۔ (۴۵۷۲) عَنْ عَائِشَۃَ رضی اللہ عنہا فِی قِصَّۃِ عُمْرَتِہَا بَعْدَ الْحَجِّ أَنَّ رَسُوْلَ اللّٰہِ صلی اللہ علیہ وآلہ وسلم قَالَ لِعَبْدِ الرَّحْمٰنِ: ((اُخْرُجْ بِأُخْتِکَ فَلْتَعْتَمِرْ فَطُفْ بِہَا الْبَیْتَ وَالصَّفَا وَالْمَرْوَۃَ ثُمَّ لِتَقْضِ، ثُمَّ ائْتِنِیْ بِھَا قَبْلَ أَنْ أَبْرَحَ لَیْلَۃَ الْحَصْبَۃِ۔)) قَالَتْ: فَإِنَّمَا أَقَامَ رَسُوْلُ اللّٰہِ صلی اللہ علیہ وآلہ وسلم بِالْحَصْبَۃِ مِنْ أَجْلِی، (وَفِی لَفْظٍ:) قَالَتْ: ثُمَّ ارْتَحَلَ حَتَّی نَزَلَ الْحَصْبَۃَ قَالَتْ: وَاللّٰہِ! مَا نَزَلَہَا إِلَّا مِنْ أَجْلِیْ۔ (مسند احمد: ۲۴۹۹۵)
۔ سیدہ عائشہ رضی اللہ عنہا حج کے والے بعد اپنے عمرے کا قصہ بیان کرتے ہوئے کہتی ہیں: رسول اللہ صلی اللہ علیہ وآلہ وسلم نے سیدنا عبد الرحمن رضی اللہ عنہ سے فرمایا: تم اپنی بہن (عائشہ) کے ہمراہ جائو اور ان کو بیت اللہ کا طواف اور صفا مروہ کی سعی کراؤ، تاکہ یہ اپنا عمرہ ادا کر لے،پھر اس کو میرے پاس واپس لے آنا، لیکن اس سے پہلے کہ میں حصبہ والی رات گزار لوں، (یعنی راتوں رات واپس آ جانا)۔ سیدہ رضی اللہ عنہا کہتی ہیں کہ رسول اللہ صلی اللہ علیہ وآلہ وسلم نے وہاں صرف میری وجہ سے قیام کیا تھا۔ دوسری روایت کے الفاظ یوں ہیں: سیدہ رضی اللہ عنہ کہتی ہیں: آپ صلی اللہ علیہ وآلہ وسلم منیٰ سے روانہ ہوکر وادی محصّب میں جاکر ٹھہرے، اللہ کی قسم ! آپ نے صرف میری وجہ سے وہاں قیام کیا تھا۔
Musnad Ahmad, Hadith(4572)
