Musnad Ahmad | Hadees 11311 | مسنداحمد | Islamic Sayings

آپ ‌صلی ‌اللہ ‌علیہ ‌وآلہ ‌وسلم کی برکت سے کھانے میں اضافہ ہو جانا بھی آپ ‌صلی ‌اللہ ‌علیہ ‌وآلہ ‌وسلم کا معجزہ ہے

۔ (۱۱۳۱۱)۔ عَنْ عَبْدِ الرَّحْمٰنِ بْنِ أَبِیْ لَیْلٰی، عَنْ أَنَسِ بْنِ مَالِکٍ، قَالَ: أَتٰی أَبُوْ طَلْحَۃَ بِمُدَّیْنِ مِنْ شَعِیْرٍ، فَأَمَرَ بِہِ فَصُنِعَ طَعَامًا، ثُمَّ قَالَ لِیْ: یَا أَنَسُ! انْطَلِقْ ائْتِ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم فَادْعُہُ وَقَدْ تَعْلَمُ مَا عِنْدَنَا، قَالَ: فَأَتَیْتُ النَّبِیَّ ‌صلی ‌اللہ ‌علیہ ‌وآلہ ‌وسلم وَأَصْحَابُہُ عِنْدَہُ، فَقُلْتُ: إِنَّ أَبَا طَلْحَۃَیَدْعُوْکَ إِلٰی طَعَامِہِ، فَقَامَ وَقَالَ لِلنَّاسِ: ((قُوْمُوْا۔)) فَقَامُوْا، فَجِئْتُ أَمْشِیْ بَیْنَیَدَیْہِ حَتّٰی دَخَلْتُ عَلٰی أَبِی طَلْحَۃَ فَأَخْبَرْتُہُ، قَالَ: فَضَحْتَنَا، قُلْتُ: إِنِّی لَمْ أَسْتَطِعْ أَنْ أَرُدَّ عَلٰی رَسُوْلِ اللّٰہِ ‌صلی ‌اللہ ‌علیہ ‌وآلہ ‌وسلم أَمْرَہٗ، فَلَمَّا انْتَہَی النَّبِیُّ ‌صلی ‌اللہ ‌علیہ ‌وآلہ ‌وسلم إِلَی الْبَابِ قَالَ لَھُمْ: ((اقْعُدُوْا۔)) وَدَخَلَ عَاشِرَعَشَرَۃً، فَلَمَّا دَخَلَ وَأُتِیَ بِالطَّعَامِ تَنَاوَلَ فَأَکَلَ، وَأَکَلَ مَعَہُ الْقَوْمُ حَتّٰی شَبِعُوْا، ثُمَّ قَالَ لَھُمْ: ((قُوْمُوْا، وَلْیَدْخُلْ عَشَرَۃٌ مَکَانَکُمْ۔)) حَتّٰی دَخَلَ الْقَوْمُ کُلُّہُمْ وَأَکَلُوْا، قَالَ: قُلْتُ: کَمْ کَانُوْا؟ قَالَ: کَانُوْا نَیْفًا وَ ثَمَانِیْنَ، قَالَ: وَفَضَلَ لِأَھْلِ الْبَیْتِ مَا أَشْبَعَہُمْ۔ (مسند احمد: ۱۳۴۶۱)

سیدنا انس بن مالک ‌رضی ‌اللہ ‌عنہ سے مروی ہے، وہ کہتے ہیں: سیدنا ابو طلحہ ‌رضی ‌اللہ ‌عنہ دو مد جولے کر آئے، انہوں نے اس سے کھانا تیار کرنے کا حکم دیا، پھر مجھ سے کہا: انس! تم جا کر رسول اللہ ‌صلی ‌اللہ ‌علیہ ‌وآلہ ‌وسلم کو بلا لائو اور تم جانتے ہی ہو کہ کھانا تھوڑا سا ہے۔ سیدنا انس ‌رضی ‌اللہ ‌عنہ کہتے ہیں: میں نبی کریم ‌صلی ‌اللہ ‌علیہ ‌وآلہ ‌وسلم کیخدمت میں پہنچا تو صحابۂ کرام بھی آپ ‌صلی ‌اللہ ‌علیہ ‌وآلہ ‌وسلم کے پاس تھے۔ میں نے عرض کیا کہ ابو طلحہ ‌رضی ‌اللہ ‌عنہ آپ کو کھانے کے لیے بلاتے ہیں۔ آپ ‌صلی ‌اللہ ‌علیہ ‌وآلہ ‌وسلم کھڑے ہوئے اور لوگوں کو بھی کھڑے ہونے کا حکم دیا۔ وہ بھی اٹھ کھڑے ہوئے۔ میں آپ ‌صلی ‌اللہ ‌علیہ ‌وآلہ ‌وسلم سے آگے آگے چلتا ہوا سیدنا ابو طلحہ ‌رضی ‌اللہ ‌عنہ کے پاس پہنچا اور ان کو صورت حا ل سے باخبر کیا (کہ وہ تو سارے لوگ آ رہے ہیں)۔ انھوں نے کہا: تونے تو آج ہمیں رسوا کر دیا ہے۔ میں نے کہا کہ میں رسول اللہ ‌صلی ‌اللہ ‌علیہ ‌وآلہ ‌وسلم کی بات کو رد نہیں کر سکتا تھا، جب نبی کریم ‌صلی ‌اللہ ‌علیہ ‌وآلہ ‌وسلم دروازے پر پہنچے تو آپ ‌صلی ‌اللہ ‌علیہ ‌وآلہ ‌وسلم نے صحابہ کو وہیں بیٹھ جانے کا حکم دیا اور آپ ‌صلی ‌اللہ ‌علیہ ‌وآلہ ‌وسلم خود نو صحابہ کے ہمراہ اندر چلے آئے، آپ ‌صلی ‌اللہ ‌علیہ ‌وآلہ ‌وسلم جب اندر آئے اور کھانا پیش کیا گیا تو آپ ‌صلی ‌اللہ ‌علیہ ‌وآلہ ‌وسلم نے اور آپ ‌صلی ‌اللہ ‌علیہ ‌وآلہ ‌وسلم کے ساتھ والوں نے خوب سیر ہو کر کھایا، پھر آپ ‌صلی ‌اللہ ‌علیہ ‌وآلہ ‌وسلم نے ان سے فرمایا: تم اٹھ جائو اور تمہاری جگہ مزید دس آدمی آجائیں ۔ یہاں تک کہ سب لوگوں نے آکر کھانا تناول کیا۔ عبدالرحمن بن ابی لیلیٰ کہتے ہیں: میں نے سیدنا انس ‌رضی ‌اللہ ‌عنہ سے دریافت کیا کہ اس دن صحابۂ کرام کی تعداد کیا تھی؟ انہوں نے بتایا کہ اسی سے زائد افراد تھے، سیدنا انس ‌رضی ‌اللہ ‌عنہ کہتے ہیں کہ پھر بھی اتنا کھانا بچ گیا جس نے گھر والوںکو سیر کر دیا۔

Haidth Number: 11311

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۱۳۱۱) تخریج: اخرجہ مسلم: ۲۰۴۰ (انظر: ۱۳۴۲۷)

Wazahat

Not Available