Musnad Ahmad | Hadees 9350 | مسنداحمد | Islamic Sayings

اس چیز کا بیان کہ انبیاء سب سے زیادہ آزمائش والے ہوتے اور پھر دوسرے نیکوکار

۔ (۹۳۵۰)۔ عَنْ اَنَسِ بْنِ مَالِکٍ ‌رضی ‌اللہ ‌عنہ ‌، قَالَ: قَالَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم : ((لَقَدْ اُوْذِیْتُ فِی اللّٰہِ تَعَالٰی وَمَایُؤْذٰی اَحَدٌ، وَاُخِفْتُ فِی اللّٰہِ وَمَا یُخَافُ اَحَدٌ، وَلَقَدْ اَتَتْ عَلَیَّ ثَلَاثَۃٌ (وَفِیْ رِوَایَۃٍ: ثَلَاثُوْنَ) مِنْ بَیْنِیَوْمٍ وَلَیْلَۃٍ وَمَالِیْ وَلِعَیَالِیْ طَعَامٌ یَّاْکُلُہُ ذُوْ کَبِدٍ اِلاَّ مَایُوَارِیْ اِبِطُ بِلَالٍ۔)) (مسند احمد: ۱۲۲۳۶)

۔ سیدنا انس بن مالک ‌رضی ‌اللہ ‌عنہ سے مروی ہے کہ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: مجھے اللہ تعالیٰ کی وجہ سے تکلیف دی گئی اور اتنی تکلیف کسی کو نہیں دی گئی اور مجھے اللہ تعالیٰ کے بہ سبب ڈرایا گیا اور اتنا کسی کو نہیں ڈرایا گیا اور مجھ پر ایسے تین دن بھی آئے کہ پورا دن اور رات گزر جاتے تھے، جبکہ میرے اور میرے اہل و عیال کے پاس کوئی ایسی چیز نہیں ہوتی تھی، جس کو جاندار کھا سکے، ما سوائے اس کے جو بلال اپنی بغل میں چھپا کر لاتے تھے۔

Haidth Number: 9350

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۹۳۵۰) تخریج: اسنادہ صحیح علی شرط مسلم، أخرجہ ابن ماجہ: ۱۵۱، والترمذی: ۲۴۷۲(انظر: ۱۲۲۱۲)

Wazahat

فوائد:… خاص طور پر آپ ‌صلی ‌اللہ ‌علیہ ‌وآلہ ‌وسلم کو تکلیف دینے کے لیے نشانہ بنایا جاتا تھا، کیونکہ آپ ‌صلی ‌اللہ ‌علیہ ‌وآلہ ‌وسلم لوگوں کو بتوں کی پوجاپاٹ سے منع کرتے اور صرف اللہ تعالیٰ کی عبادت کی دعوت دیتے تھے، کوئی قتل کی دھمکی دیتا، کوئی سوشل بائیکاٹ کرتا، کوئی کسی سزا کی وعید سناتا۔