حذیفہ سے روایت ہے کہ انہوں نے نبی ﷺ کے ساتھ نماز پڑھی ، آپ اپنے رکوع میں ((سبحان ربی العظیم)) اور سجود میں ((سبحان ربی الاعلیٰ)) پڑھا کرتے تھے ، جب آپ کسی آیت رحمت پر پہنچے تو وقف فرما کر رحمت طلب کرتے اور جب کسی آیت عذاب پر پہنچتے تو وقف فرما کر اللہ کی پناہ طلب کرتے ۔ ترمذی ، ابوداؤد ، دارمی ، اور نسائی و ابن ماجہ نے ((الاعلیٰ)) تک روایت کیا ، اور امام ترمذی ؒ نے فرمایا : یہ حدیث حسن صحیح ہے ۔ صحیح ۔
صحیح ، رواہ الترمذی (۲۶۲ وقال : حسن صحیح) و ابوداؤد (۸۷۱) و الدارمی (۱ / ۲۹۹ ح ۱۳۱۲) و النسائی (۱ / ۱۹۰ ح ۱۰۴۷) و ابن ماجہ (۸۸۸ من طریق آخر و سندہ ضعیف وھو حسن بالشواھد) [و رواہ مسلم فی صحیحہ : ۴۸۷ مطولاً) ۔
