Musnad Ahmad | Hadees 11448 | مسنداحمد | Islamic Sayings

رسول اللہ ‌صلی ‌اللہ ‌علیہ ‌وآلہ ‌وسلم کی چوتھی زوجہ محترمہ ام المؤمنین سیدہ حفصہ بنت عمر ‌رضی ‌اللہ ‌عنہا

۔ (۱۱۴۴۸)۔ عَنِ ابْنِ عُمَرَ قَالَ: لَمَّا تَأَیَّمَتْ حَفْصَۃُ وَکَانَتْ تَحْتَ خُنَیْسِ بْنِ حُذَافَۃَ لَقِیَ عُمَرُ رَضِیَ اللّٰہُ تَعَالَی عَنْہُ عُثْمَانَ فَعَرَضَہَا عَلَیْہِ، فَقَالَ عُثْمَانُ: مَا لِی فِی النِّسَائِ حَاجَۃٌ وَسَأَنْظُرُ، فَلَقِیَ أَبَا بَکْرٍ فَعَرَضَہَا عَلَیْہِ فَسَکَتَ، فَوَجَدَ عُمَرُ فِی نَفْسِہِ عَلٰی أَبِی بَکْرٍ، فَإِذَا رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم قَدْ خَطَبَہَا فَلَقِیَ عُمَرُ أَبَا بَکْرٍ فَقَالَ: إِنِّی کُنْتُ عَرَضْتُہَا عَلٰی عُثْمَانَ فَرَدَّنِی وَإِنِّی عَرَضْتُہَا عَلَیْکَفَسَکَتَّ عَنِّی فَلَأَنَا عَلَیْکَ کُنْتُ أَشَدَّ غَضَبًا مِنِّی عَلٰی عُثْمَانَ وَقَدْ رَدَّنِی، فَقَالَ أَبُو بَکْرٍ: إِنَّہُ قَدْ کَانَ ذَکَرَ مِنْ أَمْرِہَا وَکَانَ سِرًّا فَکَرِہْتُ أَنْ أُفْشِیَ السِّرَّ۔ (مسند احمد: ۴۸۰۷)

سیدنا عبد اللہ بن عمر ‌رضی ‌اللہ ‌عنہ کا بیان ہے کہ سیدہ حفصہ ‌رضی ‌اللہ ‌عنہا ، سیدنا خنیس ‌رضی ‌اللہ ‌عنہ کی زوجیت میں تھیں، جب وہ بیوہ ہوگئیں تو سیدنا عمر ‌رضی ‌اللہ ‌عنہ نے، سیدنا عثمان ‌رضی ‌اللہ ‌عنہ سے ملاقات کی اور سیدنا عثمان ‌رضی ‌اللہ ‌عنہ کو حفصہ ‌رضی ‌اللہ ‌عنہ سے نکاح کی پیش کش کی۔ لیکن سیدنا عثمان ‌رضی ‌اللہ ‌عنہ نے کہا کہ مجھے بیویوں کی حاجت نہیں ہے، تاہم میں اس بارے میں سوچوں گا۔ اس کے بعد سیدنا عمر ‌رضی ‌اللہ ‌عنہ ، سیدنا ابو بکر ‌رضی ‌اللہ ‌عنہ سے ملے اور انہیں بھی حفصہ ‌رضی ‌اللہ ‌عنہ سے نکاح کی پیش کش کی۔ لیکن وہ خاموش رہے (اور کوئی جواب ہی نہیں دیا)۔ سیدنا عمر ‌رضی ‌اللہ ‌عنہ کے دل میں سیدنا ابو بکر ‌رضی ‌اللہ ‌عنہ کے متعلق ناراضگی آگئی، اس کے بعد جلد ہی رسول اللہ ‌صلی ‌اللہ ‌علیہ ‌وآلہ ‌وسلم نے حفصہ ‌رضی ‌اللہ ‌عنہ سے نکاح کا پیغام بھیج دیا، اس کے بعد سیدنا عمر ‌رضی ‌اللہ ‌عنہ ، سیدنا ابو بکر ‌رضی ‌اللہ ‌عنہ سے جا کر ملے اور کہا: میں نے سیدنا عثمان ‌رضی ‌اللہ ‌عنہ کو حفصہ ‌رضی ‌اللہ ‌عنہ سے نکاح کی پیش کش کی تھی تو انہوںنے انکار کر دیا تھا، اس کے بعد میں نے آپ کو حفصہ ‌رضی ‌اللہ ‌عنہ کے ساتھ نکاح کی پیش کش کی تو آپ خاموش رہے اور مجھے واپسی جواب تک نہ دیا۔ تو مجھے عثمان ‌رضی ‌اللہ ‌عنہ سے زیادہ آپ پر غصہ آیا، کیونکہ انہوںنے واضح طور پر انکار تو کر دیا تھا۔ سیدنا ابو بکر ‌رضی ‌اللہ ‌عنہ نے کہا:دراصل رسول اللہ ‌صلی ‌اللہ ‌علیہ ‌وآلہ ‌وسلم نے سیدہ حفصہ ‌رضی ‌اللہ ‌عنہا سے نکاح کرنے کا تذکرہ کیا تھا، جبکہ آپ ‌صلی ‌اللہ ‌علیہ ‌وآلہ ‌وسلم کییہ بات ابھی تک راز تھی، اس لیے میں نے آپ ‌صلی ‌اللہ ‌علیہ ‌وآلہ ‌وسلم کے راز کو افشاء کرنا جائز نہ سمجھا۔ (اور خاموش رہا)۔

Haidth Number: 11448

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۱۴۴۸) تخریج: أخرجہ البخاری: ۴۰۰۵، ۵۱۲۲ (انظر: ۴۸۰۷)

Wazahat

Not Available