Musnad Ahmad | Hadees 11053 | مسنداحمد | Islamic Sayings

رسول اللہ ‌صلی ‌اللہ ‌علیہ ‌وآلہ ‌وسلم کی نماز جنازہ کا بیان

۔ (۱۱۰۵۳)۔ عَنْ عَبْدِ اللّٰہِ بْنِ الْحَارِثِ قَالَ: اعْتَمَرْتُ مَعَ عَلِیِّ بْنِ أَبِی طَالِبٍ رَضِیَ اللّٰہُ عَنْہُ فِی زَمَانِ عُمَرَ أَوْ زَمَانِ عُثْمَانَ رَضِیَ اللّٰہُ عَنْہُ، فَنَزَلَ عَلٰی أُخْتِہِ أُمِّ ہَانِئٍ بِنْتِ أَبِی طَالِبٍ، فَلَمَّا فَرَغَ مِنْ عُمْرَتِہِ رَجَعَ فَسُکِبَ لَہُ غُسْلٌ فَاغْتَسَلَ، فَلَمَّا فَرَغَ مِنْ غُسْلِہِ دَخَلَ عَلَیْہِ نَفَرٌ مِنْ أَہْلِ الْعِرَاقِ، فَقَالُوا: یَا أَبَا حَسَنٍ جِئْنَاکَ نَسْأَلُکَ عَنْ أَمْرٍ نُحِبُّ أَنْ تُخْبِرَنَا عَنْہُ، قَالَ: أَظُنُّ الْمُغِیرَۃَ بْنَ شُعْبَۃَیُحَدِّثُکُمْ أَنَّہُ کَانَ أَحْدَثَ النَّاسِ عَہْدًا بِرَسُولِ اللّٰہِ ‌صلی ‌اللہ ‌علیہ ‌وآلہ ‌وسلم قَالُوا: أَجَلْ عَنْ ذٰلِکَ جِئْنَا نَسْأَلُکَ، قَالَ: أَحْدَثُ النَّاسِ عَہْدًا بِرَسُولِ اللّٰہِ ‌صلی ‌اللہ ‌علیہ ‌وآلہ ‌وسلم قُثَمُ بْنُ الْعَبَّاسِ۔ (مسند احمد: ۷۸۷)

عبداللہ بن حارث سے مروی ہے، وہ کہتے ہیں: میں نے سیدنا عمر ‌رضی ‌اللہ ‌عنہ یا سیدنا عثمان ‌رضی ‌اللہ ‌عنہ کے دورِ خلافت میں سیدنا علی بن ابی طالب ‌رضی ‌اللہ ‌عنہ کی معیت میں عمرہ کیا، آپ اپنی ہمشیرہ سیدہ ام ہانی بنت ابی طالب ‌رضی ‌اللہ ‌عنہا کے ہاں مہمان ٹھہرے، جب آپ عمرہ سے فارغ ہوئے تو آپ کے غسل کے لیے پانی رکھا گیا، چنانچہ آپ نے غسل کیا، جب آپ غسل سے فارغ ہوئے تو عراق کے کچھ لوگ آپ سے ملنے آئے، انہوں نے کہا: اے ابو الحسن! ہم آپ سے ایک بات پوچھنے آئے ہیں، ہم چاہتے ہیں کہ آپ ہمیں اس کے متعلق بتلائیں، سیدنا علی ‌رضی ‌اللہ ‌عنہ نے کہا: میرا خیال ہے کہ سیدنا مغیرہ بن شعبہ ‌رضی ‌اللہ ‌عنہ آپ لوگوں سے کہتے ہوں گے کہ ان کو سب سے آخر میں رسول اللہ ‌صلی ‌اللہ ‌علیہ ‌وآلہ ‌وسلم کو چھونے کا اعزاز حاصل ہوا ہے؟ ان لوگوں نے کہا: جی ہاں، ہم اسی کے متعلق آپ سے دریافت کرنے آئے ہیں، سیدنا علی ‌رضی ‌اللہ ‌عنہ نے کہا:رسول اللہ ‌صلی ‌اللہ ‌علیہ ‌وآلہ ‌وسلم کو سب سے آخر میں سیدنا قثم بن عباس ‌رضی ‌اللہ ‌عنہ نے چھونے کا اعزاز حاصل کیا تھا۔

Haidth Number: 11053

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۱۰۵۳) تخریج: اسنادہ حسن (انظر: ۷۸۷)

Wazahat

فوائد:… جو لوگ نبی کریم ‌صلی ‌اللہ ‌علیہ ‌وآلہ ‌وسلم کو قبر میں اتارنے کے لیے قبر میں داخل ہوئے تو سب سے آخر میں سیدنا قثم ‌رضی ‌اللہ ‌عنہ قبر سے باہر آئے تھے، لیکن سیدنا مغیرہ ‌رضی ‌اللہ ‌عنہ کو دوبارہ قبر میں اترنا پڑا، اس لیے سب سے آخر میں آپ ‌صلی ‌اللہ ‌علیہ ‌وآلہ ‌وسلم کو چھونے کا اعزاز ان ہی کے حصے میں آیا۔