Musnad Ahmad | Hadees 5086 | مسنداحمد | Islamic Sayings

قیدیوں کے حق میں احسان کرنے، ان سے فدیہ لینے اور ان سے متعلقہ دوسرے احکام کے ابواب ہوازن کے وفود پر ان کے قیدیوں کے معاملے میں احسان کرنے کا باب

۔ (۵۰۸۶)۔ عَنِ عَبْدِ اللّٰہِ بْنِ عُمَرَ قَالَ: أَعْطٰی رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم عُمَرَ بْنَ الْخَطَّابِ جَارِیَۃً مِنْ سَبْیِ ہَوَازِنَ، فَوَہَبَہَا لِی فَبَعَثْتُ بِہَا إِلٰی أَخْوَالِی مِنْ بَنِی جُمَحٍ لِیُصْلِحُوا لِی مِنْہَا حَتّٰی أَطُوفَ بِالْبَیْتِ، ثُمَّ آتِیَہُمْ وَأَنَا أُرِیدُ أَنْ أُصِیبَہَا إِذَا رَجَعْتُ إِلَیْہَا قَالَ: فَخَرَجْتُ مِنَ الْمَسْجِدِ حِینَ فَرَغْتُ فَإِذَا النَّاسُ یَشْتَدُّونَ، فَقُلْتُ: مَا شَأْنُکُمْ؟ قَالُوْا رَدَّ عَلَیْنَا رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم أَبْنَائَ نَا وَنِسَائَ نَا، قَالَ: قُلْتُ: تِلْکَ صَاحِبَتُکُمْ فِی بَنِی جُمَحٍ فَاذْہَبُوا فَخُذُوہَا فَذَہَبُوا فَأَخَذُوہَا۔ (مسند أحمد: ۵۳۷۴)

۔ سیدنا عبد اللہ بن عمر ‌رضی ‌اللہ ‌عنہما سے مروی ہے کہ رسول اللہ ‌صلی ‌اللہ ‌علیہ ‌وآلہ ‌وسلم نے سیدنا عمر بن خطاب ‌رضی ‌اللہ ‌عنہ کو ہوازن کے قیدیوں میں سے ایک لونڈی دی اور انھوں نے وہ مجھے عطا کر دی، میں نے اس کو بنو جمح والے اپنے ماموؤں کی طرف بھیجا، تاکہ وہ اس کو تیار کریں اور میں اِدھر طواف کر لوں، پھر میں ان کے پاس چلا جاؤں گا، جبکہ میں لوٹ کر اس سے جماع کرنے کا ارادہ رکھتا تھا، لیکن جب میں فارغ ہو کر مسجد سے نکلا اور ہوازن کے لوگوں کو دوڑتے ہوئے دیکھا تو میں نے کہا: تم لوگوں کو کیا ہو گیا ہے؟ انھوں نے کہا: رسول اللہ ‌صلی ‌اللہ ‌علیہ ‌وآلہ ‌وسلم نے ہمارے بیٹے اور عورتیں ہمیں واپس کر دیئے ہیں، میں نے کہا: تو پھر تمہاری ایک خاتون بنو جمح قبیلے میں ہے، جاؤ اور اس کو بھی لے لو، پس وہ گئے اور اس خاتون کو بھی اپنے ساتھ لے لیا۔

Haidth Number: 5086

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۵۰۸۶) تخریج: اسنادہ حسن (انظر: ۵۳۷۴)

Wazahat

Not Available