Musnad Ahmad | Hadees 12276 | مسنداحمد | Islamic Sayings

فصل سوم: سیدنا عثمان ‌رضی ‌اللہ ‌عنہ کا سیدنا طلحہ بن عبید اللہ ‌رضی ‌اللہ ‌عنہ سے ایک سوال کرنا اور ان کا ان کو ڈانٹنا

۔ (۱۲۲۷۶)۔ عَنْ زَیْدِ بْنِ أَسْلَمَ عَنْ أَبِیہِ، قَالَ: شَہِدْتُ عُثْمَانَ ‌رضی ‌اللہ ‌عنہ ‌یَوْمَ حُوصِرَ فِی مَوْضِعِ الْجَنَائِزِ، وَلَوْ أُلْقِیَ حَجَرٌ لَمْ یَقَعْ إِلَّا عَلٰی رَأْسِ رَجُلٍ، فَرَأَیْتُ عُثْمَانَ ‌رضی ‌اللہ ‌عنہ ‌ أَشْرَفَ مِنَ الْخَوْخَۃِ الَّتِی تَلِی مَقَامَ جِبْرِیلَ عَلَیْہِ السَّلَام، فَقَالَ: أَیُّہَا النَّاسُ! أَفِیکُمْ طَلْحَۃُ؟ فَسَکَتُوا، ثُمَّ قَالَ: أَیُّہَا النَّاسُ! أَفِیکُمْ طَلْحَۃُ؟ فَسَکَتُوا، ثُمَّ قَالَ: یَا أَیُّہَا النَّاسُ! أَفِیکُمْ طَلْحَۃُ؟ فَقَامَ طَلْحَۃُ بْنُ عُبَیْدِ اللّٰہِ، فَقَالَ لَہُ عُثْمَانُ ‌رضی ‌اللہ ‌عنہ ‌: أَلَا أَرَاکَ ہَاہُنَا، مَا کُنْتُ أَرٰی أَنَّکَ تَکُونُ فِی جَمَاعَۃٍ تَسْمَعُ نِدَائِی آخِرَ ثَلَاثِ مَرَّاتٍ، ثُمَّ لَا تُجِیبُنِی، أَنْشُدُکَ اللّٰہَ یَا طَلْحَۃُ! تَذْکُرُ یَوْمَ کُنْتُ أَنَا وَأَنْتَ مَعَ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم فِی مَوْضِعِ کَذَا وَکَذَا، لَیْسَ مَعَہُ أَحَدٌ مِنْ أَصْحَابِہِ غَیْرِی وَغَیْرُکَ؟ قَالَ: نَعَمْ، فَقَالَ لَکَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم : ((یَا طَلْحَۃُ! اِنَّہٗلَیْسَ مِنْ نَبِیٍّ اِلَّا وَمَعَہٗمِنْاَصْحَابِہٖرَفِیْقٌ مِنْ اُمَّتِہٖمَعَہٗفِی الْجَنَّۃِ، وَاِنَّ عُثْمَانَ بْنَ عَفَّانَ ہَذٰا یَعْنِیْنِیْ رَفِیْقِیْ مَعِیَ فِی الْجَنَّۃِ۔)) قَالَ طَلْحَۃُ: اَللّٰہُمَّ نَعَمْ، ثُمَّ انْصَرَفَ، (مسند احمد: ۵۵۲)

اسلم سے مروی ہے، وہ کہتے ہیں: جن دنوں میں عثمان ‌رضی ‌اللہ ‌عنہ محصور تھے، میں اس جگہ تھا، جہاں جنازے پڑھے جاتے ہیں، اور لوگوں کا ازدحام اس قدر تھا کہ اگر پتھر پھینکا جاتا تو وہ کسی نہ کسی کے سر پر لگتا،میں نے دیکھا کہ عثمان ‌رضی ‌اللہ ‌عنہ نے اپنے مکان کے اس سوراخ سے باہر کو جھانکا جو مقام جبریل علیہ السلام سے متصل ہے، انہوں نے کہا: لوگو! کیا تمہارے درمیان طلحہ موجود ہیں؟ لوگ خاموش رہے، انھوں نے پھر کہا: لوگو! کیا تمہارے اندر طلحہ موجود ہیں؟ لوگ خاموش رہے، سیدنا عثمان ‌رضی ‌اللہ ‌عنہ نے تیسری بار کہا: لوگو! کیا تمہارے اندر طلحہ موجود ہیں؟ بالآخر سیدنا طلحہ ‌رضی ‌اللہ ‌عنہ اٹھ کھڑے ہوئے، سیدنا عثمان ‌رضی ‌اللہ ‌عنہ نے ان سے کہا: کیا میں تمہیں ان لوگوں میں نہیں دیکھ رہا؟ میں نہیں سمجھتا تھا کہ تم کسی جماعت کے اندر ہو اورمیں تمہیں تین بار پکاروں اور تم جواب تک نہ دو؟ طلحہ! اب میں تمہیں اللہ کا واسطہ دے کر پوچھتا ہوں کہ کیا تمہیں یا د ہے کہ ایک روز میں اور تم فلاں مقام پر رسول اللہ ‌صلی ‌اللہ ‌علیہ ‌وآلہ ‌وسلم کے ہمراہ تھے، میرے اور تمہارے سوا آپ ‌صلی ‌اللہ ‌علیہ ‌وآلہ ‌وسلم کے ہمراہ کوئی دوسرا ساتھی نہ تھا، سیدنا طلحہ ‌رضی ‌اللہ ‌عنہ نے کہا: جی ہاںـ،سیدنا عثمان ‌رضی ‌اللہ ‌عنہ نے کہا: اللہ کے رسول ‌صلی ‌اللہ ‌علیہ ‌وآلہ ‌وسلم نے تم سے کہا تھا: طلحہ! ہر نبی کا اس کی امت میں سے ایک صحابی جنت میں اس نبی کا ساتھی ہوگا اور یہ عثمان بن عفان جنت میں میرا رفیق ہوگا۔ طلحہ ‌رضی ‌اللہ ‌عنہ نے کہا: اللہ گواہ ہے، مجھے یاد ہے، اس کے بعد سیدنا عثمان ‌رضی ‌اللہ ‌عنہ واپس اتر گئے۔

Haidth Number: 12276

Report

Share

Copy

Create Picture for Post

Reference

Status

Doubtful

ضعیف

Status Reference

Not Available

Takhreej

(۱۲۲۷۶) تخریج: اسنادہ ضعیف، القاسم بن حکم الانصاری، وقال ابو حاتم: مجھول، ولیّنہ الحافظ ابن حجر، وابوعبادۃ عیسی بن عبد الرحمن، ضعّفہ البخاری والنسائی وابن حبان، وقال ابو حاتم: منکر الحدیث، ضعیف الحدیْث، اخرجہ البزار: ۳۷۴ (انظر: ۵۵۲)

Wazahat

Not Available