Musnad Ahmad | Hadees 10515 | مسنداحمد | Islamic Sayings

اس چیز کا بیان کہ آپ ‌صلی ‌اللہ ‌علیہ ‌وآلہ ‌وسلم کو بڑی ایذا پہنچانے والا آپ ‌صلی ‌اللہ ‌علیہ ‌وآلہ ‌وسلم کا چچا ابو لہب تھا

۔ (۱۰۵۱۵)۔ (عَنْہُ مِنْ طَرِیْقٍ ثَانٍ) قَالَ: اِنِّیْ لَمَعَ أَبِیْ رَجُلٌ شَابٌّ اَنْظُرُ اِلٰی رَسُوْلِ اللّٰہِ ‌صلی ‌اللہ ‌علیہ ‌وآلہ ‌وسلم یَتْبَعُ الْقَبَائِلَ، وَوَرَائَہُ رَجُلٌ أَحْوَلُ وَضِیْیئٌ ذُوْجُمَّۃٍ،یَقِفُ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم عَلَی الْقَبِیْلَۃِ وَیَقُوْلُ: ((یَا بَنِیْ فُلَانٍ! اِنِّیْ رَسُوْلُ اللّٰہِ اِلَیْکُمْ آمُرُکُمْ أَنْ تَعْبُدُوْا اللّٰہَ وَلَا تُشْرِکُوْا بِہٖشَیْئًا وَأَنْ تُصَدِّقُوْنِیْ حَتّٰی أُنْفِذَ عَنِ اللّٰہِ مَا بَعَثَنِیْ بِہٖ۔)) فَاِذَافَرَغَرَسُوْلُاللّٰہِ ‌صلی ‌اللہ ‌علیہ ‌وآلہ ‌وسلم مِنْ مَقَالَتِہِ قَالَ الْآخَرُ مِنْ خَلْفِہِ: یَا بَنِیْ فُلَانٍ! اِنَّ ھٰذَا یُرِیْدُکُمْ أَنْ تَسْلُخُوْا اللَّاتَ وَالْعُزّٰی وَحُلَفَائَ کُمْ مِنَ الْحَیِّ بَنِیْ مَالِکِ بْنِ اُقَیْشِ اِلٰی مَا جَائَ بِہٖمِنَالْبِدْعَۃِ وَالضَّلَالَۃِ فَـلَا تَسْمَعُوْا لَہُ وَلَا تَتِّبِعُوْہُ، فَقُلْتُ لِأَبِیْ: مَنْ ھٰذَا؟ قَالَ: عَمُّہُ أَبُوْ لَھَبٍ۔ (مسند احمد: ۱۶۱۲۱)

۔ (دوسری سند) سیدنا ربیعہ بن عباد دیلی ‌رضی ‌اللہ ‌عنہ کہتے ہیں: میں نوجوان آدمی تھا اور اپنے باپ کے ساتھ چلتے ہوئے رسول اللہ ‌صلی ‌اللہ ‌علیہ ‌وآلہ ‌وسلم کو دیکھ رہا تھا، آپ ‌صلی ‌اللہ ‌علیہ ‌وآلہ ‌وسلم قبیلوں کے پاس جاتے، جبکہ آپ ‌صلی ‌اللہ ‌علیہ ‌وآلہ ‌وسلم کے پیچھے بھینگی آنکھ والا خوبصورت آدمی تھا، اس کی مونڈھوں تک لٹکی ہوئی زلفیں تھیں، اللہ کے رسول ہر قبیلہ کے پاس رک کر فرماتے: اے بنی فلاں! میں تمہاری طرف اللہ کا رسول ہوں، میں تم کو حکم دیتا ہوں کہ اللہ تعالیٰ کی عبادت کرو، اس کے ساتھ کسی چیز کو شریک نہ ٹھہراؤ اور میری تصدیق کرو تاکہ میں اللہ تعالیٰ کا وہ پیغام پہنچا دوں، جس کے ساتھ اس نے مجھے مبعوث کیا ہے۔ جب رسول اللہ ‌صلی ‌اللہ ‌علیہ ‌وآلہ ‌وسلم اپنی بات سے فارغ ہوتے تو آپ ‌صلی ‌اللہ ‌علیہ ‌وآلہ ‌وسلم کے پیچھے والا بندہ یہ کہنا شروع کر دیتا: اے بنو فلاں! اس شخص کا ارادہ یہ ہے کہ تم لات و عزی اور اپنے حلیفوں بنو مالک بن اُقیش کو چھوڑ کر اس بدعت و ضلالت کو اپنا لو، جو یہ لے کر آیا ہے، لہٰذا نہ اس کی بات سنو اور نہ اس کی پیروی کرو، میں نے اپنے باپ سے کہا: یہ شخص کون ہے؟ انھوں نے کہا: یہ آپ ‌صلی ‌اللہ ‌علیہ ‌وآلہ ‌وسلم کا چچا ابو لہب ہے۔

Haidth Number: 10515

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۰۵۱۵) تخریج: انظر الحدیث بالطریق الأول

Wazahat

Not Available