Musnad Ahmad | Hadees 11761 | مسنداحمد | Islamic Sayings

سیدنا عبادہ بن صامت ‌رضی ‌اللہ ‌عنہ کا تذکرہ

۔ (۱۱۷۶۱)۔ وَعَنْ عُبَادَۃَ بْنِ الْوَلِیْدِ بْنِ عُبَادَۃَ، حَدَّثَنِی أَبِیْ قَالَ: دَخَلْتُ عَلٰی عُبَادَۃَ وَہُوَ مَرِیضٌ أَتَخَایَلُ فِیہِ الْمَوْتَ، فَقُلْتُ: یَا أَبَتَاہُ أَوْصِنِی وَاجْتَہِدْ لِی؟ فَقَالَ: أَجْلِسُونِی، قَالَ: یَا بُنَیَّ إِنَّکَ لَنْ تَطْعَمَ طَعْمَ الْإِیمَانِ، وَلَنْ تَبْلُغَ حَقَّ حَقِیقَۃِ الْعِلْمِ بِاللّٰہِ تَبَارَکَ وَتَعَالٰی حَتّٰی تُؤْمِنَ بِالْقَدَرِ خَیْرِہِ وَشَرِّہِ، قَالَ: قُلْتُ: یَا أَبَتَاہُ فَکَیْفَ لِی أَنْ أَعْلَمَ مَا خَیْرُ الْقَدَرِ وَشَرُّہُ؟ قَالَ: تَعْلَمُ أَنَّ مَا أَخْطَأَکَ لَمْ یَکُنْ لِیُصِیبَکَ، وَمَا أَصَابَکَ لَمْ یَکُنْ لِیُخْطِئَکَ، یَا بُنَیَّ! إِنِّی سَمِعْتُ رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم یَقُولُ: ((إِنَّ أَوَّلَ مَا خَلَقَ اللّٰہُ تَبَارَکَ وَتَعَالَی الْقَلَمُ، ثُمَّ قَالَ: اکْتُبْ، فَجَرٰی فِی تِلْکَ السَّاعَۃِ بِمَا ہُوَ کَائِنٌ إِلٰی یَوْمِ الْقِیَامَۃِ۔)) یَا بُنَیَّ! إِنْ مِتَّ وَلَسْتَ عَلٰی ذَلِکَ دَخَلْتَ النَّارَ، وَفِیْ رِوَایَۃٍ مَا اَکْتُبُ قَالَ: فَاکْتُبْ مَا یَکُوْنُ وَمَا ہُوَ کَائِنٌ اِلٰی اَنْ تَقُوْمَ السَّاعَۃُ۔ (مسند احمد: ۲۳۰۸۱)

ولید بن عبادہ سے مروی ہے، وہ کہتے ہیں: میں سیدنا عبادہ بن صامت ‌رضی ‌اللہ ‌عنہ کے ہاں گیا، جبکہ وہ مریض تھے اور موت کی کش مکش میںمبتلا تھے، میں نے ان سے گزارش کی کہ اے ابا جان! مجھے کوئی اچھی سی وصیت ہی کر دیں۔ انھوں نے کہا: مجھے بٹھائو۔ پھر کہا: بیٹا! تم اس وقت تک ایمان کا ذائقہ نہیں چکھ سکتے اور نہ اللہ تعالیٰ پر ایمان کی اصل حقیقت تک پہنچ سکتے ہو، جب تک کہ تم ہر اچھی اور بری تقدیر پر ایمان نہیں لاؤ گے۔ میں نے عرض: ابا جان!اچھی اور بری تقدیر کا علم مجھے کیسے ہوگا؟ انھوں نے کہا: تم اس بات کا یقین رکھو کہ جو چیز تمہیں نہیں ملی، وہ تمہیں کسی بھی صورت مل نہیں سکتی تھی اور تمہیں جو کچھ مل گیا ہے وہ تم سے چھوٹ نہیں سکتا تھا، بیٹے! میں نے رسول اللہ ‌صلی ‌اللہ ‌علیہ ‌وآلہ ‌وسلم کو فرماتے سنا ہے کہ اللہ تعالیٰ نے سب سے پہلے قلم کو پیدا کیا، اس کے بعد اس سے فرمایا کہ لکھ، چنانچہ وہ قلم اسی وقت لکھنے لگا اور اس نے قیامت تک ہونے والے ہر امر کو لکھ دیا۔ بیٹے! اگر تمہیں اس حال میں موت آئی کہ تمہارا یہ ایمان نہ ہوا تو تم جہنم میں جائو گے۔ دوسری روایت کے الفاظ یوں ہیں: قلم نے عرض کیا: میں کیا لکھو؟ اللہ تعالیٰ نے فرمایا: قیامت کے بپا ہونے تک جو کچھ بھی ہونے والا ہے ہر امر کو لکھ دے۔

Haidth Number: 11761

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۱۷۶۱) تخریج:حدیث صحیح، اخرجہ ابوداود: ۴۷۰۰،والترمذی: ۲۱۵۵(انظر: ۲۲۷۰۵)

Wazahat

فوائد:… کتاب کے شروع میں تقدیر کے احکام و مسائل بیان ہو چکے ہیں۔