Musnad Ahmad | Hadees 11322 | مسنداحمد | Islamic Sayings

صحابۂ کرام کا آپ ‌صلی ‌اللہ ‌علیہ ‌وآلہ ‌وسلم کی پینے کی جگہ اور وضو سے بچے سے پانی سے تبرک حاصل کرنا

۔ (۱۷/۱۱۳۲۲)۔ عَنْ عَوْنِ بْنِ أَبِی جُحَیْفَۃَ، عَنْ أَبِیہِ قَال: رَأَیْتُ قُبَّۃً حَمْرَائَ مِنْ أَدَمٍ لِرَسُولِ اللّٰہِ صَلَّی اللّٰہُ عَلَیْہِ وَسَلَّمَ، وَرَأَیْتُ بِلَالًا خَرَجَ بِوَضُوئٍ لِیَصُبَّہُ فَابْتَدَرَہُ النَّاسُ، فَمَنْ أَخَذَ مِنْہُ شَیْئًا تَمَسَّحَ بِہِ، وَمَنْ لَمْ یَجِدْ مِنْہُ شَیْئًا أَخَذَ مِنْ بَلَلِ یَدِ صَاحِبِہِ۔ (مسند احمد: ۱۸۹۶۷)

سیدنا سیدنا ابو جحیفہ ‌رضی ‌اللہ ‌عنہ سے مروی ہے، وہ کہتے ہیں: میں نے چمڑے کا سرخ رنگ کا چھوٹا سا خیمہ دیکھا، وہ رسول اللہ ‌صلی ‌اللہ ‌علیہ ‌وآلہ ‌وسلم کے لیے نصب کیا گیا تھا، پھر میں نے سیدنا بلال ‌رضی ‌اللہ ‌عنہ کو دیکھا، وہ وضو کا پانی لائے تاکہ آپ ‌صلی ‌اللہ ‌علیہ ‌وآلہ ‌وسلم پر ڈالیں (اور آپ ‌صلی ‌اللہ ‌علیہ ‌وآلہ ‌وسلم وضو کریں)، پس لوگ (وضو والا پانی سے تبرک حاصل کرنے کے لیے) لپکے، جس کو کچھ پانی مل گیا، اس نے اس کو اپنے جسم پر مل دیا اور جو آدمی پانی حاصل نہ کر سکا، اس نے اپنے ساتھی کے ہاتھ کی تری سے پانی لینا شروع کر دیا۔

Haidth Number: 11322

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۷/۱۱۳۲۲) تخریج: اخرجہ البخاری: ۳۷۶، ۵۷۸۶، ومسلم: ۲۵۰ (انظر: ۱۸۷۶۰)

Wazahat

فوائد: … پہلے یہ بات گزر چکی ہے کہ جہاں آپ ‌صلی ‌اللہ ‌علیہ ‌وآلہ ‌وسلم کا وجود بابرکت تھا، وہاں وہ چیز بھی برکت والی ہو جاتی تھی، جو آپ ‌صلی ‌اللہ ‌علیہ ‌وآلہ ‌وسلم کے وجودِ مبارک کو مس کرتی تھی، تبرک حاصل کرنے کی مزید مثالیں ابھی تک جاری ہیں۔