Musnad Ahmad | Hadees 8745 | مسنداحمد | Islamic Sayings

{وَمَا اَصَابَکُمْ مِنْ مُصِیْبَۃٍ فَبِمَا کَسَبَتْ اَیْدِیْکُمْ…} کی تفسیر

۔ (۸۷۴۵)۔ عَنْ أَ بِی سُخَیْلَۃَ قَالَ: قَالَ عَلِیٌّ ‌رضی ‌اللہ ‌عنہ ‌: أَ لَا أُخْبِرُکُمْ بِأَ فْضَلِ آیَۃٍ فِی کِتَابِ اللّٰہِ تَعَالٰی، حَدَّثَنَا بِہَا رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم (({مَا أَ صَابَکُمْ مِنْ مُصِیبَۃٍ فَبِمَا کَسَبَتْ أَ یْدِیکُمْ وَیَعْفُو عَنْ کَثِیرٍ} [الشوری: ۳۰] وَسَأُفَسِّرُہَا لَکَ یَا عَلِیُّ! {مَا أَ صَابَکُمْ} مِنْ مَرَضٍ أَ وْ عُقُوبَۃٍ أَ وْ بَلَائٍ فِی الدُّنْیَا، {فَبِمَا کَسَبَتْ أَ یْدِیکُمْ} وَاللّٰہُ تَعَالٰی أَ کْرَمُ مِنْ أَ نْ یُثَنِّیَ عَلَیْہِمْ الْعُقُوبَۃَ فِی الْآخِرَۃِ، وَمَا عَفَا اللّٰہُ تَعَالٰی عَنْہُ فِی الدُّنْیَا، فَاللّٰہُ تَعَالٰی أَ حْلَمُ مِنْ أَ نْ یَعُودَ بَعْدَ عَفْوِہِ۔)) (مسند احمد: ۶۴۹)

۔ سیدنا علی ‌رضی ‌اللہ ‌عنہ سے مروی ہے، انھوں نے کہا: کیا میں تمہیں قرآن مجید کی افضل آیت نہ بتائوں، جو نبی کریم ‌صلی ‌اللہ ‌علیہ ‌وآلہ ‌وسلم نے ہمیں بیان فرمائی تھی، وہ آیتیہ ہے: {مَا أَ صَابَکُمْ مِنْ مُصِیبَۃٍ فَبِمَا کَسَبَتْ أَ یْدِیکُمْ وَیَعْفُو عَنْ کَثِیرٍ} … تمہیں جو کچھ مصیبتیں پہنچتی ہیں وہ تمہارے اپنے ہاتھوں کے کرتوت کا بدلہ ہے، اور وہ تو بہت سی باتوں سے درگزر فرما دیتا ہے۔ آپ ‌صلی ‌اللہ ‌علیہ ‌وآلہ ‌وسلم نے فرمایا: اے علی! میں تمہارے لئے اس کی تفسیر بیان کرتاہوں : {مَا أَ صَابَکُمْ} جو کچھ تم کو پہنچتا ہے،یعنی بیمارییا سزا یا کوئی دنیوی آزمائش، {فَبِمَا کَسَبَتْ أَ یْدِیکُمْ} (تووہ تمہارے اپنے ہاتھوں کے کرتوت کا بدلہ ہے) اور اللہ تعالیٰ اس سے زیادہ کرم والا ہے کہ وہ آخرت میں تم کو دوبارہ عذاب دے، اور اللہ تعالیٰ دنیا میں جو کچھ معاف کردیتا ہے، تو وہ اس سے بہت زیادہ بردبار ہے کہ معاف کرنے کے بعد دوبارہ گرفت کرے۔

Haidth Number: 8745

Report

Share

Copy

Create Picture for Post

Reference

Status

Doubtful

ضعیف

Status Reference

Not Available

Takhreej

(۸۷۴۵) تخریج: اسنادہ ضعیف، الازھر بن راشد الکاھلی ضعّفہ ابن معین، وقال ابو حاتم: مجھول، والخضر بن القواس مجھول، وکذا ابو سخیلۃ ۔ أخرجہ ابویعلی: ۴۵۳، ۶۰۸(انظر: ۶۴۹)

Wazahat

فوائد:… اس آیت میں اہل ایمان سے خطاب کیا گیا ہے، مطلب یہ ہے کہ بعض گناہوں کا کفارہ دنیوی مصائب بن جاتے ہیں، کچھ گناہ اللہ تعالی اپنی رحمت سے معاف کر دیتا ہے اور اللہ تعالی کی ذات اتنی بڑی کریم ہے کہ وہ معاف کرنے کے بعد آخرت میں دوبارہ مؤاخذہ نہیں فرمائے گی۔ سیدنا علی ‌رضی ‌اللہ ‌عنہ سے روایت ہے کہ نبی کریم ‌صلی ‌اللہ ‌علیہ ‌وآلہ ‌وسلم نے فرمایا: ((مَنْ أَ ذْنَبَ فِی الدُّنْیَا ذَنْبًا فَعُوْقِبَ بِہِ فَاللّٰہُ أَ عْدَلُ مِنْ أَ نْ یُثْنِیٰ عقُوْبَتَہُ عَلٰی عَبْدِہِ، وَمَنْ أَذْنَبَ ذَنْبًا فِی الدُّنْیَا فَسَتَرَ اللّٰہُ عَلَیْہِ وَعَفَا عَنْہُ فَاللّٰہُ أَ کْرَمُ مِنْ أَ نْ یَعُوْدَ فِیْ شَیْئٍ قَدْ عَفَا عَنْہُ۔)) (ترمذی: ۲۶۲۶، وابن ماجہ: ۲۶۰۴،مسند احمد: ۷۷۵) جس نے دنیا میں کوئی گناہ کیا اور پھر اسے یہیں اس کی سزا دی گئی تو اللہ تعالی اس سے زیادہ انصاف والا ہے کہ وہ ایسے بندے کو دوبارہ سزا دے، اور جس نے دنیا میں کوئی گناہ کیا اور اللہ تعالیٰ نے اس کی پردہ پوشی کی اور اس کو معاف کر دیا تو وہ اس سے زیادہ فضل و کرم والا ہے کہ وہ اس گناہ پر گرفت کرے، جس کو وہ معاف کر چکا ہو۔ معلوم ہوا کہ حد سے متعلقہ جرم معاف ہو جاتا ہے، آپ ‌صلی ‌اللہ ‌علیہ ‌وآلہ ‌وسلم نے عملاً حدود کے نفاذ کے بعض مواقع پر بھی بخشش کی نویدیں سنائی ہیں۔ اور کوئی مجرم حد سے بچ جاتا ہے تو وہ اللہ تعالی کے سپرد ہے، اگر اس نے چاہا تو اس کو معاف کر دے گا اور چاہا تو عذاب دے گا، آخری حدیث میں دنیا میں گناہ کی پردہ پوشی کا اللہ تعالی کا جو قانون بیان کیا گیا ہے، یہ قانون ہر جرم کے بارے میں علی الاطلاق نہیں ہے کہ دنیا میں جس مجرم کی پردہ پوشی کی گئی، اس کو آخرت میں بخش دیا جائے، بلکہ اس خاص آدمی کے حق میں کہ جس کی اللہ تعالی نے دنیا میں پردہ پوشی کی اور اس کو بخش بھی دیا تو قیامت کے دن اس کے اس جرم کی سزا نہیں دی جائے گی۔ دوسری کئی نصوص سے یہی بات ثابت ہوتی ہے۔ خلاصۂ کلام یہ ہے کہ اگر کسی مجرم کے گناہ پر پردہ ڈال دیا جاتا ہے تو اس کا نتیجہیہ نہیں ہونا چاہیے کہ وہ شخص یہ سمجھے کہ اس کا گناہ تو معاف کیا جاچکا ہے، ممکن ہے کہ اللہ تعالی اس کو بخش دے اور اس چیز کا امکان بھی ہے کہ اس سے اس کے گناہ کا انتقام لیا جائے، مؤخر الذکر چیز مؤمن کو ستاتی ہے، جس کے نتیجے میں وہ نیکیاں کرنے اور توبہ تائب ہونے کی کوشش کرتا ہے۔