Musnad Ahmad | Hadees 1996 | مسنداحمد | Islamic Sayings

سلام پھیر دینے والا وہ آدمی کیا کرے، جس کی ابھی تک ایک رکعت باقی ہو

۔ (۱۹۹۶) عَنْ مُعَاوِیَۃَ بْنِ حُدَیْجٍ ‌رضی ‌اللہ ‌عنہ ‌ أَنَّ رَسُوْلَ اللَّہ ‌صلی ‌اللہ ‌علیہ ‌وآلہ ‌وسلم صَلّٰییَوْمًا وَانْصَرَفَ وَقَدْ بَقِیَ مِنَ الصَّلَاۃِ رَکْعَۃٌ فَأَدْ رَکَہُ رَجُلٌ، فَقَالَ: نَسِیْتَ مِنَ الصَّلَاۃِ رَکْعَۃً، فَرَجَعَ فَدَخَلَ الْمَسْجِدَ وَأَمَرَ بِلَالاً فَأَقَامَ الصَّلَاۃَ فَصَلّٰی بِالنَّاسِ رَکْعَۃً، فَأَخْبَرْتُ بِذَالِکَ النَّاسَ، فَقَالُوْا لِی: أَتَعْرِفُ الرَّجُلَ؟ قُلْتُ: لَا، إِلاَّ أَنْ أَرَاہُ، فَمَرَّ بِی، فَقُلْتُ ھُوَ ھٰذَا، فَقَالُوْا: طَلْحَۃُ بْنُ عُبَیْدِ اللّٰہِ ‌رضی ‌اللہ ‌عنہ ‌ ۔ (مسند احمد: ۲۷۷۹۶)

سیدنامعاویہ بن حدیج ‌رضی ‌اللہ ‌عنہ سے روایت ہے کہ رسول اللہ ‌صلی ‌اللہ ‌علیہ ‌وآلہ ‌وسلم نے ایک دن ایک نماز پڑھائی اور سلام پھیر کر چلے گئے، جب کہ اس نماز سے ایک رکعت باقی تھی، ایک آدمی آپ ‌صلی ‌اللہ ‌علیہ ‌وآلہ ‌وسلم کو جا ملا اور کہا: آپ نماز سے ایک رکعت بھول گئے ہیں، پس آپ ‌صلی ‌اللہ ‌علیہ ‌وآلہ ‌وسلم دوبارہ مسجد میں داخل ہوئے اور سیدنا بلال ‌رضی ‌اللہ ‌عنہ کو حکم دیا، پس انھوں نے نماز کو کھڑا کیا اور آپ ‌صلی ‌اللہ ‌علیہ ‌وآلہ ‌وسلم نے لوگوں کو ایک رکعت نماز پڑھائی۔ جب میں نے یہ بات لوگوں کو بتائی تو وہ مجھ سے پوچھنے لگے: کیا تم اس آدمی کو پہچانتے ہو؟ میں نے کہا: جی نہیں، ہاں اگر میں اس کو دیکھ لوں تو پہنچان لوں گا، اتنے میں وہ میرے پاس سے گزر پڑا، میں نے کہا کہ یہ وہ آدمی ہے، لوگوں نے کہا: یہ تو سیدنا طلحہ بن عبید اللہ ‌رضی ‌اللہ ‌عنہ ہیں۔

Haidth Number: 1996

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۱۹۹۶) تخریج: اسنادہ صحیح۔ أخرجہ ابوداود: ۱۰۲۳، والنسائی: ۲/ ۱۸ (انظر: ۲۷۲۵۴)

Wazahat

فوائد:… اس باب کا مفہوم پچھلے باب والا ہی ہے کہ جب کوئی آدمی کم رکعات پر سلام پھیر دے تو وہ ان رکعات کی ادائیگی کر کیے سجدۂ سہو کرے۔