Musnad Ahmad | Hadees 11506 | مسنداحمد | Islamic Sayings

نبی کریم ‌صلی ‌اللہ ‌علیہ ‌وآلہ ‌وسلم کے خطوط اور کاتبین کا بیان اور اس میں کئی فصلیں ہیں فصل اول: غیر مسلم حکمرانوں کے نام رسول اللہ ‌صلی ‌اللہ ‌علیہ ‌وآلہ ‌وسلم کے مکتوبات کا بیا ن

۔ (۱۱۵۰۶)۔ عَنْ أَبِی ثَعْلَبَۃَ الْخُشَنِیِّ قَالَ: أَتَیْتُ النَّبِیَّ ‌صلی ‌اللہ ‌علیہ ‌وآلہ ‌وسلم فَقُلْتُ: یَا رَسُولَ اللّٰہِ! اکْتُبْ لِی بِأَرْضِ کَذَا وَکَذَا بِأَرْضِ الشَّامِ، لَمْ یَظْہَرْ عَلَیْہَا النَّبِیُّ ‌صلی ‌اللہ ‌علیہ ‌وآلہ ‌وسلم حِینَئِذٍ، فَقَالَ النَّبِیُّ ‌صلی ‌اللہ ‌علیہ ‌وآلہ ‌وسلم ((أَلَا تَسْمَعُونَ إِلٰی مَایَقُولُ ہٰذَا؟)) فَقَالَ أَبُو ثَعْلَبَۃَ: وَالَّذِی نَفْسِی بِیَدِہِ لَتَظْہَرُنَّ عَلَیْہَا، قَالَ: فَکَتَبَ لَہُ بِہَا، قَالَ: قُلْتُ لَہُ: یَا رَسُولَ اللّٰہِ! إِنَّ أَرْضَنَا أَرْضُ صَیْدٍ، فَأُرْسِلُ کَلْبِیَ الْمُکَلَّبَ وَکَلْبِیَ الَّذِی لَیْسَ بِمُکَلَّبٍ، قَالَ: ((إِذَا أَرْسَلْتَ کَلْبَکَ الْمُکَلَّبَ وَسَمَّیْتَ فَکُلْ مَا أَمْسَکَ عَلَیْکَ کَلْبُکَ الْمُکَلَّبُ وَإِنْ قَتَلَ، وَإِنْ أَرْسَلْتَ کَلْبَکَ الَّذِی لَیْسَ بِمُکَلَّبٍ فَأَدْرَکْتَ ذَکَاتَہُ فَکُلْ، وَکُلْ مَا رَدَّ عَلَیْکَ سَہْمُکَ وَإِنْ قَتَلَ وَسَمِّ اللّٰہَ)) قَالَ: قُلْتُ: یَا نَبِیَّ اللّٰہِ! إِنَّ أَرْضَنَا أَرْضُ أَہْلِ کِتَابٍ وَإِنَّہُمْ یَأْکُلُونَ لَحْمَ الْخِنْزِیرِ، وَیَشْرَبُونَ الْخَمْرَ فَکَیْفَ أَصْنَعُ بِآنِیَتِہِمْ وَقُدُورِہِمْ؟ قَالَ: ((إِنْ لَمْ تَجِدُوْا غَیْرَہَا فَارْحَضُوہَا وَاطْبُخُوا فِیہَا وَاشْرَبُوْا)) قَالَ: قُلْتُ: یَا رَسُولَ اللّٰہِ! مَا یَحِلُّ لَنَا مِمَّا یُحَرَّمُ عَلَیْنَا، قَالَ: ((لَا تَأْکُلُوا لُحُومَ الْحُمُرِ الْإِنْسِیَّۃِ، وَلَا کُلَّ ذِی نَابٍ مِنَ السِّبَاعِِِِِ۔)) (مسند احمد: ۱۷۸۸۹)

حارث بن مسلم بن حارث تمیمی اپنے والد سے روایت کرتے ہیں کہ نبی کریم ‌صلی ‌اللہ ‌علیہ ‌وآلہ ‌وسلم نے ان کو ایک تحریر لکھ کر دی، جس میں اپنے بعد آنے والے خلفاء کے نام ان کے حق میں وصیت کرکے اس پر مہرثبت فرمائی تھی۔ سیدنا ابو ثعلبہ خشنی ‌رضی ‌اللہ ‌عنہ سے مروی ہے، وہ کہتے ہیں: میں نے نبی کریم ‌صلی ‌اللہ ‌علیہ ‌وآلہ ‌وسلم کی خدمت میں حاضر ہو کر عرض کیا: اللہ کے رسول! آپ سرزمین شام کی فلاں فلاں زمین کے متعلق میرے حق میں تحریر لکھ دیں، حالانکہ ابھی تک وہ سر زمین نبی کریم ‌صلی ‌اللہ ‌علیہ ‌وآلہ ‌وسلم کے قبضے میں نہیں آئی تھی۔ تو اس کی بات پر نبی کریم ‌صلی ‌اللہ ‌علیہ ‌وآلہ ‌وسلم نے صحابہ سے فرمایا: کیا تم سن رہے ہو یہ کیا کہہ رہا ہے؟ سیدناابو ثعلبہ ‌رضی ‌اللہ ‌عنہ نے عرض کیا: اس ذات کی قسم جس کے ہاتھ میں میری جان ہے، آپ ضرور بالضرور اس سر زمین کے مالک بنیں گے۔ نبی کریم ‌صلی ‌اللہ ‌علیہ ‌وآلہ ‌وسلم نے اسے اس زمین کے بارے میں تحریر لکھ دی، سیدناابو ثعلبہ ‌رضی ‌اللہ ‌عنہ کہتے ہیں:میں نے عرض کیا، اللہ کے رسول! ہمارا علاقہ شکار کا علاقہ ہے، میں اپنے سدھا ئے ہوئے اور غیر سدھائے کتے کو شکار کی طرف بھیجتا ہوں، اس بارے میں ہدایت فرمائیں۔ آپ ‌صلی ‌اللہ ‌علیہ ‌وآلہ ‌وسلم نے فرمایا: اگر تم اپنے سدھائے ہوئے کتے کو شکارکی طرف بھیجو اور بھیجنے سے پہلے اللہ تعالیٰ کا نام لے لو تو تمہارا سدھایا ہوا کتا تمہارے لیے جو جانور پکڑ کر لائے گا،تم اسے کھا سکتے ہو، خواہ وہ مر چکا ہو اور اگر تم اپنا غیر سدھایا کتا شکار کی طرف بھیجو اور وہ جس جانور کو پکڑ کر لائے اسے تم خود ذبح کر لو تو کھا سکتے ہو اور جس شکار کو تمہارا تیر جا لگا خواہ وہ چیز مر جائے تو اللہ کا نام لے کر کھا لو۔ سیدنا ابو ثعلبہ ‌رضی ‌اللہ ‌عنہ کہتے ہیں: میں نے عرض کیا: اے اللہ کے نبی! ہمارا علاقہ اہل کتاب کا ہے، وہ لوگ خنزیر کا گوشت کھاتے اور شراب پیتے ہیں۔ ہم ان کے برتنوں کو کیسے استعمال کر سکتے ہیں؟ آپ ‌صلی ‌اللہ ‌علیہ ‌وآلہ ‌وسلم نے فرمایا: اگر تمہیں ان کے سوا کوئی دوسرا برتن نہ ملے تو اسے اچھی طرح مانجھ کر ان میں پکا سکتے ہو اور پی بھی سکتے ہو۔ سیدنا ابو ثعلبہ ‌رضی ‌اللہ ‌عنہ کہتے ہیں: میں نے عرض کیا: اے اللہ کے رسول! ہمارے لیے کونسے جانور حلال ہیں اور کونسے حرام؟ آپ ‌صلی ‌اللہ ‌علیہ ‌وآلہ ‌وسلم نے فرمایا: تم گھریلو گدھے اور کجلی والے درندے نہیں کھا سکتے۔

Haidth Number: 11506

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۱۵۰۶) تخریج: صحیح دون قصۃ الارض، وھذا اسناد منقطع، ابو قلابۃ الجرمی لم یسمع من ابی ثعلبۃ، أخرجہ الترمذی: ۱۷۹۷ (انظر: ۱۷۷۳۷)

Wazahat

فوائد:… شکار وغیرہ کے احکام کتاب الصید والذبائح میں گزر چکے ہے، یہاں اس روایت سے مقصود زمین کے بارے میں تحریر کرناہے۔