Musnad Ahmad | Hadees 10786 | مسنداحمد | Islamic Sayings

غزوۂ ذات الرقاع کا بیان، اس میں بھی نبی کریم ‌صلی ‌اللہ ‌علیہ ‌وآلہ ‌وسلم نے نمازِ خوف ادا کی

۔ (۱۰۷۸۶)۔ عَنْ جَابِرِ بْنِ عَبْدِ اللّٰہِ قَالَ: خَرَجْنَا مَعَ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم فِی غَزْوَۃِ ذَاتِ الرِّقَاعِ، فَأُصِیبَتِ امْرَأَۃٌ مِنَ الْمُشْرِکِینَ، فَلَمَّا انْصَرَفَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم قَافِلًا، وَجَائَ زَوْجُہَا وَکَانَ غَائِبًا، فَحَلَفَ أَنْ لَایَنْتَہِیَ حَتّٰییُہْرِیقَ دَمًا فِی أَصْحَابِ مُحَمَّدٍ ‌صلی ‌اللہ ‌علیہ ‌وآلہ ‌وسلم فَخَرَجَ یَتْبَعُ أَثَرَ النَّبِیِّ ‌صلی ‌اللہ ‌علیہ ‌وآلہ ‌وسلم فَنَزَلَ النَّبِیُّ ‌صلی ‌اللہ ‌علیہ ‌وآلہ ‌وسلم مَنْزِلًا، فَقَالَ: ((مَنْ رَجُلٌ یَکْلَؤُنَا لَیْلَتَنَا ہٰذِہِ؟)) فَانْتَدَبَ رَجُلٌ مِنَ الْمُہَاجِرِینَ وَرَجُلٌ مِنَ الْأَنْصَارِ فَقَالَا: نَحْنُ یَا رَسُولَ اللّٰہِ! قَالَ: ((فَکُونُوا بِفَمِ الشِّعْبِ۔)) قَالَ: وَکَانُوا نَزَلُوا إِلٰی شِعْبٍ مِنَ الْوَادِی، فَلَمَّا خَرَجَ الرَّجُلَانِ إِلَی فَمِ الشِّعْبِ، قَالَ الْأَنْصَارِیُّ لِلْمُہَاجِرِیِّ: أَیُّ اللَّیْلِ أَحَبُّ إِلَیْکَ أَنْ أَکْفِیَکَہُ أَوَّلَہُ أَوْ آخِرَہُ؟ قَالَ: اکْفِنِی أَوَّلَہُ، فَاضْطَجَعَ الْمُہَاجِرِیُّ فَنَامَ، وَقَامَ الْأَنْصَارِیُّیُصَلِّی، وَأَتَی الرَّجُلُ، فَلَمَّا رَأٰی شَخْصَ الرَّجُلِ، عَرَفَ أَنَّہُ رَبِیئَۃُ الْقَوْمِ، فَرَمَاہُ بِسَہْمٍ فَوَضَعَہُ فِیہِ فَنَزَعَہُ فَوَضَعَہُ وَثَبَتَ قَائِمًا، ثُمَّ رَمَاہُ بِسَہْمٍ آخَرَ فَوَضَعَہُ فِیہِ فَنَزَعَہُ فَوَضَعَہُ وَثَبَتَ قَائِمًا، ثُمَّ عَادَ لَہُ بِثَالِثٍ فَوَضَعَہُ فِیہِ فَنَزَعَہُ فَوَضَعَہُ ثُمَّ رَکَعَ وَسَجَدَ ثُمَّ أَہَبَّ صَاحِبَہُ، فَقَالَ: اجْلِسْ فَقَدْ أُتِیتَ، فَوَثَبَ فَلَمَّا رَآہُمَا الرَّجُلُ عَرَفَ أَنْ قَدْ نَذَرُوا بِہِ فَہَرَبَ، فَلَمَّا رَأَی الْمُہَاجِرِیُّ مَا بِالْأَنْصَارِیِّ مِنَ الدِّمَائِ قَالَ: سُبْحَانَ اللّٰہِ! أَلَا أَہْبَبْتَنِی؟ قَالَ: کُنْتُ فِی سُورَۃٍ أَقْرَؤُہَا فَلَمْ أُحِبَّ أَنْ أَقْطَعَہَا حَتّٰی أُنْفِذَہَا، فَلَمَّا تَابَعَ الرَّمْیَ رَکَعْتُ فَأُرِیتُکَ، وَایْمُ اللّٰہِ! لَوْلَا أَنْ أُضَیِّعَ ثَغْرًا أَمَرَنِی رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم بِحِفْظِہِ، لَقَطَعَ نَفْسِی قَبْلَ أَنْ أَقْطَعَہَا أَوْ أُنْفِذَہَا۔ (مسند احمد: ۱۴۷۶۰)

سیدنا جابر بن عبداللہ ‌رضی ‌اللہ ‌عنہ سے مروی ہے کہ ہم غزوۂ ذاتِ رقاع میں رسول اللہ ‌صلی ‌اللہ ‌علیہ ‌وآلہ ‌وسلم کے ہمراہ روانہ ہوئے، اس دوران مشرکین کی ایک عورت مسلمانوں کے ہاتھوں قتل ہو گئی، جب اللہ کے رسول ‌صلی ‌اللہ ‌علیہ ‌وآلہ ‌وسلم واپس لوٹے تو اس عورت کا شوہر جو اس وقت موجود نہ تھا، وہ آچکا تھا، اس نے قسم اُٹھائی کہ وہ اپنی کارروائی سے اس وقت تک باز نہ آئے گا جب تک کہ اصحابِ محمد ‌صلی ‌اللہ ‌علیہ ‌وآلہ ‌وسلم میں قتل وغارت نہ کر دے، چنانچہ وہ نبی کریم ‌صلی ‌اللہ ‌علیہ ‌وآلہ ‌وسلم کا پیچھا کرنے لگا، آپ ‌صلی ‌اللہ ‌علیہ ‌وآلہ ‌وسلم نے ایک مقام پر پڑاؤ ڈالا اور آپ ‌صلی ‌اللہ ‌علیہ ‌وآلہ ‌وسلم نے فرمایا: کون ہے جو ہمارا پہرہ دے گا؟ ایک مہاجر اور ایک انصاری کا نام لیا گیا،ان دونوں نے عرض کیا: اے اللہ کے رسول! ہم پہرہ دیں گے۔ آپ ‌صلی ‌اللہ ‌علیہ ‌وآلہ ‌وسلم نے فرمایا: تم گھاٹی کے سامنے رہنا۔ سیدنا جابر ‌رضی ‌اللہ ‌عنہ کہتے ہیں: صحابہ کرام نے وادی کی ایک جانب میں نزول کیا تھا، جب یہ دونوں آدمی گھاٹی کی طرف گئے تو انصاری نے مہاجر ساتھی سے کہا: تمہیں رات کا اول حصہ پسند ہے یا آخری، تاکہ میں اس حصے میں تمہاری طرف سے پہرہ دوں اور تم آرام کر لو۔ اس نے کہا: تم رات کے اول حصہ میں ڈیوٹی دو، چنانچہ مہاجر لیٹ گیا اور اسے نیند آگئی اور انصاری کھڑا ہو کر نماز میں مشغول ہو گیا، وہ دشمن آیا اس نے دور سے ایک آدمی کا وجود دیکھا تو سمجھ گیا کہ یہ ضرور ان کا نگران ہے، اس نے تیر مارا تیر آکر انصاری کو لگا۔ اس نے ( نماز کے دوران ہی) تیر کو نکال کر رکھ دیا اور کھڑا نماز پڑھتا رہا، دشمن نے دوسرا تیر مارا، وہ بھی آ کر لگا، اس نے اسے نکال کر رکھ دیا اور نماز میں مشغول رہا، دشمن نے اسے تیسرا تیر مارا، وہ بھی آ لگا، اس نے اسے بھی نکال کر رکھ دیا۔ اس کے بعد رکوع اور سجدے کئے اور ( نماز سے فارغ ہو کر) اپنے ساتھی کو بیدار کیا اور کہا اُٹھ کر بیٹھو دشمن آگیا ہے۔ وہ جلدی سے اُٹھا دشمن نے ان دو آدمیوں کو دیکھا تو جان گیا کہ وہ سنبھل گئے ہیں۔ یہ دیکھ کر وہ بھاگ گیا، مہاجر نے انصاری کو لہولہان دیکھا تو کہا: سبحان اللہ! تم نے مجھے شروع ہی میں بیدار کیوں نہ کر دیا؟ انصاری نے کہا: میں ایک سورت شروع کر چکا تھا، میں نے اسے ادھورا چھوڑنا مناسب نہ سمجھا، جب پے در پے تیر آئے، تب میں نے جلدی سے رکوع کیا۔ ( اور نماز مکمل کی) اور تمہیں آگاہ کیا۔ اللہ کی قسم! رسول اللہ ‌صلی ‌اللہ ‌علیہ ‌وآلہ ‌وسلم نے میرے ذمہ جو اس طرف سے پہرہ کی ذمہ داری لگائی تھی اس میں کوتاہی کا اندیشہ نہ ہوتا تو میرے اس سورت کو مکمل کرنے سے پہلے میری جان چلی جاتی۔

Haidth Number: 10786

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۰۷۸۶) تخریج: حدیث حسن، أخرجہ ابوداود: ۱۹۸ (انظر: ۱۴۷۰۴)

Wazahat

Not Available