Musnad Ahmad | Hadees 13024 | مسنداحمد | Islamic Sayings

یاجوج ماجوج کا ظہور بھی قیامت کی بڑی نشانیوں میں سے ہے

۔ (۱۳۰۲۴)۔ وَعَنْ اَبِیْ ھُرَیْرَۃَ ‌رضی ‌اللہ ‌عنہ ‌ عَنْ رَسُوْلِ اللّٰہِ ‌صلی ‌اللہ ‌علیہ ‌وآلہ ‌وسلم قَالَ: ((اِنَّ یَاْجُوْجَ وَمَاْجُوْجَ لَیَحْفِرَنَّ السَّدَّ کُلَّ یَوْمٍ حَتّٰی اِذَا کَادُوْایَرَوْنَ شُعَاعَ الشَّمْسِ قَالَ الَّذِیْ عَلَیْہِمْ: اِرْجِعُوْا فَسَتَحْفِرُوْنَہُ غَدًا، فَیَعُوْدُوْنَ اِلَیْہِ کَاَشَدِّ مَاکَانَ، حَتّٰی اِذَا بَلَغَتْ مُدَّتُہُمْ وَاَرَادَ اللّٰہُ عَزَّوَجَلَّ اَنْ یَبْعَثَہُمْ اِلٰی النَّاسِ (وَفِیْ رِوَایَۃٍ: عَلٰی النَّاسِ) حَفَرُوْاحَتّٰی اِذَا کَادُوْا یَرَوْنَ شُعَاعَ الشَّمْسِ قَالَ الَّذِیْ عَلَیْہِمْ: اِرْجِعُوْا فَسَتَحْفِرُوْنَہُ غَدًا اِنْ شَائَ اللّٰہُ وَیَسْتَثْنِیْ فَیَعُوْدُوْنَ اِلَیْہِ وَھُوَ کَہَیْئَتِہِ حِیْنَ تَرَکُوْہُ، فَیَحْفِرُوْنَہُ وَیَخْرُجُوْنَ عَلٰی النَّاسِ فَیَنْشِفُوْنَ الْمِیَاہَ وَیَتَحَصَّنَ النَّاسُ مِنْہُمْ فِیْ حُصُوْنِہِمْ، فَیَرْمُوْنَ بِسِہَامِہِمْ اِلٰی السَّمَائِ فَتَرْجِعُ وَعَلَیْہَا کَہَیْئَۃِ الدَّمِّ، فَیَقُوْلُوْنَ: قَہَرْنَا اَھْلَ الْاَرْضِ وَعَلَوْنَا اَھْلَ السَّمَائِ، فَیَبْعَثُ اللّٰہُ عَلَیْہِمْ نَغَفًا فِیْ اَقْفَائِہِمْ فَیَقْتُلُہُمْ بِہَا۔))فَقَالَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم : ((وَالَّذِیْ نَفْسُ مُحَمَّدٍ بِیَدِہٖ! اِنَّ دَوَابَّ الْاَرْضِ لَتَسْمَنُ (وَتَشْکَرُ) شَکَرًا مِنْ لُحُوْمِہِمْ وَدِمَائِہِمْ۔)) (مسند احمد: ۱۰۶۴۰)

سیدنا ابو ہریرہ ‌رضی ‌اللہ ‌عنہ سے روایت ہے، رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: یاجوج ماجوج روزانہ دیوار کو کھودتے ہیں، جب سورج غروب ہونے لگتا ہے تو ان کا امیر کہتا ہے: واپس چلو، کل تم اسے کھود لو گے، لیکن جب وہ دوسرے دن آتے ہیں، تو وہ دیوارپہلے سے بھی زیادہ سخت ہوچکی ہوتی ہے، (ہر روز یہی کچھ ہوتا ہے) حتی تک جب ان کا مقررہ وقت پورا ہوجائے گا اور اللہ تعالیٰ یہ ارادہ کر لے گا کہ وہ لوگوں کی طرف نکل آئیں، تو اسی طرح کھودنا شروع کریں گے، جب سورج غروب ہونے کے قریب ہوگا تو اس بار ان کا امیر ان سے کہے گا: واپس چلو، اگر اللہ نے چاہا تو باقی کل کھود لیں گے، اس دفعہ وہ ان شاء اللہ کہے گا، دوسرے دن جب وہ وہاں آئیں گے تو اسے اسی حالت میں پائیں گے، جس میں چھوڑ کر گئے ہیں، چنانچہ وہ اسے کھود لیں گے اور لوگوں کی طرف نکل جائیں گے، وہ سارے پانیوں کو چوس جائیں گے اور لوگ ان سے ڈر کر اپنے اپنے قلعوں میں بند ہوجائیں گے،(زمین پر قبضہ جما لینے کے بعد) یاجوج ماجوج آسمان کی طرف تیر پھینکیں گے، وہ تیر خون آلود ہو کر واپس آئیں گے، یہ دیکھ کروہ کہیں گے کہ ہم زمین والوں پر بھی اور آسمان والوں پر بھی غالب آگئے ہیں، پھر اللہ تعالیٰ ان کی گدیوں میں ایک کیڑا پیدا کرے گا، جس کی وجہ سے وہ مر جائیں گے۔ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: اس ذات کی قسم جس کے ہاتھ میں میری جان ہے! ان کے گوشت اور خون کھا کھا کر زمین کے جانور خوب موٹے تازے ہوجائیںگے۔

Haidth Number: 13024

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۳۰۲۴) تخریج: اسنادہ صحیح علی شرط الشیخین، أخرجہ الترمذی: ۳۱۵۳،و ابن ماجہ: ۴۰۸۰(انظر: ۱۰۶۳۲)

Wazahat

فوائد:… شیخ البانی ‌رحمتہ ‌اللہ ‌علیہ لکھتے ہیں: حافظ ابن کثیر نے مسند احمد کے حوالے سے یہ حدیث ذو القرنین اور یاجوج و ماجوج کے قصے میں اس آیت کے ضمن میں ذکر کی ہے: {فَمَا اسْطَاعُوْٓا اَنْ یَّظْہَرُوْہُ وَ مَااسْتَطَاعُوْالَہٗ نَقْبًا} (سورۂ کہف: ۹۷)… پس نہ تو ان (یاجوج ماجوج) میں اس دیوار پر چڑھنے کی طاقت تھی اور نہ اس میں کوئی سوراخ کر سکتے تھے۔ پھر انھوں نے یہ قصہ ذکر کرنے کے بعد کہا: اس حدیث کی سند تو جیّد ہے، لیکن اس کے متن کو مرفوع بیان کرنا درست معلوم نہیں ہوتا، کیونکہ آیت کے ظاہری مفہوم سے معلوم ہوتا کہ وہ دیوار اتنی مضبوط اور سخت ہے کہ نہ وہ اس پر چڑھ سکتے ہیں اور نہ اس میں کوئی سوراخ کر سکتے ہیں۔ میں (البانی) کہتا ہوں: یہ آیت کسی طرح بھی اس مفہوم پر دلالت نہیں کرتی کہ ان میں ایسا کرنے کی طاقت نہیں ہو گی۔ آیت ِ مبارکہ میں ماضی کی خبر دی گئی ہے اور حدیث میں مسقبل کے بارے میں خبر دی جا رہی ہے۔ معلوم ہوا کہ آیت اور حدیث میں کوئی تضاد نہیں ہے، بلکہ یہ حدیث درج ذیل آیت کا مکمل مفہوم ادا کر رہی ہے: {حَتّٰٓی اِذَا فُتِحَتْ یَاْجُوْجُ وَ مَاْجُوْجُ وَ ہُمْ مِّنْ کُلِّ حَدَبٍ یَّنْسِلُوْنَ۔} (سورۂ انبیا: ۹۶)… یہاں تک کہ یاجوج اور ماجوج کھول دیے جائیں گے اور ہر بلندی سے دوڑتے ہوئے آئیں گے۔ میں نے اس تحریر کے بعد امام ابن کثیر کی (البدایۃ والنھایۃ: ۲/۱۲۲) میں اس قصے کا مراجعہ کیا، کیا دیکھتا ہوں کہ انھوں نے اِسی قسم کا جواب دیا، ہاں اس کے ساتھ ساتھ کچھ دوسرے امور بھی ذکر کیے۔ (صحیحہ: ۱۷۳۵)