Musnad Ahmad | Hadees 10601 | مسنداحمد | Islamic Sayings

۔ (۱۰۶۰۱)۔ عَنْ جَابِرِ بْنِ عَبْدِ اللّٰہِ قَالَ: کَانَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم یَعْرِضُ نَفْسَہُ عَلَی النَّاسِ بِالْمَوْقِفِ فَیَقُوْلُ: ((ھَلْ مِنْ رَجُلٍ یَحْمِلُنِیْ اِلٰی قَوْمِہِ فَاِنَّ قُرَیْشًا قَدْ مَنَعُوْنِیْ أَنْ اُبَلِّغَ کَلَامَ رَبِّیْ عَزَّ وَجَلَّ۔)) فَاَتَاہُ رَجُلٌ مِنْ ھَمْدَانَ، فَقَالَ: ((مِمَّنْ أَنْتَ؟)) فَقَالَ الرَّجُلُ: مِنْ ھَمْدَانَ، قَالَ: ((فَھَلْ عِنْدَ قَوْمِکَ مِنْ مَنَعَۃٍ؟)) قَالَ: نَعَمْ، ثُمَّّ اِنَّ الرَّجُلَ خَشِیَ أَنْ یَحْقِرَہُ قَوْمُہُ، فأَتَی رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم فَقَالَ: آتِیْھِمْ فَأُخْبِرُھُمُ ثُمَّّ آتِیْکَ مِنْ عَامٍ قَابِلٍ، قَالَ: ((نَعَمْ۔)) فَانْطَلَقَ وَجَائَ وَفْدُ الْأَنْصَارِ فِیْ رَجَبٍ۔ (مسند احمد: ۱۵۲۶۰)

۔ سیدنا جابر بن عبد اللہ ‌رضی ‌اللہ ‌عنہ سے روایت ہے کہ نبی کریم ‌صلی ‌اللہ ‌علیہ ‌وآلہ ‌وسلم (عرفات کے) موقف میں اپنے آپ کو لوگوں پر پیش کرتے اور فرماتے: کیا کوئی ایسا آدمی ہے، جو مجھے اپنی قوم کے پاس لے جائے تاکہ میں اللہ تعالیٰ کا کلام لوگوں تک پہنچا سکوں، کیونکہ قریش نے مجھے ایسا کرنے سے روک دیا ہے؟ ہمدان سے ایک آدمی آپ ‌صلی ‌اللہ ‌علیہ ‌وآلہ ‌وسلم کے پاس آیا اور آپ ‌صلی ‌اللہ ‌علیہ ‌وآلہ ‌وسلم نے اس سے پوچھا: تو کس قبیلے سے ہے؟ اس نے کہا: جی میں ہمدان سے ہوں۔ آپ ‌صلی ‌اللہ ‌علیہ ‌وآلہ ‌وسلم نے فرمایا: کیا تیری قوم کے پاس طاقت و عزت ہے؟ اس نے کہا: جی ہاں، لیکن پھر وہ آدمی ڈر گیا کہ کہیں ایسا نہ ہو کہ اس کی قوم اس کو حقیر قرار دے، پس وہ آپ ‌صلی ‌اللہ ‌علیہ ‌وآلہ ‌وسلم کے پاس آیا اور اس نے کہا: میں اپنی قوم کے پاس جا رہا ہوں، ان کو یہ تفصیل بتاؤں گا اور پھر اگلے سال آپ کے پاس آؤں گا، آپ ‌صلی ‌اللہ ‌علیہ ‌وآلہ ‌وسلم نے فرمایا: ٹھیک ہے۔ پس وہ چلا گیا اور پھر رجب میں انصاریوں کا وفد آپ ‌صلی ‌اللہ ‌علیہ ‌وآلہ ‌وسلم کے پاس پہنچ گیا تھا۔

Haidth Number: 10601

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۰۶۰۱) تخریج: اسنادہ صحیح علی شرط البخاری، أخرجہ ابوداود: ۴۷۳۴، وابن ماجہ: ۲۰۱، والترمذی: ۲۹۲۵ (انظر: ۱۵۱۹۲)

Wazahat

فوائد:… ہمدان، یمن کا ایک قبیلہ تھا۔