Musnad Ahmad | Hadees 10607 | مسنداحمد | Islamic Sayings.

بیعت ِ عقبہ اولی کے ایک سال بعد انصاریوں کے ستر مردوں اور دو عورتوں کا نبی کریم ‌صلی ‌اللہ ‌علیہ ‌وآلہ ‌وسلم کے پاس آنا اور بیعت ِ عقبہ ثانیہ کرنا

۔ (۱۰۶۰۷)۔ عَنْ عَامِرٍ قَالَ: انْطَلَقَ النَّبِیُّّ ‌صلی ‌اللہ ‌علیہ ‌وآلہ ‌وسلم وَمَعَہُ الْعَبَّاسُ عَمُّہُ اِلَی السَّبْعِیْنَ مِنَ الْأَنْصَارِ عِنْدَ الْعَقَبَۃِ تَحْتَ الشَّجَرَۃِ، فَقَالَ: ((لِیَتَّکَلِّمْ مُتَکَلِّمُکُمْ وَلَا یُطِیْلُ الْخُطْبَۃَ فَاِنَّ عَلَیْکُمْ مِنَ الْمُشْرِکِیْنَ عَیْنًا، وَاِنْ یَعْلَمُوْا بِکُمْ یَفْضَحُوْکُمْ۔)) فَقَالَ قَائِلُھُمْ وَھُوَ أَبُوْ اُمَامَۃَ: سَلْ یَا مُحَمَّدُ! لِرَبِّکَ مَاشِئْتَ، ثُمَّّ سَلْ لِنَفْسِکَ وَلِأَصْحَابِکَ مَا شِئْتَ، ثُمَّّ أَخْبِرْنَا مَالَنَا مِنَ الثَّوَابِ عَلَی اللّٰہِ عَزَّ وَجَلَّ وَعَلَیْکُمْ اِذَا فَعَلْنَا ذٰلِکَ، قَالَ: فَقَالَ: ((أَسْأَلُکُمْ لِرَبِّیْ عَزَّ وَجَلَّ أَنْ تَعْبُدُوْہُ وَلَا تُشْرِکُوْا بِہٖشَیْئًا، وَأَسْأَلُکُمْ لِنَفْسِیْ وَلِأَصْحَابِیْ أَنْ تُؤْوُوْنَا وَتَنْصُرُوْنَا وَتَمْنَعُوْنَا مِمَّا مَنَعْتُمْ مِنْہُ أَنْفُسَکُمْ)) قَالُوْا: فَمَا لَنَا اِذَا فَعَلْنَا ذٰلِکَ؟ قَالَ: ((لَکُمُ الْجَنَّۃُ)) قَالُوْا: فَلَکَ ذٰلِکَ۔ (مسند احمد: ۱۷۲۰۶)

۔ سیدنا عامر سے مروی ہے کہ نبی کریم ‌صلی ‌اللہ ‌علیہ ‌وآلہ ‌وسلم اپنے چچا سیدنا عباس ‌رضی ‌اللہ ‌عنہ کے ساتھ عقبہ کے پاس درخت کے نیچے ستر انصاریوں کے پاس تشریف لے گئے، آپ ‌صلی ‌اللہ ‌علیہ ‌وآلہ ‌وسلم نے فرمایا: تم میں جس بندے نے بات کرنی ہے، وہ بات کرے اور خطاب کو لمبا نہ کرے، کیونکہ مشرکوں کا جاسوس تمہاری تاڑ میں ہے اور اگر ان کو تمہاری اس کاروائی کا پتہ چل گیا تو وہ تمہیں رسوا کر دیں گے۔ پس ان کے بات کرنے والے سیدنا ابو امامہ ‌رضی ‌اللہ ‌عنہ نے کہا: اے محمد! اپنے ربّ کے لیے جو مطالبہ کرنا ہے کرو، اور پھر اپنے نفس اور اپنے صحابہ کے لیے جو چاہتے ہو، ہم سے سوال کرو، پھر ہمیں بتاؤ کہ اگر ہمیہ ذمہ داریاں نبھا دیں تو اللہ تعالیٰ کے ہاں ہمارا اجر و ثواب کیا ہوگا؟ آپ ‌صلی ‌اللہ ‌علیہ ‌وآلہ ‌وسلم نے فرمایا: میں تم سے اپنے ربّ کے لیےیہ مطالبہ کرتا ہوں کہ تم اس کی عبادت کرو اور اس کے ساتھ کسی چیز کو شریک نہ ٹھہراؤ اور اپنے اور اپنے صحابہ کے لیے تم سے یہ سوال کرتا ہوںکہ تم لوگ ہمیں جگہ فراہم کرو، ہماری مدد کرو اور ان امور سے ہماری بھی حفاظت کرو، جن سے تم اپنی جانوں کی حفاظت کرتے ہو۔ انھوں نے کہا: اگر ہم ایسا کرتے ہیں تو ہمیں کیا ملے گا؟ آپ ‌صلی ‌اللہ ‌علیہ ‌وآلہ ‌وسلم نے فرمایا: تم کو جنت ملے گی۔ انھوں نے کہا: تو پھر جو آپ نے مطالبہ کیا ہے، وہ پورا کیا جائے گا۔

Haidth Number: 10607

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۰۶۰۷) تخریج: مرسل صحیح، عامر الشعبی لم یدرک النبی ‌صلی ‌اللہ ‌علیہ ‌وآلہ ‌وسلم ، قال العجلی: مرسل الشعبی صحیح، لایکادیرسل الا صحیحا، أخرجہ البیھقی فی الدلائل : ۲/ ۴۵۰ (انظر: ۱۷۰۷۸)

Wazahat

Not Available