Musnad Ahmad | Hadees 11322 | مسنداحمد | Islamic Sayings

یہ آپ ‌صلی ‌اللہ ‌علیہ ‌وآلہ ‌وسلم کا معجزہ تھا کہ تھنوں سے دودھ اتر آیا، حالانکہ اس سے پہلے ان میں دودھ نہیں تھا

۔ (۱/۱۱۳۲۲)۔ عَنْ ابْنِ مَسْعُودٍ، قَالَ: کُنْتُ أَرْعَی غَنَمًا لِعُقْبَۃَ بْنِ أَبِی مُعَیْطٍ، فَمَرَّ بِی رَسُولُ اللّٰہِ صَلَّی اللّٰہُ عَلَیْہِ وَسَلَّمَ وَأَبُو بَکْرٍ، فَقَالَ: ((یَا غُلَامُ! ہَلْ مِنْ لَبَنٍ؟)) قَالَ: قُلْتُ: نَعَمْ، وَلَکِنِّی مُؤْتَمَنٌ، قَالَ: ((فَہَلْ مِنْ شَاۃٍ لَمْ یَنْزُ عَلَیْہَا الْفَحْلُ؟)) فَأَتَیْتُہُ بِشَاۃٍ، فَمَسَحَ ضَرْعَہَا، فَنَزَلَ لَبَنٌ، فَحَلَبَہُ فِی إِنَائٍ، فَشَرِبَ، وَسَقَی أَبَا بَکْرٍ، ثُمَّ قَالَ لِلضَّرْعِ: ((اِقْلِصْ۔)) فَقَلَصَ، قَالَ: ثُمَّ أَتَیْتُہُ بَعْدَ ہَذَا، فَقُلْتُ: یَا رَسُولَ اللَّہِ، عَلِّمْنِی مِنْ ہَذَا الْقَوْلِ، قَالَ: فَمَسَحَ رَأْسِی، وَقَال: ((یَرْحَمُکَ اللَّہُ، فَإِنَّکَ غُلَیِّمٌ مُعَلَّمٌ۔)) وَفِیْ رِوَایۃ: ثُمَّ أَتَاہُ أَبُو بَکْرٍ رَضِیَ اللّٰہُ عَنْہُ بِصَخْرَۃٍ مُنْقَعِرَۃٍ، فَاحْتَلَبَ فِیہَا، فَشَرِبَ، وَشَرِبَ أَبُو بَکْرٍ، ثُمَّ شَرِبْتُ، ثُمَّ قَالَ لِلضَّرْعِ: ((اقْلِصْ۔)) فَقَلَصَ، فَأَتَیْتُہُ بَعْدَ ذَلِکَ، فَقُلْت: عَلِّمْنِی مِنْ ہَذَا الْقَوْلِ؟ قَال: ((إِنَّکَ غُلَامٌ مُعَلَّمٌ۔)) قَال: فَأَخَذْتُ مِنْ فِیہِ سَبْعِینَ سُورَۃً، لَا یُنَازِعُنِی فِیہَا أَحَدٌ۔ (مسند احمد: ۳۵۹۸)

سیدنا عبد اللہ بن مسعود ‌رضی ‌اللہ ‌عنہ سے مروی ہے، وہ کہتے ہیں: میں عقبہ بن ابو معیط کی بکریاں چرایا کرتا تھا، ایک رسول اللہ ‌صلی ‌اللہ ‌علیہ ‌وآلہ ‌وسلم اور سیدنا ابو بکر ‌رضی ‌اللہ ‌عنہ میرے پاس سے گزرے، آپ ‌صلی ‌اللہ ‌علیہ ‌وآلہ ‌وسلم نے فرمایا: لڑکے! کیا دودھ موجود ہے؟ میں نے کہا: جی ہاں، لیکن مجھے اس مال پر امین بنایا گیا ہے (لہذا میں اپنے مالک کی اجازت کے بغیر نہیں دے سکتا)، آپ ‌صلی ‌اللہ ‌علیہ ‌وآلہ ‌وسلم نے فرمایا: کیا کوئی ایسی بکری ہے، جس کی بکرے سے جفتی نہ کرائی گئی ہو؟ پس میں اس قسم کی ایک بکری لے آیا، جب آپ ‌صلی ‌اللہ ‌علیہ ‌وآلہ ‌وسلم نے اس کے تھن کو چھوا تو اس میں دودھ اتر آیا، پس آپ ‌صلی ‌اللہ ‌علیہ ‌وآلہ ‌وسلم اس کو ایک برتن میں دوہا اور آپ ‌صلی ‌اللہ ‌علیہ ‌وآلہ ‌وسلم نے خود بھی پیا اور سیدنا ابو بکر ‌رضی ‌اللہ ‌عنہ کو بھی پلایا، پھر آپ ‌صلی ‌اللہ ‌علیہ ‌وآلہ ‌وسلم نے تھن سے فرمایا: سکڑ جا۔ پس وہ سکڑ گیا۔ پھر میں آپ ‌صلی ‌اللہ ‌علیہ ‌وآلہ ‌وسلم کے پاس گیا اور کہا: اے اللہ کے رسول! مجھے اس دین میں کچھ تعلیم دیں، آپ ‌صلی ‌اللہ ‌علیہ ‌وآلہ ‌وسلم نے میرے سر پہ ہاتھ پھیرا اور فرمایا: اللہ تعالی تجھ پر رحم کرے، تو تو پیارا سا تعلیمیافتہ لڑکا ہے۔ ایک روایت میں ہے: پھر سیدنا ابو بکر ‌رضی ‌اللہ ‌عنہ ، آپ ‌صلی ‌اللہ ‌علیہ ‌وآلہ ‌وسلم کے پاس پیالہ نما پتھر لے کر آئے، آپ ‌صلی ‌اللہ ‌علیہ ‌وآلہ ‌وسلم نے اس میں دودھ دوہا، پھر آپ ‌صلی ‌اللہ ‌علیہ ‌وآلہ ‌وسلم نے، سیدنا ابو بکر ‌رضی ‌اللہ ‌عنہ نے اور میں نے دودھ پیا، پھر آپ ‌صلی ‌اللہ ‌علیہ ‌وآلہ ‌وسلم نے تھن سے فرمایا: سکڑ جا۔ پس وہ سکڑ گیا۔ اس کے بعد میں آپ ‌صلی ‌اللہ ‌علیہ ‌وآلہ ‌وسلم کے پاس گیا اور کہا: آپ ‌صلی ‌اللہ ‌علیہ ‌وآلہ ‌وسلم مجھے اس دین میں کچھ سکھا دیں، آپ ‌صلی ‌اللہ ‌علیہ ‌وآلہ ‌وسلم نے فرمایا: تو تو سکھایا ہوا لڑکا ہے۔ پھر میں نے آپ ‌صلی ‌اللہ ‌علیہ ‌وآلہ ‌وسلم کے دہن مبارک سے ستر سورتیں سیکھی تھیں، اس میں کسی کا مجھ سے کوئی جھگڑا نہیں تھا۔

Haidth Number: 11322

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱/۱۱۳۲۲) تخریج: اسنادہ حسن اخرجہ ابن حبان: ۷۰۶۱، والطبرانی فی الکبیر : ۸۴۵۶(انظر: ۳۵۹۸، ۴۴۱۲)

Wazahat

فوائد: … یہ آپ ‌صلی ‌اللہ ‌علیہ ‌وآلہ ‌وسلم کا معجزہ تھا کہ ایسی بکری کے تھنوں میں دودھ اتر آیا تو دودھ والی تھی ہی نہیں۔