۔ (۴۰۳۶) وَعَنْہُ رضی اللہ عنہ قَالَ: جَلَسْنَا مَعَ رَسُوْلِ اللّٰہِ صلی اللہ علیہ وآلہ وسلم فِی آخِرِ ھٰذَا الشَّہْرِ (یَعْنِی رَمَضَانَ) فَقُلْنَا لَہُ: یَا رَسُوْلَ اللّٰہِ! مَتٰی نَلْتَمِسُ ھٰذِہِ اللَّیْلَۃَ الْمُبَارَکَۃَ؟ قَالَ: ((اِلْتَمِسُوْہَا
ھٰذِہِ اللَّیْلَۃَ۔)) وَقَالَ: وَذَالِکَ مَسَائَ لَیْلَۃِ ثَلَاثٍ وَعِشْرِیْنَ، فَقَالَ لَہُ رَجُلٌ مِنَ الْقَوْمِ وَہِیَ إِذًا یَا رَسُوْلَ اللّٰہِ! اَوَّلُ ثَمَانٍ؟ قَالَ: فَقَالَ رَسُوْلُ اللّٰہِ صلی اللہ علیہ وآلہ وسلم : (( إِنَّہَا لَیْسَتْ بِاَوَّلِ ثَمَانٍ وَلٰکِنَّہَا اَوَّلُ السَّبْعِ، اِنَّ الشَّہْرَ لَایَتِمُّ۔)) (مسند احمد: ۱۶۱۴۲)
۔ سیدناعبداللہ بن انیس رضی اللہ عنہ سے مروی ہے، وہ کہتے ہیں: ہم ماہِ رمضان کے اواخر میں رسول اللہ صلی اللہ علیہ وآلہ وسلم کے ساتھ بیٹھے ہوئے تھے، ہم نے آپ صلی اللہ علیہ وآلہ وسلم سے کہا: اے اللہ کے رسول! ہم اس برکت والی رات کو کب تلاش کریں؟ آپ صلی اللہ علیہ وآلہ وسلم نے فرمایا: تم اس کو اسی آج والی رات میں تلاش کرو۔ یہ تئیسویں رات کی شام کو بات ہو رہی تھی، ایک آدمی نے کہا:اے اللہ کے رسول! اس کا مطلب یہ ہوا کہ بقیہ آٹھ راتوں میں پہلی رات شب ِ قدر ہے؟ رسول اللہ صلی اللہ علیہ وآلہ وسلم نے فرمایا: یہ بقیہ آٹھ میں پہلی نہیں ہے، بلکہ بقیہ سات میں پہلی ہے، یہ مہینہ تیس دن کا پورا نہیں ہوگا۔
Musnad Ahmad, Hadith(4036)
