Musnad Ahmad | Hadees 11309 | مسنداحمد | Islamic Sayings

آپ ‌صلی ‌اللہ ‌علیہ ‌وآلہ ‌وسلم کی برکت سے کھانے میں اضافہ ہو جانا بھی آپ ‌صلی ‌اللہ ‌علیہ ‌وآلہ ‌وسلم کا معجزہ ہے

۔ (۱۱۳۰۹)۔ عَنِ النُّعْمَانِ بْنِ مُقَرِّنٍ، قَالَ: قَدِمْنَا عَلٰی رَسُوْلِ اللّٰہِ ‌صلی ‌اللہ ‌علیہ ‌وآلہ ‌وسلم فِی أَرْبَعِمِائَۃٍ مِنْ مُزَیْنَۃَ، فَأَمَرَنَا رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم بِأَمْرِہِ، فَقَالَ بَعْضُ الْقَوْمِ: یَارَسُوْلَ اللّٰہِ! مَا لَنَا طَعَامٌ نَتَزَوَّدُہٗ،فَقَالَالنَّبِیُّ ‌صلی ‌اللہ ‌علیہ ‌وآلہ ‌وسلم لِعُمَرَ: ((زَوِّدْھُمْ۔)) فَقَالَ: مَا عِنْدِیْ إِلَّا فَاضِلَۃٌ مِنْ تَمْرٍوَمَا أُرَاھَا تُغْنِیْ عَنْہُمْ شَیْئًا، فَقَالَ: ((انْطَلِقْ فَزَوِّدْھُمْ۔)) فَانْطَلَقَ بِنَا إِلٰی عُلِّیَّۃٍ لَہٗ،فَإِذَا فِیْہَا تَمْرٌ مِثْلُ الْبَکْرِ الْأَوْرَقِ، فَقَالَ: خُذُوْا، فَأَخَذَ الْقَوْمُ حَاجَتَہُمْ، قَالَ: وَکُنْتُ أَنَا فِی آخِرِالْقَوْمِ، قَالَ: فَالْتَفَتُّ وَمَا أَفْقِدُ مَوْضِعَ تَمْرَۃٍ، وَقَدِ احْتَمَلَ مِنْہُ أَرْبَعُمَائَۃِ رَجُلٍ۔ (مسند احمد: ۲۴۱۴۷)

سیدنا نعمان بن مقرن ‌رضی ‌اللہ ‌عنہ کہتے ہیں: ہم قبیلہ بنو مزینہ کے چار سو آدمی رسول ‌صلی ‌اللہ ‌علیہ ‌وآلہ ‌وسلم کی خدمت میں حاضر ہوئے۔ رسول اللہ ‌صلی ‌اللہ ‌علیہ ‌وآلہ ‌وسلم نے ہمارے لئے لوگوں کو حکم دیا۔ بعض لوگوں نے عرض کی: اے اللہ کے رسول! ان کو دینے کے لیے ہمارے پاس کھانا میسر نہیں ہے۔ نبی کریم ‌صلی ‌اللہ ‌علیہ ‌وآلہ ‌وسلم نے سیدنا عمربن خطاب ‌رضی ‌اللہ ‌عنہ سے فرمایا: تم انہیں کھانا مہیا کرو۔ انہوں نے عرض کی: میرے پاس تو کچھ ہلکی قسم کی کھجور ہے، میرا خیال ہے کہ وہ ان کو کفایت نہیں کرے گی۔آپ ‌صلی ‌اللہ ‌علیہ ‌وآلہ ‌وسلم نے فرمایا: تم جا کر انہیں دے دو۔ وہ ہمیں اپنے ساتھ بالا خانے میں لے گئے، وہاں مٹیالے رنگ کی سی کھجور تھی۔ انہوں نے کہا: یہاں سے اٹھا لو۔ لوگوں نے اپنی اپنی ضرورت کے مطابق کھجوریں اٹھا لیں، میں سب سے آخر میں تھا۔ میں نے غور کیا تو معلوم ہوا کہ ہم نے ایک کھجور کے برابر بھی جگہ خالی نہیں کی۔ حالانکہ وہاں سے چار سو افراد نے کھجوریں اٹھائی تھیں۔

Haidth Number: 11309

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۱۳۰۹) تخریج: صحیح لغیرہ، اخرجہ البیھقی: ۵/ ۳۶۵ (انظر: ۲۳۷۴۶)

Wazahat

Not Available