Musnad Ahmad | Hadees 2962 | مسنداحمد | Islamic Sayings

نمازِ خوف کی چوتھی صورت امام ہر گروہ کو ایک ایک رکعت پڑھا کر اس قدر انتظار کرے کہ وہ لوگ دوسری رکعت خود پڑھ لیں

۔ (۲۹۶۲) عَنْ سَہْلِ بْنِ أَبِی حَثْمَہَ ‌رضی ‌اللہ ‌عنہ ‌ رَفَعَہُ إِلَی النَّبِیِّ ‌صلی ‌اللہ ‌علیہ ‌وآلہ ‌وسلم قَالَ: یَقُوْمُ الْإِمَامُ وَصَفٌّ خَلْفَہُ، وَصَفٌّ بَیْنَ یَدَیْہِ فَیُصَلِّی خَلْفَہُ رَکْعَۃً وَسَجْدَتَیْنِ، ثُمَّ یَقُوْمُ قَائِمًا حَتّٰی یُصَلُّوْا رَکْعَۃً أُخْرٰی (وَفِی رِوَایَۃٍ) ثُمَّ یَقْعُدُ مَکَانَہُ حَتّٰی یَقْضُوا رَکْعَۃً وَسَجْدَتَیْنِ، بَدَلَ قَوْلِہٖ ثُمَّ یَقُوْمُ قَائِمًا) ثُمَّ یَتَقَدَّمُوْنَ إِلٰی مَکَانِ أَصْحَابِہِمْ، ثُمَّ یَجِیْئُ أُوْلٰئِکَ فَیَقُوْمُوْنَ مَقَامَ ہٰؤُلَائِ فَیُصَلِّی بِہِمْ رَکْعَۃً وَسَجْدَتَیْنِ ثُمَّ یَقْعُدُ حَتَّی یَقْضُوْا رَکْعَۃً أُخْرٰی،ثُمَّ یُسَلِّمُ عَلَیْہِمْ۔ (مسند احمد: ۱۵۸۰۱)

سیّدنا سہل بن ابی حثمہ ‌رضی ‌اللہ ‌عنہ نبی کریم ‌صلی ‌اللہ ‌علیہ ‌وآلہ ‌وسلم کی طرف منسوب کرتے ہوئے بیان کرتے ہیں: امام نماز کے لیے کھڑا ہو جائے گا اور ایک صف اس کے پیچھے اور ایک صف اس کے آگے (یعنی دشمن کے سامنے) کھڑی ہو جائے گی۔ امام اپنے پیچھے والے لوگوں کو دو سجدوں سمیت ایک رکعت پڑھائے گا، اس کے بعد وہ کھڑا رہے گا، یہاں تک کہ یہ لوگ از خود دوسری رکعت پڑھ لیں۔ ایک روایت میں ہے: پھر امام اپنی جگہ پر بیٹھ جائے یہاں تک کہ وہ دوسری رکعت اور دوسجدے پورے کر کے اپنے ساتھیوں کے مقام پر چلے جائیں اور وہ آ کر (امام کے پیچھے) پہلے والوں کی جگہ پر کھڑے ہو جائیں، پس وہ ان کو دو سجدوں سمیت ایک رکعت پڑھائے اور پھر بیٹھ جائے گا، یہاں تک کہ وہ دوسری رکعت از خود ادا کر لیں، پھر امام ان پر سلام پھیر دے۔

Haidth Number: 2962

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۲۹۶۲) تخریـج: …أخرجہ البخاری: ۴۱۳۱، ومسلم: ۸۴۱ (انظر: ۱۵۷۱۰)

Wazahat

فوائد: …ایک روایت میں ہے کہ امام کھڑے ہو کر انتظار کرے اور دوسری میں ہے کہ بیٹھ کر انتظار کرے، ان میں جمع و تطبیق کی یہ صورت ہے کہ جب تک پہلا گروہ دوسری رکعت ادا کرتا رہے، امام بیٹھا رہے اور جب وہ چلا جائے تو امام کھڑے ہو کر دوسرے گروہ کے آنے کا انتظار کرے۔