Musnad Ahmad | Hadees 11276 | مسنداحمد | Islamic Sayings

آپ ‌صلی ‌اللہ ‌علیہ ‌وآلہ ‌وسلم کا معجزہ کہ آپ ‌صلی ‌اللہ ‌علیہ ‌وآلہ ‌وسلم کی برکت سے مریضوں کی شفایابی، اونٹ کے آپ کو شکایت کرنے اور آپ ‌صلی ‌اللہ ‌علیہ ‌وآلہ ‌وسلم کو سلام کرنے کے لیے اور آپ ‌صلی ‌اللہ ‌علیہ ‌وآلہ ‌وسلم کے حکم کی بجا آوری کے لیے درخت کے اپنی جگہ سے ہٹ جانے کا تذکرہ

۔ (۱۱۲۷۶)۔ عَنْ عَبْدِاللّٰہِ بْنِ جَعْفَرٍقَالَ: أَرْدَفَنِیْ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم ذَاتَ یَوْمٍ خَلْفَہٗ،فَأَسَرَّإِلَیَّ حَدِیْثاً لَا أُخْبِرُ بِہِ أَحَداً أَبَداً، وَکَانَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم أَحَبُّ مَا اسْتَتَرَبِہِ فِیْ حَاجَتِہِ ھَدَفٌ، أَوْحَائِشُ نَخْلٍ، فَدَخَلَ یَوْماً حَائِطاً مِنْ حِیْطَانِ الْأَنْصَارِ، فَاِذَا جَمَلٌ قَدْ أَتَاہٗفَجَرْجَرَ،وَذَرَفَتْعَیْنَاہٗ، قَالَ بَہْزٌوَعَفَّّانُ: فَلَمَّّا رَأَی النَّبِیَّ ‌صلی ‌اللہ ‌علیہ ‌وآلہ ‌وسلم حَنَّ وَ ذَرَفَتْ عَیْنَاہٗ، فَمَسَحَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم سَرَاتَہٗوَذِفْرَاہٗ، فَسَکَنَ۔ فَقَالَ: ((مَنْ صَاحِبُ الْجَمَلِ؟)) فَجَائَ فَتًی مِنَ الْأَنْصَارِ، فَقَالَ: ھُوَ لِیْیَا رَسُوْلَ اللّٰہِ، فَقَالَ: ((أَمَا تَتَّقِی اللّٰہَ فِی ھٰذِہِ الْبَہِیْمَۃِ الَّتِیْ مَلَّّکَکَہَا اللّٰہٗ۔)) إِنَّہُشَکَااِلَیَّ أَنَّکَ تُجِیْعُہٗ وَتُدْئِبُہٗ۔ (مسنداحمد: ۱۷۴۵)

سیدناعبداللہ بن جعفر ‌رضی ‌اللہ ‌عنہ سے مروی ہے،وہ کہتے ہیں : اللہ کے رسول ‌صلی ‌اللہ ‌علیہ ‌وآلہ ‌وسلم نے ایک دن مجھے سواری پر اپنے پیچھے سوار کیا اور آپ ‌صلی ‌اللہ ‌علیہ ‌وآلہ ‌وسلم نے مجھ سے راز دارانہ طور پر ایک بات فرمائی،جو میں کبھی بھی کسی کو نہیں بتلائوں گا۔ اللہ کے رسول ‌صلی ‌اللہ ‌علیہ ‌وآلہ ‌وسلم قضائے حاجت کے وقت کسی بلند عمارت یا کھجوروں کے جھنڈکو پسند کیا کرتے تھے۔ آپ ‌صلی ‌اللہ ‌علیہ ‌وآلہ ‌وسلم ایک دن انصاریوں کے کھجوروں کے باغات میں سے ایک باغ میں تشریف لے گئے، تو ایک اونٹ نے آپ ‌صلی ‌اللہ ‌علیہ ‌وآلہ ‌وسلم کے پاس آکر بلبلانا اور آنکھوں سے آنسو بہانا شرو ع کر دیا۔ جعفر اور عفان سے مروی ہے،وہ کہتے ہیں: اس نے نبی کریم ‌صلی ‌اللہ ‌علیہ ‌وآلہ ‌وسلم کو دیکھا تو رونے لگا اور اس کی آنکھوں میں آنسو آگئے۔ رسول اللہ ‌صلی ‌اللہ ‌علیہ ‌وآلہ ‌وسلم نے اس کی پشت پر اور اس کے سر پر ہاتھ پھیرا تو وہ پر سکون ہوگیا۔ آپ ‌صلی ‌اللہ ‌علیہ ‌وآلہ ‌وسلم نے پوچھا ـ: اس اونٹ کا مالک کون ہے؟ ایک انصاری نو جوان نے آکر عرض کی: اے اللہ کے رسول! یہ اونٹ میرا ہے۔ آپ ‌صلی ‌اللہ ‌علیہ ‌وآلہ ‌وسلم نے فرمایا : اللہ نے تمہیں اس جانور کا مالک بنایا ہے۔ کیا تم اس کے بارے میں اللہ سے نہیں ڈرتے؟ اس نے مجھ سے شکایت کی ہے کہ تم اسے بھوکا رکھتے ہو اور مشقت زیادہ لیتے ہو۔

Haidth Number: 11276

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۱۲۷۶) تخریج:اخرجہ مسلم: ۳۴۲ (انظر: ۱۷۴۵)

Wazahat

Not Available