Musnad Ahmad | Hadees 2011 | مسنداحمد | Islamic Sayings

سجدہ تلاوت کی فضیلت اور اس کے مقامات کی تعداد کا بیان

۔ (۲۰۱۱) عَنْ أَبِیْ الدَّرْدَائ ‌رضی ‌اللہ ‌عنہ ‌ قَالَ سَجَدْتُّ مَعَ النَّبِیِّ ‌صلی ‌اللہ ‌علیہ ‌وآلہ ‌وسلم إِحْدٰی عَشَرَۃَ سَجْدَۃً، مِنْہُنَّ سَجْدَۃُ النَّجْمِ۔ (مسند احمد: ۲۸۰۴۲)

سیدنا ابو الدردا ‌رضی ‌اللہ ‌عنہ کہتے ہیں کہ میں نے رسول اللہ ‌صلی ‌اللہ ‌علیہ ‌وآلہ ‌وسلم کے ساتھ گیارہ سجدے کئے، ان میںسے ایک سجدہ سورۂ نجم کا تھا۔

Haidth Number: 2011

Report

Share

Copy

Create Picture for Post

Reference

Status

Doubtful

ضعیف

Status Reference

Not Available

Takhreej

(۲۰۱۱) تخریج: اسنادہ ضعیف لضعف رشدین بن سعد، ولجھالۃ عمر الدمشقی، ولابھام الراوی عن ام الدردائ۔ أخرجہ ابن ماجہ: ۱۰۵۵ (انظر: ۲۱۶۹۲، ۲۷۴۹۴)

Wazahat

فوائد:… یہ روایت ضعیف ہے، بہرحال سورۂ نجم، سجدۂ تلاوت پر مشتمل ہے، جیسا کہ دوسری روایات سے واضح ہوتا ہے، سجدۂ تلاوت مستحب ہے، اس حکم کی وضاحت اگلے ابواب میں آ رہی ہے اور راجح قول کے مطابق سجدۂ تلاوت کے باوضو یا قبلہ رخ ہونا شرط نہیں ہے، نیزیہ سجدہ اسی وقت کرنا مسنون ہے، جب اس سجدے والی آیت تلاوت کی جائے۔ قرآن مجید کے سجودِ تلاوت کی تعداد کے بارے میں درج ذیل اختلا ف ہے۔ امام ابوحنیفہ: کل چودہ سجدے ہیں، ان کے نزدیک سورۂ حج کا دوسرا سجدہ نہیں ہے۔ امام شافعی: کل چودہ سجدے ہیں، ان کے نزدیک سورۂ ص کا سجدہ، سجدۂ تلاوت نہیں ہے، بلکہ صرف سجدۂ شکر ہے۔ امام مالک: کل گیارہ، ان کے نزدیک مفصلات سورتوں کے سجدے اور سورۂ حج کا دوسرا سجدہ نہیں ہے۔ لیکن حقیقت ِ حال یہ ہے کہ سورۂ ص کا سجدہ، سورۂ حج کا دوسرا سجدہ اور مفصلات سورتوں کے سجدے آنے والے اور دیگر دلائل سے ثابت ہیں، اس طرح قرآن مجید میں کل پندرہ سجدے بنتے ہیں،یہ امام احمدکا قول ہے اور یہی راجح ہے، ہمارے ہاں چھپنے والے قرآن مجید میں سورۂ حج کے دوسرے سجدے پر صرف السجدۃ عند الشافعی لکھ دیا جاتا ہے اور اس کو باقی سجدوں میں شمار نہیں کیا جاتا، جس کی وجہ سے قرآن مجید کے آخری سجدے پر (۱۴) نمبر لکھا جاتا ہے، اس وجہ سے ہمارے ہاں چودہ سجدے مشہور ہو گئے ہیں، حالانکہ راجح قول کے مطابق کل (۱۵) سجدے ہیں اور قرآن مجید کے سجدوں کی نمبرنگ کرنے والوں کو چاہیے تھا کہ تمام سجدوں پر نمبر لگاتے اور قرآن مجید کے آخرمیں مسئلہ کی وضاحت کر دیتے۔ قرآن مجید کی درج ذیل چودہ سورتیں سجودِ تلاوت پر مشتمل ہیں: سورۂ اعراف، سورۂ رعد، سورۂ نحل، سورۂ بنی اسرائیل، سورۂ مریم، سورۂ حج، سورۂ فرقان، سورۂ نمل، سورۂ سجدہ، سورۂ ص، سورۂ حم سجدہ، سورۂ نجم، سورۂ انشقاق، سورۂ علق۔ سورۂ حج میں دو سجدے ہیں، آخری تین سورتیں مفصلات میں سے ہیں۔