Musnad Ahmad | Hadees 902 | مسنداحمد | Islamic Sayings

جب جنبی آدمی سونے، کھانے اور دوبارہ حق زوجیت ادا کرنے کا ارادہ کرے تووہ کیا کرے سونے کا ارادہ رکھنے والے جنبی کے لیے وضو کے مستحب ہونے کا بیان

۔ (۹۰۲)۔عَنْ نَافِعٍ عَنِ ابْنِ عُمَرَ أَنَّ عُمَرَ سَأَلَ النَّبِیَّ ‌صلی ‌اللہ ‌علیہ ‌وآلہ ‌وسلم : ہَلْ یَنَامُ أَحَدُنَا وَہُوَ جُنُبٌ؟ فَقَالَ: ((نَعَمْ وَیَتَوَضَّأ وُضُوْئَ ہُ لِلصَّلَاۃِ۔)) قَالَ نَافِعٌ: فَکَانَ ابْنُ عُمَرَ اِذَا أَرَادَ أَن یَفْعَلَ شَیْئًا مِنْ ذَالِکَ تَوَضَّأَ وُضُوئَ ہُ لِلصَّلٰوۃِ مَا خَلَا رِجْلَیْہِ۔ (مسند أحمد: ۴۹۲۹)

نافع کہتے ہیں: سیدنا ابن عمرؓ سے مروی ہے کہ سیدنا عمرؓ نے نبی کریم ‌صلی ‌اللہ ‌علیہ ‌وآلہ ‌وسلم ‌ سے یہ سوال کیا: کیا کوئی جنابت کی حالت میں سو سکتا ہے؟ آپ ‌صلی ‌اللہ ‌علیہ ‌وآلہ ‌وسلم ‌ نے فرمایا: جی ہاں، البتہ نماز والا وضو کر لے۔ سیدنا ابن عمرؓجب اس طرح کا ارادہ کرتے تو نماز والا وضو کرتے، البتہ پاؤں نہیں دھوتے تھے۔

Haidth Number: 902

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۹۰۲) تخریج: ھذا حدیث تقدم مرفوعہ برقم (۹۰۰)۔ ولفظ القسم المرفوع منہ عند عبد بن حمید: ((نعم ویتوضأ وضوء ہ للصلاۃ ما عدا قدمیہ۔)) فجعل قولہ ما عدا قدمیہ مرفوعا مع انہ عند غیرہ موقوف علی ابن عمر۔ وأخرج فعل ابن عمر ھذا مالک فی المؤطا : ۱/ ۴۸، وابن ابی شیبۃ: ۱/ ۶۰، والبیھقی: ۱/ ۲۰۰ (انظر: ۴۹۲۹)

Wazahat

فوائد:… سیدنا عبد اللہ بن عمر ؓکے عمل کی تین وجوہات ہو سکتی ہیں: (۱)کسی عذر کی بنا پر پاؤں نہ دھوئے (۲)یہ ثابت کرنے کے لیے پاؤں نہ دھوئے کہ یہ وضو فرض نہیں ہے۔ (۳)عام روایات کے مطابق آپ ‌صلی ‌اللہ ‌علیہ ‌وآلہ ‌وسلم ‌ غسلِ جنابت کے دوران آخر میں پاؤں دھوتے تھے، ممکن ہے کہ سیدنا ابن عمر ؓنے اس فعل سے استدلال کرتے ہوئے پاؤں نہ دھوئے ہوں۔