Musnad Ahmad | Hadees 11293 | مسنداحمد | Islamic Sayings

اس امر کا بیان کہ آپ ‌صلی ‌اللہ ‌علیہ ‌وآلہ ‌وسلم کے معجزات میں سے ایکیہ بھی ہے کہ شدید پیاس کے موقع پر آپ ‌صلی ‌اللہ ‌علیہ ‌وآلہ ‌وسلم کی انگشت ہائے مبارکہ سے پانی پھوٹنے لگا

۔ (۱۱۲۹۳)۔ عَنْ سَالِمِ بْنِ أَبِی الْجَعْدِ، عَنْ جَابِرٍ، قَالَ: عَطِشَ النَّاسُ یَوْمَ الْحُدَیْبِیَّۃِ وَرَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم بَیْنَیَدَیْہِ رَکْوَۃٌیَتَوَضَّأُ مِنْہَا، إِذْ جَہَشَ النَّاسُ نَحْوَہٗ،فَقَالَ: ((مَاشَأْنُکُمْ؟)) قَالُوْا: یَا رَسُوْلَ اللّٰہ!ِ إِنَّہُ لَیْسَ لَنَا مَائٌ نَشْرَبُ مِنْہُ وَلَا مَائٌ نَتَوَضَّأُبِہِ إِلَّامَا بَیْنَیَدَیْکَ، فَوَضَعَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم یَدَیْہِ فِی الرَّکْوَۃِ، فَجَعَلَ الْمَائُ یَفُوْرُ مِنْ بَیْنِ أَصَابِعِہِ کَأَمْثَالِ الْعُیُوْنِ، فَشَرِبْنَا وَتَوَضَّأْنَا، فَقُلْتُ: کَمْ کُنْتُمْ؟ قَالَ: لَوْ کُنَّا مِائَۃَ أَلْفٍ لَکَفَانَا، کُنَّا خَمْسَ عَشْرَۃَ مِائَۃً۔ (مسند احمد: ۱۴۵۷۶)

سیدناجابربن عبداللہ ‌رضی ‌اللہ ‌عنہ سے مروی ہے، وہ کہتے ہیں: حدیبیہ کے دن لوگوں کو شدید پیاس لگی، رسول اللہ ‌صلی ‌اللہ ‌علیہ ‌وآلہ ‌وسلم کے سامنے چمڑے کا ایک چھوٹا سا برتن تھا، جس سے آپ ‌صلی ‌اللہ ‌علیہ ‌وآلہ ‌وسلم وضو کیا کرتے تھے، لوگ اس برتن کی طرف للچائی نظروں سے دیکھنے لگے۔ آپ ‌صلی ‌اللہ ‌علیہ ‌وآلہ ‌وسلم نے دریافت فرمایا: کیا بات ہے؟ انہوں نے عر ض کیا: اللہ کے رسول! آپ ‌صلی ‌اللہ ‌علیہ ‌وآلہ ‌وسلم کے سامنے موجود پانی کے علاوہ ہمارے پاس پینےیا وضو کرنے کے لیے پانی نہیں ہے۔ آپ ‌صلی ‌اللہ ‌علیہ ‌وآلہ ‌وسلم نے اپنے دونوں ہاتھ چمڑے کے اس برتن میں رکھ دیئے۔ آپ ‌صلی ‌اللہ ‌علیہ ‌وآلہ ‌وسلم کی انگلیوں سے پانی چشموں کی مانند پھوٹنے لگا۔ہم نے پانی پیااور وضو کیا۔سالم بن ابی جعد کہتے ہیں کہ میں نے سیدنا جابر ‌رضی ‌اللہ ‌عنہ سے دریافت کیا کہ اس دن آپ لوگوں کی تعداد کتنی تھی؟ انہوں نے کہا: اگر ہم ایک لاکھ بھی ہوتے تو وہ پانی ہمیں کافی رہتا ،ویسے ہماری تعداد پندرہ سو تھی۔

Haidth Number: 11293

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۱۲۹۳) تخریج: أخرجہ البخاری: ۳۵۷۶،ومسلم: ۱۸۵۶(انظر: ۱۴۵۲۲)

Wazahat

Not Available