Musnad Ahmad | Hadees 11377 | مسنداحمد | Islamic Sayings

سیدہ فاطمہ ‌رضی ‌اللہ ‌عنہا کی بیماری اور وفات کا تذکرہ

۔ (۱۱۳۷۷)۔ حَدَّثَنَا أَبُو النَّضْرِ، حَدَّثَنَا اِبْرَاہِیْمُ بْنُ سَعْدٍ، عَنْ مُحَمَّدِ بْنِ اِسْحٰقَ، عَنْ عُبَیْدِ اللّٰہِ بْنِ عَلِیِّ بْنِ أَبِی رَافِعٍ، عَنْ أَبِیْہِ، عَنْ أُمِّ سَلْمٰی، قَالَتِ: اشْتَکَتْ فَاطِمَۃُ ‌رضی ‌اللہ ‌عنہا شَکْوَاھَا الَّتِی قُبِضَتْ فِیْہِ، فَکُنْتُ أُمَرِّضُہَا فَأَصْبَحَتْ یَوْمًا کَأَمْثَلِ مَارَأَیْتُہَا فِی شَکْوَاھَا تِلْکَ، قَالَتْ: وَخَرَجَ عَلِیٌّ لِبَعْضِ حَاجَتِہِ فَقَالَتْ: یَا أُمَّہْ! اسْکُبِی لِی غُسْلًا، فَسَکَبْتُ لَھَا غُسْلًا، فَاغْتَسَلَتْ کَأَحْسَنِ مَارَأَیْتُہَا تَغْتَسِلُ، ثُمَّ قَالَتْ: یَا أُمَّہْ! أَعْطِیْنِی ثِیَابِی الْجُدُدَ، فَأَعْطَیْتُہَا فَلَبِسَتْہَا، ثُمَّ قَالَتْ: یَا أُمَّہْ! قَدِّمِی لِی فِرَاشِی وَسَطَ الْبَیْتِ، فَفَعَلْتُ، وَاضْطَجَعَتْ فَاسْتَقْبَلَتِ الْقِبْلَۃَ، وَجَعَلَتْ یَدَھَا تَحْتَ خَدِّھَا، ثُمَّ قَالَتْ: یَا أُمَّہْ! اِنِّی لَمَقْبُوْضَۃٌ الْآنَ، وَقَدْ تَطَہَّرْتُ فَلَا یَکْشِفُنِی أَحَدٌ، فَقُبِضَتْ مَکَانَہَا، قَالَتْ: فَجَائَ عَلِیٌّ فَأَخْبَرْتُہُ۔ (مسند احمد: ۲۸۱۶۷)

سیدہ ام سلمی ‌رضی ‌اللہ ‌عنہا سے مروی ہے کہ سیدہ فاطمہ ‌رضی ‌اللہ ‌عنہا جب مرض الموت میں مبتلا ہوئیں تو میں ان دنوں ان کی تیمار داری کیاکرتی تھی،ایام مرض کے دوران وہ ایک دن کافی ہشاش بشاش تھیں، سیدنا علی ‌رضی ‌اللہ ‌عنہ کسی کام سے باہر گئے تو سیدہ ‌رضی ‌اللہ ‌عنہا نے فرمایا: اماں جان! میرے نہانے کے لیے پانی رکھ دیں، میں نے ان کے لیے غسل کا پانی رکھ دیا، انہوں نے بہت اچھا غسل کیا اور پھر کہا: اماں جان! مجھے میرے نئے کپڑے لا دیں، میں نے ان کو نئے کپڑے لا دیئے جو انہوں نے زیب تن کیے۔ پھر کہا: اماں جان! میرا بستر کمرے کے درمیان لگا دیں، میں نے اسی طرح کر دیا۔ انہوں نے قبلہ رو لیٹ کر اپنا ہاتھ رخسار کے نیچے رکھ لیا۔ پھر کہا: اماں جان! میں اب فوت ہونے والی ہوں، میں نے غسل کر لیا ہے، کوئی بھی مجھے غسل دینے کے لیے میرا لباس نہ اتارے، چنانچہ وہیں ان کا انتقال ہو گیا۔ سیدنا علی ‌رضی ‌اللہ ‌عنہ آئے تو میں نے ان کو سیدہ ‌رضی ‌اللہ ‌عنہ کی وفات کی خبر دی۔

Haidth Number: 11377

Report

Share

Copy

Create Picture for Post

Reference

Status

Doubtful

ضعیف

Status Reference

Not Available

Takhreej

(۱۱۳۷۷) تخریج: اسنادہ ضعیف لعنعنۃ ابن اسحاق ولضعف عبید اللہ بن علی (انظر: ۲۷۶۱۵)

Wazahat

Not Available