Musnad Ahmad | Hadees 6214 | مسنداحمد | Islamic Sayings

حیوانوں کے نقصان کا بیان

۔ (۶۲۱۴)۔ عَنْ حَرَامِ بْنِ مُحَیِّصَۃَ عَنْ اَبِیْہِ أَنَّ نَاقَۃً لِلْبَرَائِ دَخَلَتْ حَائِطًا فَأَفْسَدَتْ فَقَضٰی رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم عَلٰی أَھْلِ الْأَمْوَالِ حِفْظُہَا بِالنَّہَارِ وَعَلٰی أَھْلِ الْمَوَاشِی حِفْظُہَا بِاللَّیْلِ۔ (مسند احمد: ۲۴۰۹۷)

۔ حرام بن محیصہ اپنے باپ سے روایت کرتے ہیں کہ جب سیدنا براء ‌رضی ‌اللہ ‌عنہ کی اونٹنی ایک باغ میں داخل ہوئی اور اس کو خراب کیا تو رسول اللہ ‌صلی ‌اللہ ‌علیہ ‌وآلہ ‌وسلم نے یہ فیصلہ کیا کہ دن کے وقت (باغ وغیرہ جیسے) مال کے مالکوں کی ذمہ داری ہے کہ اپنے مال کی حفاظت کریں اور رات کے وقت مویشیوں کے مالکوں کی ذمہ داری ہے کہ وہ ان کی حفاظت کریں۔

Haidth Number: 6214

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۶۲۱۴) تخریج: صحیح، قالہ الالبانی۔ أخرجہ ابوداود: ۳۵۶۹، وابن ماجہ: ۲۳۳۲ (انظر: ۲۳۶۹۷)

Wazahat

فوائد:… دن کو مویشیوں کو چرنے کے لیے چھوڑ دیا جاتا یا چرایا جاتا ہے، اس لیے ممکن ہے کہ خیال رکھنے کے باوجود مویشی کسی دوسرے کے کھیت اور باغ میں گھس جائیں، لہٰذا کھیت اور باغ کے مالک کو حکم دیا گیا ہے کہ دن کے وقت باغ کی حفاظت کرنا اس کی اپنی ذمہ داری ہے، لیکن رات کو باغ کے مالک کے لیے نا ممکن تھا کہ وہ اپنے کھیت کی حفاظت کرے، اس لیے مویشیوں کے مالکوں کو حکم دیا گیا ہے کہ وہ رات کو اپنے جانوروں کو باندھ کر رکھیں، وگرنہ وہ خود ذمہ دار ہوں گے۔