Musnad Ahmad | Hadees 8661 | مسنداحمد | Islamic Sayings

{وَلَا تَجْہَرْ بِصَلَاتِکَ وَلَا تُخَافِتْ بِہَا}کی تفسیر

۔ (۸۶۶۱)۔ عَنِ ابْنِ عَبَّاسٍ، قَالَ: نَزَلَتْ ہَذِہِ الْآیَۃُ وَرَسُولُ اللّٰہِ ‌صلی ‌اللہ ‌علیہ ‌وآلہ ‌وسلم مُتَوَارٍ بِمَکَّۃَ {وَلَا تَجْہَرْ بِصَلَاتِکَ وَلَا تُخَافِتْ بِہَا} قَالَ: وَکَانَ النَّبِیُّ ‌صلی ‌اللہ ‌علیہ ‌وآلہ ‌وسلم إِذَا صَلّٰی بِأَصْحَابِہِ رَفَعَ صَوْتَہُ بِالْقُرْآنِ، فَلَمَّا سَمِعَ ذٰلِکَ الْمُشْرِکُونَ سَبُّوْا الْقُرْآنَ، وَسَبُّوا مَنْ أَنْزَلَہُ، وَمَنْ جَائَ بِہِ، قَالَ: فَقَالَ اللّٰہُ عَزَّ وَجَلَّ لِنَبِیِّہِ: {وَلَا تَجْہَرْ بِصَلَاتِکَ} أَ یْ بِقِرَائَ تِکَ فَیَسْمَعَ الْمُشْرِکُونَ فَیَسُبُّوا الْقُرْآنَ {وَلَا تُخَافِتْ بِہَا} عَنْ أَصْحَابِکَ، فَلَا تُسْمِعُہُمْ الْقُرْآنَ حَتّٰییَأْخُذُوہُ عَنْکَ {وَابْتَغِ بَیْنَ ذٰلِکَ سَبِیلًا} [الاسرائ: ۱۱۰]۔ (مسند احمد: ۱۸۵۳)

۔ سیدنا عبد اللہ بن عباس ‌رضی ‌اللہ ‌عنہما سے مروی ہے کہ جب یہ آیت اتری: {وَلَا تَجْـہَرْ بِصَلَاتِکَ وَلَا تُخَافِتْ بِہَا وَابْتَغِ بَیْنَ ذٰلِکَ سَبِیْلًا}… اور اپنی نماز نہ بلند آواز سے پڑھ اور نہ اسے پست کر اور اس کے درمیان کوئی راستہ اختیار کر۔ تو اس وقت نبی کریم ‌صلی ‌اللہ ‌علیہ ‌وآلہ ‌وسلم مکہ میں چھپ کر رہتے تھے، جب آپ ‌صلی ‌اللہ ‌علیہ ‌وآلہ ‌وسلم اپنے صحابہ کو نماز پڑھاتے تو بآواز بلند قرآن مجید کی تلاوت کرتے۔ جب مشرک قرآن سنتے تو وہ قرآن مجید کو، اس کو نازل کرنے والے اور اس کو لانے والے فرشتے کو برا بھلا کہتے، پس اللہ تعالی نے اپنے نبی سے فرمایا: {وَلَا تَجْہَرْ بِصَلَاتِکَ} یعنی اپنی قراء ت کو اتنا بلند نہ کرو کہ مشرک سن لیں اور پھر وہ قرآن کو گالی دیں، {وَلَا تُخَافِتْ بِہَا} اور اس کو اپنے صحابہ سے پست نہ کرو کہ وہ بھی نہ سنیں، تاکہ وہ سن کر اس کو سیکھ سکیں، {وَابْتَغِ بَیْنَ ذٰلِکَ سَبِیلًا}اور اس کے درمیان کوئی راستہ اختیار کرو۔

Haidth Number: 8661

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۸۶۶۱) تخریج: أخرجہ البخاری: ۴۷۲۲، ۷۴۹۰، ومسلم: ۴۴۶(انظر: ۱۸۵۳)

Wazahat

فوائد:… کسی مفسدت کی خاطر کوئی مصلحت اختیار کی جا سکتی ہے، جیسا کہ اللہ تعالی نے فرمایا: {وَلَا تَسُبُّوا الَّذِیْنَیَدْعُوْنَ مِنْ دُوْنِ اللّٰہِ فَیَسُبُّوا اللّٰہَ عَدْوًا بِغَیْرِ عِلْمٍ} (سورۂ انعام: ۱۰۸) اور انھیں گالی نہ دو جنھیںیہ لوگ اللہ کے سوا پکارتے ہیں، پس وہ زیادتی کرتے ہوئے کچھ جانے بغیر اللہ کو گالی دیں گے۔ اللہ تعالیٰ اپنے نبی کو اور آپ ‌صلی ‌اللہ ‌علیہ ‌وآلہ ‌وسلم کے ماننے والوں کو مشرکین کے معبودوں کو گالیاں دینے سے منع فرماتا ہے، اگرچہ اس میں مصلحت بھی ہو سکتی ہے، لیکن اس میں پائی جانے والے مفسدت بڑی ہے اور وہ یہ کہ ممکن ہے کہ ایسا مشرک اپنی نادانی کی وجہ سے اللہ کو گالیاں دینے لگ جائے۔