ابوامامہ ؓ بیان کرتے ہیں ، میں نے نبی ﷺ کو فرماتے ہوئے سنا :’’ جو شخص با وضو بستر پر لیٹے اور اللہ کا ذکر کرتے ہوئے سو جائے تو پھر وہ رات کو جب بھی کروٹ بدلتے ہوئے اللہ سے دنیا و آخرت کی خیر طلب کرے تو اللہ اسے وہی عطا فرما دیتا ہے ۔‘‘ امام نووی ؒ نے ابن سنی کی روایت سے ’’ کتاب اذکار ‘‘ میں روایت کیا ہے ۔ ضعیف ۔
ضعیف ، ذکرہ النووی فی الاذکار (ص ۸۸) و رواہ ابن السنی (۷۱۹ ، ونسخہ الشیخ سلیم الھلالی : ۷۲۱) [و الترمذی (۳۵۲۶ وقال : حسن غریب)] * روایۃ اسماعیل بن عیاش عن الحجازیین ضعیفۃ و للحدیث شواھد دون قولہ :’’ ذکر اللہ حتی یدرکہ النعاس ‘‘ ۔
