Musnad Ahmad | Hadees 3240 | مسنداحمد | Islamic Sayings

لوگوں کا میت کی تعریف کرنااوراس کے حق میں گواہی دینا

۔ (۳۲۴۰) عَنْ عَبْدِ اللّٰہِ بْنِ بُرَیْدَۃَ عَنْ أَبِی الأَسْوَدِ أَنَّہُ قَالَ: أَتَیْتُ الْمَدِیْنَۃَ فَوَافَیْتُہَا وَقَدْ وَقَعَ فِیْہَا مَرَضٌ فَہُمْ یَمُوْتُوْنَ مَوْتًا ذَرِیْعًا فجَلَسْتُ إِلٰی عُمَرَ بْنِ الْخَطَّابِ ‌رضی ‌اللہ ‌عنہ ‌ فَمَرَّتْ بِہِ جَنَازَۃٌ فَأُثْنِیَ عَلٰی صَاحِبِھَا خَیْرٌ، فَقَالَ عُمَرُ ‌رضی ‌اللہ ‌عنہ ‌: وَجَبَتْ، ثُمَّ مُرَّ بِأُخْرٰی فَأُثْنِیَ عَلٰی صَاحِبِہَا خَیْرٌ، فَقَالَ عُمَرُ ‌رضی ‌اللہ ‌عنہ ‌: وَجَبَتْ، ثُمَ مُرَّ بِالثَّالِثَۃِ فَأُثْنِیَ عَلَیْہَا شَرٌّ،فَقَالَ عُمَرُ ‌رضی ‌اللہ ‌عنہ ‌: وَجَبَتْ، فَقَالَ أَبُوْ الْأَسْوَدِ: مَا وَجَبَتْ یَا أَمِیْرَ الْمُؤْمِنِیْنَ! قَالَ: قُلْتُ کَمَا قَالَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم : ((أَیُّمَا مُسْلِمٍ شَہِدَ لَہُ أَرْبَعَۃٌ بِخَیْرٍ أَدْخَلَہُ اللّٰہُ الْجَنَّۃَ۔)) قَالَ: فَقُلْنَا: وَثَـلَاثَۃٌ؟ قَالَ: فَقَالَ: ((وَثَـلَاثَۃٌ۔)) قَالَ: قُلْنَا: وَاثْنَانِ؟ قَالَ: (وَاثْنَانِ۔)) قَالَ: ثُمَّ لَمْ نَسْأَلْہُ عَنِ الْوَاحِدِ۔ (مسند احمد: ۱۳۹)

ابوالاسود کہتے ہیں: میں مدینہ منورہ آیا،ان دنوں وہاں ایک وبا پھیلی ہوئی تھی اور لوگ بڑی تیزی سے مر رہے تھے۔ میں سیّدنا عمر بن خطاب ‌رضی ‌اللہ ‌عنہ کے پاس بیٹھا ہوا تھا کہ وہاں سے ایک جنازہ گزرا، اس کے حق میں دوسرے لوگوں کی طرف سے کلمۂ خیر کہا گیا، تو انھوں نے کہا: واجب ہو گئی۔ اس کے بعد ایک اور جنازہ گزرا، اس کے حق میں بھی تعریفی کلمات کہے گئے، تو انھوں نے کہا: واجب ہو گئی، اس کے بعد ایک تیسرا جنازہ گزرا، اس کی مذمت کی گئی، لیکن تب بھی انہوں نے کہا: واجب ہو گئی۔ابوالاسود نے کہا: امیر المومنین! کیا چیز واجب ہو گئی؟ سیّدناعمر ‌رضی ‌اللہ ‌عنہ نے کہا: میں نے تو اسی طرح بات کی، جس طرح رسول اللہ ‌صلی ‌اللہ ‌علیہ ‌وآلہ ‌وسلم نے فرمائی تھی کہ جس مسلمان کے حق میں چار آدمی خیر کی گواہی دے دیں، اللہ اسے جنت میں داخل کر دیتا ہے۔ ہم نے پوچھا: تین آدمی؟ آپ ‌صلی ‌اللہ ‌علیہ ‌وآلہ ‌وسلم نے فرمایا: تین بھی۔ ہم نے پوچھا: اور دو آدمی؟ آپ ‌صلی ‌اللہ ‌علیہ ‌وآلہ ‌وسلم نے فرمایا: دو بھی۔ پھر ہم ایک آدمی کی گواہی کے بارے میں سوال نہ کر سکے۔

Haidth Number: 3240

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۳۲۴۰) تخریـج: …أخرجہ البخاری: ۲۶۴۳ (انظر: ۱۳۹)

Wazahat

Not Available