَ
جابر بن عبداللہ رضی اللہ عنہما کہتے ہیں کہ رسول اللہ صلی اللہ علیہ وسلم نے مجھ سے فرمایا: جابر کیا تمہاری بیوی ہے؟ میں نے کہا: جی ہاں۔ آپ نے فرمایا: کیا تم نے ثیبہ سے نکاح کیا تھا یا کنواری سے؟ میں نے کہا: میں نے شادی شدہ (بیوہ)سے نکاح کیا تھا۔ آپ صلی اللہ علیہ وسلم نے فرمایا: تم نے کسی کنواری سے شادی کیوں نہیں کی؟ جابر نے کہا: میرے والد فلاں فلاں دن آپ کے ساتھ لڑتے ہوئے شہید ہوگئے تھے، اور اپنے پیچھے کنواری بیٹیاں چھوڑیں، مجھے مناسب نہ لگا کہ میں ان جیسی ہی ایک نا تجربہ کار لڑکی لے آؤں، اس لئے میں نے بیوہ سے شادی کی کہ کسی کی جُوئیں نکال دے اور کسی کی قمیص پھٹ جائے تو اسے سی دے۔ رسول اللہ صلی اللہ علیہ وسلم نے فرمایا: تمہارا خیال بہت اچھا ہے۔
Silsila Sahih, Hadith(2019)
