Musnad Ahmad | Hadees 11296 | مسنداحمد | Islamic Sayings

اس امر کا بیان کہ آپ ‌صلی ‌اللہ ‌علیہ ‌وآلہ ‌وسلم کے معجزات میں سے ایکیہ بھی ہے کہ شدید پیاس کے موقع پر آپ ‌صلی ‌اللہ ‌علیہ ‌وآلہ ‌وسلم کی انگشت ہائے مبارکہ سے پانی پھوٹنے لگا

۔ (۱۱۲۹۶)۔ عَنْ حُمَیْدٍ، عَنْ أَنَسِ بْنِ مَالِکٍ، قَالَ: نُوْدِیَ بِالصَّلَاۃِ، فَقَامَ کُلُّ قَرِیْبِ الدَّارِ مِنَ الْمَسْجِدِ وَبَقِیَ مَنْ کَانَ أَھْلُہُ نَائِیَ الدَّارِ، فَأُتِیَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم بِمِخْضَبٍ مِنْ حِجَارَۃٍ فَصَغُرَ أَنْ یَّبْسُطَ أَکُفَّہُ فِیْہِ، قَالَ: فَضَمَّ أَصَابِعَہٗ،قَالَ: فَتَوَضَّأَبَقِیَّتُہُمْ۔ قَالَ حُمَیْدٌ: وَسُئِلَ أَنَسٌ: کَمْ کَانُوْا؟ قَالَ: ثَمَانِیْنَ أَوْزِیَادَۃً۔ (مسند احمد: ۱۲۰۵۵)

سیدنا انس بن مالک ‌رضی ‌اللہ ‌عنہ سے مروی ہے کہ نماز کے لیے آواز دی گئی، جن لوگوں کے گھر مسجد کے قریب تھے، وہ سب اٹھ کر گھروں کو چلے گئے، (تاکہ وضو کر کے آئیں)۔ صرف وہ لوگ رہ گئے جن کے گھر مسجد سے دور تھے۔ رسول اللہ ‌صلی ‌اللہ ‌علیہ ‌وآلہ ‌وسلم کی خدمت میں پتھر کا ایک چھوٹا سا برتن لایا گیا، وہ اس قدر چھوٹا تھا کہ آپ ‌صلی ‌اللہ ‌علیہ ‌وآلہ ‌وسلم اس میں ہتھیلی کو نہ پھیلا سکے۔ پس آپ ‌صلی ‌اللہ ‌علیہ ‌وآلہ ‌وسلم نے انگلیوں کو آپس میں ملالیا، سیدنا انس ‌رضی ‌اللہ ‌عنہ کہتے ہیں: سب لوگوں نے وضوء کر لیا۔ حمید کہتے ہیں: سیدنا انس ‌رضی ‌اللہ ‌عنہ سے دریافت کیا گیا کہ آدمی کتنے تھے؟ انہوں نے بتایا کہ اسییا اس سے کچھ زائد افراد تھے۔

Haidth Number: 11296

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۱۲۹۶) تخریج: أخرجہ البخاری: ۳۵۷۵(انظر: ۱۲۰۳۲)

Wazahat

Not Available