Musnad Ahmad | Hadees 12267 | مسنداحمد | Islamic Sayings

سیدنا ابوذر ‌رضی ‌اللہ ‌عنہ کی ربذہ کی طرف شہربدری

۔ (۱۲۲۶۷)۔ حَدَّثَنَا ہَاشِمٌ قَالَ: ثَنَا عَبْدُ الْحَمِیدِ، قَالَ: ثَنَا شَہْرٌ، قَالَ: حَدَّثَتْنِی أَسْمَائُ بِنْتُ یَزِیدَ أَنَّ أَبَا ذَرٍّ الْغِفَارِیَّ کَانَ یَخْدُمُ النَّبِیَّ صَلَّی اللّٰہُ عَلَیْہِ وَسَلَّمَ، فَإِذَا فَرَغَ مِنْ خِدْمَتِہِ اَوٰی إِلَی الْمَسْجِدِ، فَکَانَ ہُوَ بَیْتَہُیَضْطَجِعُ فِیہِ، فَدَخَلَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ الْمَسْجِدَ لَیْلَۃً، فَوَجَدَ أَبَا ذَرٍّ نَائِمًا مُنْجَدِلًا فِی الْمَسْجِدِ، فَنَکَتَہُ رَسُولُ اللّٰہِ صَلَّی اللّٰہُ عَلَیْہِ وَسَلَّمَ بِرِجْلِہِ حَتَّی اسْتَوٰی جَالِسًا، فَقَالَ لَہُ رَسُولُ اللّٰہِ صَلَّی اللّٰہُ عَلَیْہِ وَسَلَّمَ: ((أَلَا أَرَاکَ نَائِمًا؟)) قَالَ أَبُو ذَرٍّ: یَا رَسُولَ اللّٰہِ! فَأَیْنَ أَنَامُ، ہَلْ لِی مِنْ بَیْتٍ غَیْرُہُ؟ فَجَلَسَ إِلَیْہِ رَسُولُ اللّٰہِ صَلَّی اللّٰہُ عَلَیْہِ وَسَلَّمَ فَقَالَ لَہُ: ((کَیْفَ أَنْتَ إِذَا أَخْرَجُوکَ مِنْہُ۔)) قَالَ: إِذَنْ أَلْحَقَ بِالشَّامِ، فَإِنَّ الشَّامَ أَرْضُ الْہِجْرَۃِ، وَأَرْضُ الْمَحْشَرِ، وَأَرْضُ الْأَنْبِیَائِ، فَأَکُونُ رَجُلًا مِنْ أَہْلِہَا، قَالَ لَہُ: ((کَیْفَ أَنْتَ إِذَا أَخْرَجُوکَ مِنَ الشَّامِ؟)) قَالَ: إِذَنْ أَرْجِعَ إِلَیْہِ فَیَکُونَ ہُوَ بَیْتِی وَمَنْزِلِی، قَالَ لَہُ: ((کَیْفَ أَنْتَ إِذَا أَخْرَجُوکَ مِنْہُ الثَّانِیَۃَ؟)) قَالَ: إِذَنْ آخُذَ سَیْفِی فَأُقَاتِلَ عَنِّی حَتّٰی أَمُوتَ، قَالَ: فَکَشَّرَ إِلَیْہِ رَسُولُ اللّٰہِ صَلَّی اللّٰہُ عَلَیْہِ وَسَلَّمَ فَأَثْبَتَہُ بِیَدِہِ، قَالَ: ((أَدُلُّکَ عَلَی خَیْرٍ مِنْ ذٰلِکَ؟)) قَالَ: بَلٰی، بِأَبِی أَنْتَ وَأُمِّییَا نَبِیَّ اللّٰہِ! قَالَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم : ((تَنْقَادُ لَہُمْ حَیْثُ قَادُوکَ،ٔ وَتَنْسَاقُ لَہُمْ حَیْثُ سَاقُوکَ، حَتّٰی تَلْقَانِی وَأَنْتَ عَلٰی ذٰلِکَ۔)) (مسند احمد: ۲۸۱۴۰)

سیدہ اسماء بنت یزید ‌رضی ‌اللہ ‌عنہا سے مروی ہے کہ سیدنا ابو ذر غفاری ‌رضی ‌اللہ ‌عنہ ، نبی کریم ‌صلی ‌اللہ ‌علیہ ‌وآلہ ‌وسلم کی خدمت کیا کرتے تھے اور آپ ‌صلی ‌اللہ ‌علیہ ‌وآلہ ‌وسلم کی خدمت سے فارغ ہو نے کے بعد وہ مسجد میں چلے جاتے، بس مسجد ہی ان کا گھر تھا، وہ وہاں لیٹ جاتے، ایک رات کو رسول اللہ ‌صلی ‌اللہ ‌علیہ ‌وآلہ ‌وسلم مسجد میں داخل ہوئے اور ان کو مسجد زمین پر لیٹے ہوئے پایا، آپ ‌صلی ‌اللہ ‌علیہ ‌وآلہ ‌وسلم نے اپنے پاؤں مبارک سے ان کو ذرا دبایا، وہ سیدھے ہو کر بیٹھ گئے، رسول اللہ ‌صلی ‌اللہ ‌علیہ ‌وآلہ ‌وسلم نے ان سے فرمایا: میںتمہیں یہاں سوتے دیکھ رہاہوں؟ سیدنا ابو ذر ‌رضی ‌اللہ ‌عنہ نے کہا: اللہ کے رسول! کیا میر ااس کے سوا کوئی اور گھر ہے؟ میں یہاں نہ سوؤں تو کہاں سوؤں؟ اللہ کے رسول ‌صلی ‌اللہ ‌علیہ ‌وآلہ ‌وسلم ان کے پاس بیٹھ گئے اور ان سے فرمایا: اس وقت تیرا کیا حال ہوگا، جب لوگ تجھے یہاں سے نکال دیں گے؟ انہوں نے کہا: میں شام کی طرف چلا جاؤں گا، کیونکہ شام ارض ہجرت ہے، ارض محشراور انبیائے کرام کا علاقہ ہے، اس طرح میں وہاں کا باشندہ بن جاؤںـ گا۔ آپ ‌صلی ‌اللہ ‌علیہ ‌وآلہ ‌وسلم نے فرمایا: جب لوگ تجھے شام سے بھی نکال دیں گے تو تمہارا کیا حال ہوگا؟ انہوں نے کہا: تب میں مدینہ کی طرف واپس آجاؤں گا، یہی میرا گھر اور یہی میرا ٹھکانہ ہوگا، آپ ‌صلی ‌اللہ ‌علیہ ‌وآلہ ‌وسلم نے فرمایا: جب لوگ تمہیں دوسری مرتبہ یہاں سے بھی نکال دیں گے تو تمہارا کیا حال ہوگا؟ انہوں نے کہا: تب میں اپنی تلوار اٹھالوں گا اور مرتے دم تک اپنا دفاع کروں گا، ان کی یہ بات سن کر رسول اللہ ‌صلی ‌اللہ ‌علیہ ‌وآلہ ‌وسلم مسکر ادئیے اور اپنا ہاتھ مبارک ان پر رکھا اور فرمایا: کیا میں تمہیں اس سے بہتر کام نہ بتلا دوں؟ انہوںنے کہا: اے اللہ کے نبی! ضرور فرمائیں، رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: وہ تمہیں جہاں لے کر جائیں، ان کے ساتھ چلتے رہنا، یہاں تک کہ اسی حالت میں تم مجھ سے آ ملنا۔

Haidth Number: 12267

Report

Share

Copy

Create Picture for Post

Reference

Status

Doubtful

ضعیف

Status Reference

Not Available

Takhreej

(۱۲۲۶۷) تخریج: اسنادہ ضعیف لضعف شھر بن حوشب، اخرجہ الطبرانی فی الکبیر : ۱۶۲۳(انظر: ۲۷۵۸۸)

Wazahat

فوائد:… حقیقت ِ حال یہ تھی کہ سیدنا عثمان ‌رضی ‌اللہ ‌عنہ کے ابتدائی چھ برسوںمیں فتوحات کی وسعت اور مال غنیمت کی فراوانی نے عیش و تنعّم کو عام کر دیا، شام کا ملک اس دنیاداری سے سب سے زیادہ متاثر تھا، سیدنا ابو ذر ‌رضی ‌اللہ ‌عنہ برملا ان امراء اور دولت مندوں کے خلاف وعظ کرتے رہتے تھے، جس سے نظام حکومت میں خلل پڑتا تھا، اس لیے سیدنا معاویہ ‌رضی ‌اللہ ‌عنہ کی استدعا پر سیدنا عثمان ‌رضی ‌اللہ ‌عنہ نے ان کو مدینہ بلوا لیا، مگر اب مدینہ بھی وہ اگلا مدینہ نہ رہا تھا، بیرونی لوگوںکے بڑے بڑے محل تیار ہو چکے تھے، اس لیے سیدنا ابو ذر ‌رضی ‌اللہ ‌عنہ نے یہاں سے بھی دل برداشتہ ہو کر ربذہ نام کے ایک گاؤں میں اقامت اختیار کی۔