Musnad Ahmad | Hadees 3029 | مسنداحمد | Islamic Sayings

قریب الموت کو دکھائے جانے والے مناظر اور جسم سے جدا ہونے کے بعد روح کا ٹھکانہ

۔ (۳۰۲۹) (وَعَنْہُ مِنْ طَرِیْقٍ ثَانٍ بِنَحْوِہِ وَفِیْہِ:) حَتّٰی إِذَا خَرَجَ رُوْحُہُ صَلّٰی عَلَیْہِ کُلُّ مَلَکٍ بَیْنَ السَّمَائِ وَالْأَرْضِ وَکُلُّ مَلَکٍ فِی السَّمَائِ وَفُتِحَتْ أَبْوَابُ السَّمَائِ وَلَیْسَ مِنْ أَہْلِ بَابٍ إِلَّا وَہُمْ یَدْعُوْنَ اللّٰہَ أَنْ یُعْرَجَ بِرُوْحِہِ مِنْ قِبَلِہِمْ، فَإِذَا عُرِجَ بِرُوْحِہِ قَالُوْا: رَبِّ عَبْدُکَ فُلَانٌ، فَیَقُوْلُ: اِرْجِعُوْہُ، فَإِنِّی عَہِدْتُّ إِلَیِہِمْ أَنِّی مِنْہَا خَلَقْتُہُمْ وَفِیْہَا اُعِیْدُہُمْ، وَمِنْہَا أُخْرِجُہُمْ تَارَۃً أُخْرٰی، قَالَ: فَإِنَّہُ یَسْمَعُ خَفْقَ نِعَالِ أَصْحَابِہِ إِذَا وَلَّوْا عَنْہُ فَیَأْتِیْہِ آتٍ، فَیَقُوْلُ: مَنْ رَبُّکَ، مَا دِیْنُکَ،مَنْ نَبِیُّکَ؟ فَیَقُوْلُ: رَبِّیَ اللّٰہُ، وَدِیْنِیَ اْلإِسْلَامُ، وَنَبِیِّیْ مُحَمَّدٌ ‌صلی ‌اللہ ‌علیہ ‌وآلہ ‌وسلم ، فَیَنْتَہِرُہُ، فَیَقُوْلُ: مَنْ رَبُّکَ، مَا دِیْنُکَ، مَنْ نَبِیُّکَ؟ وَہِیَ آخِرُ فِتْنَۃٍ تُعْرَضُ عَلَی الْمُؤْمِنِ فَذَالِکِ حِیْنَ یَقُوْلُ اللّٰہُ عَزَّوَجَلَّ: {یُثَبِّتُ اللّٰہُ الَّذِیْنَ آمُنْوا بِالْقَوْلِ الثَّابِتِ فِی الْحَیَاۃِ الدُّنْیَا وَفِی الْآخِرَۃِ۔} فَیَقُوْلُ: رَبِّیَ اللّٰہُ وَدِیْنِیَ الإِسْلَامُ وَنَبِیِّی مُحَمَّدٌ ‌صلی ‌اللہ ‌علیہ ‌وآلہ ‌وسلم ، فَیَقُوْلُ لَہُ: صَدَقْتَ، ثُمَّ یَأْتِیْہِ آتٍ حَسَنُ الْوَجْہِ طَیِّبُ الرِّیْحِ حَسَنُ الثِّیَابِ، فَیَقُوْلُ: أَبْشِرْ بِکَرَامَۃٍ مِنَ اللّٰہِ وَنَعِیْمٍ مُقِیْمٍ، فَیَقُوْلُ: وَأَنْتَ فَبَشَّرَکَ اللّٰہُ بِخَیْرٍ، مَنْ أَنْتَ؟ فَیَقُوْلُ: اَنَا عَمَلُکَ الصَّالِحُ، کُنْتَ وَاللّٰہِ سَرِیْعًا فِی طَاعَۃِ اللّٰہِ بَطِیِْئًا عَنْ مَعْصِیَۃِ اللّٰہِ فَجَزَاکَ اللّٰہُ خَیْرًا، ثُمَّ یُفْتَحُ لَہُ بَابٌ مِنَ الْجَنَّۃِ وَبَابٌ مِنَ النَّارِ، فَیُقَالُ: ہٰذَا کَانَ مَنْزِلُکَ لَوْ عَصَیْتَ اللّٰہَ، أَبْدَلَکَ اللّٰہُ بِہِ ہٰذَا، فَإِذَا رَأیٰ مَا فِی الْجَنَّۃِ قَالَ: رَبِّ عَجِّلْ قِیَامَ السَّاعَۃِ کَیْمَا أَرْجِعَ إِلٰی أَہْلِی وَمَالِی، فَیُقَالُ لَہُ: اُسْکُنْ وَإِنَّ الْکَافِرَ أِذَا کَانَ فِی انْقِطَاعٍ مِنَ الدُّنْیَا وَإِقْبَالٍ مِنَ الْآخِرَۃِ نَزَلَتْ عَلَیْہِ مَلَائِکَۃٌ غِلَاظٌ شِدَادٌ فَانْتَزَعُوْا رُوْحَہُ کَمَا یُنْتَزَعُ السَّفُّوْدُ الْکَثِیْرُ الشَّعْبِ مِنَ الصُّوْفِ الْمُبْتَلِّ، وَتُنْزَعُ نَفْسُہُ مَعَ الْعُرُوْقِ فَیَلْعَنُہُ کُلُّ مَلَکٍ مِنَ السَّمَائِ وَالْأَرْضِ وَکُلُّ مَلَکٍ فِی السَّمَائِ وَتُغْلَقُ أَبْوَابُ السَّمَائِ لَیْسَ مِنْ أَہْلِ بَابٍ إِلَّا وَہُمْ یَدْعُوْنَ اللّٰہُ أَنْ لَّاتَعْرُجَ رُوْحُہُ مِنْ قَبَلِھِمْ فَاِذَا عُرِجَ بِرُوْحِہٖ قَالُوْا: رَبِّ! فُلَانُ بْنُ فُلَانٍ عَبْدُکَ، قَالَ: اِرْجِعُوْہُ، فَإِنِّی عَہِدْتُّ إِلَیْہِمْ أَنِّیْ مِنْہَا خَلَقْتُہُمْ وَفِیْہَا أُعْیِدُہُمْ وَمِنْہَا أُخْرِجُہُمْ تاَرَۃً أُخْرٰی، قَالَ: فَإِنَّہُ لَیْسْمَعُ خفَقْ نِعَالِ أَصْحَابِہِ إِذَا وَلَّوْا عَنْہُ، قَالَ: فَیَأْتِیْہِ آتٍ فَیَقُوْلُ: مَنْ رَبُّکَ؟ مَا دِیْنُکَ؟ مَنْ نَبِیُّکَ؟ فَیَقُوْلُ: لَا أَدْرِی، فَیَقُوْلُ: لَا دَرَیْتَ وَلَا تَلَوْتَ،وَیَأْتِیْہِ آتٍ قَبِیْحُ الْوَجْہِ قَبِیْحُ الثِّیَابِ مُنْتِنُ الرِّیْحِ، فَیَقُوْلُ أَبْشِرْ بِہَوَانٍ مِنَ اللّٰہِ وَعَذَابٍ مُقِیْمٍ، فَیَقُوْلُ: وَأَنْتَ فَبَشَّرَکَ اللّٰہُ بِالشَرِّ مَنْ أَنْتَ؟ فَیَقُوْلُ: أَنَا عَمَلُکَ الْخَبِیْثُ، کُنْتَ بَطِیْئًا عَنْ طَاعَۃِ اللّٰہِ سَرِیْعًا فِی مَعْصِیَۃِ اللّٰہِ، فَجَزَاکَ اللّٰہُ شَرًّا،ثُمَّ یُقَیَّضُ لَہُ أَعْمٰی أَصَمُّ أَبْکَمُ فِی یَدِہِ مِرْزَبَۃٌ،لَوْ ضُرِبَ بِہَا جَبَلٌ کَانَ تُرَابًا، فَیَضْرِبُہُ ضَرْبَۃً حَتّٰی یَصِیْرَ تُرَابًا، ثُمَّ یُعِیْدُہُ اللّٰہُ کَمَا کَانَ فَیَضْرِبُہُ ضَرْبَۃً أُخْرٰی فَیَصِیْحُ صَیْحَۃً یَسْمَعُہُ کُلُّ شَیْئٍ إِلَّا الثَّقَلَیْنِ۔)) قَالَ الْبَرَائُ بْنُ عَازِبٍ ‌رضی ‌اللہ ‌عنہ ‌، ثُمَّ یُفْتَحُ لَہُ بَابٌ مِنَ النَّارِ وَیُمَہَّدُ مِنْ فُرُشِ النَّارِ۔ (مسند احمد: ۱۸۸۱۵)

(دوسری سند)اس میں ہے:جب نیک آدمی کی روح نکلتی ہے تو زمین و آسمان کے درمیان والا اور آسمان کا ہر فرشتہ اس کے لیے رحمت کی دعاء کرتا ہے اور آسمان کے ہر دروازے والے فرشتے یہ دعا کرتے ہیں کہ اس نیک بندے کی روح ان کے دروازے کے راستے سے اوپر کو جائے۔ جب اس کی روح کو اوپر لے جایا جاتا ہے تو وہ کہتے ہیں، اے رب! یہ تیرا فلاں بندہ ہے۔ اللہ تعالیٰ فرماتا ہے: اسے واپس لے جائو، میرا ان سے وعدہ ہے کہ میں نے انہیں زمین سے پیدا کیا، اسی میں ان کو لوٹائوں گا اور دوسری مرتبہ ان کو اسی سے نکالوں گا۔ آپ ‌صلی ‌اللہ ‌علیہ ‌وآلہ ‌وسلم نے فرمایا: وہ (میت) واپس جانیوالے لوگوں کے جوتوں کی آواز سن رہا ہوتا ہے، اتنے میں فرشتہ اس کے پاس آ جاتا ہے اور پوچھتا ہے: تیرا رب کون ہے؟تیرا دین کیا ہے؟ تیرا نبی کون ہے؟ نیک آدمی جواب دیتا ہے:میرا رب اللہ ہے، میرا دین اسلام ہے اور میرے نبی محمد ‌صلی ‌اللہ ‌علیہ ‌وآلہ ‌وسلم ہیں۔ یہ جواب سن کر فرشتہ اسے جھڑکتا ہے اور پھر پوچھتا ہے: تیرا رب کون ہے؟ تیرا دین کیا ہے؟ تیرا نبی کون ہے؟ (حقیقت میں) یہ مومن کی آزمائش اور امتحان کا آخری موقعہ ہوتاہے۔ اسی کے متعلق اللہ تعالیٰ نے فرمایا ہے: {یُثَبِّتُ اللّٰہُ الَّذِیْنَ آمُنْوا بِالْقَوْلِ الثَّابِتِ فِی الْحَیَاۃِ الدُّنْیَا وَفِی الْآخِرَۃِ۔} (سورۂ ابراہیم: ۲۷) یعنی: اللہ تعالیٰ اہل ایمان کو دنیا اور آخرت میں صحیح بات پر ثابت قدم رکھتا ہے۔ چنانچہ وہ (دوبارہ) جواب میں کہتا ہے:میرا رب اللہ ہے، میرا دین اسلام ہے اور میرے نبی محمد ‌صلی ‌اللہ ‌علیہ ‌وآلہ ‌وسلم ہیں، اس دفعہ فرشتہ کہتا ہے کہ تمہارے جواب درست ہیں۔ پھر اس کے پاس ایک حسین و جمیل، عمدہ خوشبو والا اور خوش لباس آدمی آ کر کہتا ہے: تم کو اللہ کی طرف سے اکرام اور ہمیشہ کی نعمتوں کی بشارت ہو۔ یہ کہتا ہے: تجھے بھی اللہ اچھی بشارتیں دے، تم کون ہو؟ وہ کہتا ہے: میں تیرا ہی نیک عمل ہوں، اللہ کی قسم! تو اللہ کی اطاعت کرنے میں تیز اور گناہ کرنے میں سست ہوتا تھا، اللہ تجھے اچھا بدلہ دے۔پھر اس کے لیے جنت اور جہنم دونوں طرف سے ایک ایک دروازہ کھول دیا جاتا ہے اور اسے کہا جاتا ہے: اگر تم اللہ کی نافرمانی کرتے تو تمہارا (جہنم والا) یہ ٹھکانہ ہوتا۔ اب اللہ نے تیرے لیے ا س کے عوض یہ (جنت والی) جگہ تیار کی ہے۔ پھر جب وہ جنت کے مناظر اور نعمتیں دیکھتا ہے تو کہتا ہے:اے میرے رب! قیامت جلدی بپا کر تاکہ میں اپنے اہل اور مال میں لوٹ سکوں۔ لیکن اسے کہا جائے گا: تم یہاں سکون کرو۔ رہا مسئلہ کافر کا تو جب وہ دنیا سے رخصت ہو کر آخرت کی طرف جا رہا ہوتا ہے تو اس کے پاس تند مزاج اور سخت طبیعت فرشتے آ کر اس کی روح کو یوں کھینچتے ہیں جیسے زیادہ شاخوں والی سلاخ کو گیلی اون میں سے کھینچا جاتا ہے اور اس کی روح رگوں سمیت نکال لی جاتی ہے۔زمین و آسمان کے درمیان والا اور آسمان کا ہر فرشتہ اس پر لعنت کرتا ہے، اس کے لیے آسمان کے دروازے بند کر دیئے جاتے ہیں اور ہر دروازے کے فرشتے یہ دعا کرتے ہیں کہ اس کی روح ان کے دروازے سے نہ گزرنے پائے۔ جب اس کی روح کو اوپر لے جایا جاتا ہے تو فرشتے عرض کرتے ہیں کہ اے رب! یہ تیرا فلاں بن فلاں بندہ ہے۔ اللہ تعالیٰ فرماتا ہے: اسے واپس لے جائو۔ میرا ان سے وعدہ ہے کہ میں نے انہیں زمین سے پیدا کیا، اسی میں ان کو لوٹائوں گا اور دوبارہ میں انہیں وہیں سے نکا لوں گا، وہ واپس جانے والے لوگوں کے جوتوں کی آہٹ سن رہا ہوتا ہے، اتنے میں فرشتہ اس کے پاس آ جاتا ہے۔ وہ پوچھتا ہے: تیرا رب کون ہے؟ تیرا دین کیا ہے؟ تیرا نبی کون ہے؟ وہ جواباً کہتا ہے: میں نہیں جانتا۔ فرشتہ کہتا ہے: تونے نہ سمجھا اور نہ اللہ کی کتاب کو پڑھا۔ اس کے بعد اس کے پاس ایک انتہائی بدصورت اور گندے لباس ولا بدبودار آدمی آتا ہے اور کہتا ہے: تجھے اللہ کی طرف سے ذلت و رسوائی اور دائمی عذاب کی بشارت ہو۔ وہ کہتا ہے:تجھے بھی برائی کی بشارت ہو، تو کون ہے؟ وہ کہتا ہے: میں تیرا برا عمل ہوں، تو اللہ کی اطاعت کرنے میں سست اور گناہ کرنے میں تیز تھا۔ اللہ تجھے برا بدلہ دے۔ پھر اس پر ایک اندھا، بہرا اور گونگا فرشتہ مقرر کر دیا جاتا ہے، اس کے ہاتھ میں لوہے کا ایسا گرز ہوتا ہے کہ اگر وہ پہاڑ پر مارا جائے تو وہ بھی ریزہ ریزہ ہو جائے۔فرشتہ زور سے اسے یہ گرز مارتا ہے، وہ آدمی مٹی ہو جاتا ہے، اللہ تعالیٰ اسے دوبارہ ٹھیک کر دیتا ہے۔ وہ پھر اسے مارتا ہے، جس کی وجہ سے وہ چیختا چلاتا ہے، اور اس کی چیخ و پکار کو جن و انس کے علاوہ ہر چیز سنتی ہے۔ سیّدنا براء بن عازب ‌رضی ‌اللہ ‌عنہ کہتے ہیں: اس کے بعد اس کے لیے جہنم کی طرف دروازہ کھول دیا جاتا ہے اور اس کے لیے جہنم کا بستر بچھا دیا جاتا ہے۔

Haidth Number: 3029

Report

Share

Copy

Create Picture for Post

Reference

Status

Doubtful

ضعیف

Status Reference

Not Available

Takhreej

(۳۰۲۹)تخریـج: …اسنادہ ضعیف بھذہ السیاقۃ لضعف یونس بن خباب ، وانظر صحیحہ بالطریق الأول (انظر: ۱۸۶۱۴)

Wazahat

فوائد: …مومن کے صحیح جواب پر اسے جھڑکنا، یہ ایک امتحان ہے، جس میں اسے پرکھا جا رہا ہے کہ وہ اپنے عقیدے پر ثابت قدم رہتا ہے یا نہیں، اگر وہ دوسری دفعہ بھی اس کا جواب درست ہوتا ہے تو اس کا شرف ثابت ہو جاتا ہے اور وہ کرامت کا مستحق ٹھہرتا ہے۔ حدیث کے بقیہ سارے امور واضح ہیں، لیکن ان کا تعلق عالَمِ غیب سے ہے، جن پر ہم صرف ایمان لا سکتے ہیں، ان کی کیفیت کو نہ معلوم کر سکتے ہیں اور نہ اس کے لیے کوشش کرتے ہیں۔ اس آیت {وَمَنْ یُشْرِکَ بِاللّٰہِ فَکَأَنَّمَا خَرَّ مِنَ السَّمَائِ، فَتَخْطَفُہُ الطَّیْرُ أَوْ تَہْوِی بِہِ الرَّیْحُ فِی مَکَانٍ سَحِیْقٍ۔} (سورۂ حج:۳۱) یعنی: ’’اور جو شخص اللہ کے ساتھ شریک ٹھہراتا ہے، وہ گویا آسمان سے گر پڑا اور اسے پرندوں نے اچک لیا یا ہوا اسے اڑا کر دور دراز لے گئی۔‘‘ سے مراد یہ ہے کہ مشرک گمراہی میں ہے اور ہدایت سے دور ہے۔ جب کافر کی روح کو آسمان سے عذاب اور بدبختی کی طرف پھینک دیا جاتا ہے تو گویا وہ اس آیت کا مصداق بن رہا ہوتا ہے۔ اس حدیث سے معلوم ہو ا کہ موت کے وقت کی سختیاں اور چیز ہے اور روح کا نکلنا اور چیز ہے، مومن موت کے شدائد میں تو مبتلا ہوتا ہے، جیسا کہ نبی کریمa کی وفات کا واقعہ بھی ہمارے سامنے ہے، لیکن روح کو آسانی کے ساتھ نکالا جاتا ہے، جبکہ فاسق و فاجر کی روح کے نکلنے کی جو مثال دی گئی، اس سے پتہ چلتا ہے کہ بڑی مشکل سے اس کی روح اس کے جسم سے جدا ہوتی ہے۔