Musnad Ahmad | Hadees 1957 | مسنداحمد | Islamic Sayings

نماز میں بچہ اٹھانے کے جواز کا بیان

۔ (۱۹۵۷) عَنْ عَمْرِو بْنِ سُلَیْمٍ الزُّرَقِیِّ أَنَّہُ سَمِعَ أَبَا قَتَادَۃَیَقُوْلُ: بَیْنَا نَحْنُ فِی الْمَسْجِدِ جُلُوْسٌ خَرَجَ عَلَیْنَا رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم یَحْمِلُ أُمَامَۃَ بِنْتَ أَبِی الْعَاصِ ابْنِ الرَّبِیْعِ وَأُمُّہَا زَیْنَبُ بِنْتُ رَسُوْلِ اللّٰہ ‌صلی ‌اللہ ‌علیہ ‌وآلہ ‌وسلم وَھِیَ َصَبِیَّۃٌ فَحَمَلَہَا عَلٰی عَاتِقِہِ فَصَلّٰی ‌صلی ‌اللہ ‌علیہ ‌وآلہ ‌وسلم وَھِیَ عَلٰی عَاتِقِہِ، یَضَعُہَا إِذَا رَکَعَ وَیُعِیْدُھَا عَلٰی عَاتِقِہِ إِذَا قَامَ فَصَلّٰی رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم وَھِیَ عَلٰی عَاتِقِہِ حَتّٰی قَضٰی صَلاَتَہُ، یَفْعَلُ ذٰلِکَ بِہَا۔ (مسند احمد: ۲۲۹۵۴)

سیدناابو قتادۃ ‌رضی ‌اللہ ‌عنہ سے مروی ہے، وہ کہتی ہیں: ایک دفعہ ہم مسجد میں بیٹھے ہوئے تھے،رسول اللہ ‌صلی ‌اللہ ‌علیہ ‌وآلہ ‌وسلم سیدہ امامہ بنت ابی العاص بن ربیع کو اٹھائے ہوئے ہمارے پاس تشریف لائے، یہ ایک بچی تھی اور اس کی ماں رسول اللہ ‌صلی ‌اللہ ‌علیہ ‌وآلہ ‌وسلم کی بیٹی سیدہ زینب ‌رضی ‌اللہ ‌عنہا تھیں، آپ نے اسے اپنے کندھے پر اٹھایا ہوا تھا، پھر آپ ‌صلی ‌اللہ ‌علیہ ‌وآلہ ‌وسلم نے نماز پڑھی، جبکہ وہ بچی آپ کے کندھے پر تھی، جب آپ رکوع کرتے تو اسے رکھ دیتے اور جب کھڑے ہوتے تو دوبارہ اسے کندھے پر اٹھا لیتے ، رسول اللہ ‌صلی ‌اللہ ‌علیہ ‌وآلہ ‌وسلم نے اسی حالت میں نماز پڑھی کہ وہ آپ کے کندھے پر تھی، حتیٰ کہ نماز پوری ہو گئی، آپ ‌صلی ‌اللہ ‌علیہ ‌وآلہ ‌وسلم اس کے ساتھ اسی طرح کرتے رہے (کہ ہر رکوع کے وقت رکھ دیتے تھے)۔

Haidth Number: 1957

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۹۵۷) تخریج: أخرجہ البخاری: ۵۹۹۶، ومسلم: ۵۴۳ (انظر: ۲۲۵۸۴)

Wazahat

فوائد:… صحیح مسلم کی روایت کے مطابق آپ ‌صلی ‌اللہ ‌علیہ ‌وآلہ ‌وسلم اس حالت میں لوگوں کو نماز پڑھا رہے تھے۔