Musnad Ahmad | Hadees 11322 | مسنداحمد | Islamic Sayings

صحابۂ کرام کا آپ ‌صلی ‌اللہ ‌علیہ ‌وآلہ ‌وسلم کی موجودگی میں آپ ‌صلی ‌اللہ ‌علیہ ‌وآلہ ‌وسلم کا ادب کرنا اور آپ ‌صلی ‌اللہ ‌علیہ ‌وآلہ ‌وسلم کے آثار سے تبرک حاصل کرنا

۔ (۱۰/۱۱۳۲۲)۔ (وَعَنْہُ مِنْ طَرِیْقٍ ثَانٍ) قَال: دَخَلَ عَلَیْنَا النَّبِیُّ ‌صلی ‌اللہ ‌علیہ ‌وآلہ ‌وسلم فَقَالَ عِنْدَنَا، فَعَرِقَ، وَجَائَتْ أُمِّی بِقَارُورَۃٍ، فَجَعَلَتْ تَسْلُتُ الْعَرَقَ فِیہَا، فَاسْتَیْقَظَ النَّبِیُّ ‌صلی ‌اللہ ‌علیہ ‌وآلہ ‌وسلم فَقَال: یَا أُمَّ سُلَیْمٍ مَا ہَذَا الَّذِی تَصْنَعِینَ؟ فَقَالَتْ: ہَذَا عَرَقُکَ نَجْعَلُہُ فِی طِیبِنَا وَہُوَ مِنْ أَطْیَبِ الطِّیبِ۔ (مسند احمد: ۱۲۴۲۳)

سیدنا انس ‌رضی ‌اللہ ‌عنہ کہتے ہیں: رسول اللہ ‌صلی ‌اللہ ‌علیہ ‌وآلہ ‌وسلم ہمارے پاس تشریف لائے اور ہمارے ہاں قیلولہ کیا، جب آپ ‌صلی ‌اللہ ‌علیہ ‌وآلہ ‌وسلم کو پسینہ آیا تو میری ماں ایک شیشی لے کر آئیں اور اس میں آپ ‌صلی ‌اللہ ‌علیہ ‌وآلہ ‌وسلم کا پسینہ جمع کرنے لگیں، اتنے میں آپ ‌صلی ‌اللہ ‌علیہ ‌وآلہ ‌وسلم بیدار ہو گئے اور فرمایا: ام سلیم! یہ کیا کر رہی ہو؟ انھوں نے کہا: یہ آپ کو پسینہ ہے، ہم اس کو اپنی خوشبو میں مِکس کریں گے، جبکہ یہ پسینہ تو سب سے پاکیزہ اور اچھی خوشبو ہے۔

Haidth Number: 11322

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۰/۱۱۳۲۲) تخریج: انظر الحدیث بالطریق الاول (انظر: ۱۲۳۹۶)

Wazahat

فوائد: … جیسے آپ ‌صلی ‌اللہ ‌علیہ ‌وآلہ ‌وسلم کا وجود متبرّک تھا، اسی طرح آپ ‌صلی ‌اللہ ‌علیہ ‌وآلہ ‌وسلم کے وجود سے نکلنے والی اور آپ ‌صلی ‌اللہ ‌علیہ ‌وآلہ ‌وسلم کے وجود کو مس کرنے والی چیز بھی تبرّک والی ہو جاتی تھی، جیسے کپڑے، پسینہ، بال وغیرہ۔