Musnad Ahmad | Hadees 9379 | مسنداحمد | Islamic Sayings

مرگی کی بیماری پر صبر کرنے کی ترغیب کرنے اور اس کے ثواب کا بیان

۔ (۹۳۷۹)۔ عَنْ عَطَائِ بْنِ اَبِیْ رَبَاحٍ، قَالَ: قَالَ لِیَ ابْنُ عَبَّاسٍ: اَلَا اُرِیْکَ امْرَاَۃً مِّنْ اَھْلِ الْجَنَّۃِ؟ قَالَ: قُلْتُ: بَلٰی، قَالَ: ھٰذِہِ السَّودَائُ، اَتَتِ النَّبِیَّ ‌صلی ‌اللہ ‌علیہ ‌وآلہ ‌وسلم فَقَالَتْ: اِنِّیْ اُصْرَعُ، وَاَتَکَشَّفُ، فَادْعُ اللّٰہَ لِیْ قَالَ: ((اِنْ شِئْتِ صَبَرْتِ وَلَکِ الْجَنَّۃُ، وَاِنْ شِئْتِ دَعَوْتُ اللّٰہَ لَکِ اَنْ یُّعَافِیَکِ۔)) قَالَتْ: بَلٰی اَصْبِرُ فَادْعُ اللّٰہَ اَنْ لاَّ اَتَکَشَّفَ، اَوْلَا یَنْکَشِفَ عَنِّیْ، قَالَ: فَدَعَا لَھَا۔(مسند احمد: ۳۲۴۰)

۔ عطاء بن ابی رباح کہتے ہیں: سیدنا عبد اللہ بن عباس ‌رضی ‌اللہ ‌عنہما نے مجھے کہا: کیا میں تجھے جنتی خاتون دکھاؤں؟ میں نے کہا: جی کیوں نہیں، انھوں نے کہا: یہ سیاہ فام عورت ہے، یہ نبی کریم ‌صلی ‌اللہ ‌علیہ ‌وآلہ ‌وسلم کے پاس آئی اور کہا: مجھے مرگی کا دورہ پڑ جاتا ہے اور اس وجہ سے میں ننگی بھی ہو جاتی ہوں، اس لیے آپ میرے لیے اللہ تعالیٰ سے دعا کر دیں، آپ ‌صلی ‌اللہ ‌علیہ ‌وآلہ ‌وسلم نے فرمایا: اگر تو چاہتی ہے تو صبر کر لے اور تجھے جنت مل جائے گی اور اگر تو چاہتی ہے تو میں اللہ تعالیٰ سے تیری عافیت کے لیے دعا کر دیتا ہوں۔ اس نے کہا: جی میں صبر کروں گی، لیکن آپ اللہ تعالیٰسےیہ دعا تو کر دیں کہ میں ننگا نہ ہو جایا کروں، پس آپ ‌صلی ‌اللہ ‌علیہ ‌وآلہ ‌وسلم نے اس کے حق میں یہ دعا کر دی۔

Haidth Number: 9379

Report

Share

Copy

Create Picture for Post

Reference

Status

Authentic

صحیح

Status Reference

Not Available

Takhreej

(۹۳۷۹) تخریج: أخرجہ البخاری: ۵۶۵۲، ومسلم: ۲۵۷۶(انظر: ۳۲۴۰)

Wazahat

فوائد:… چونکہ بے ہوشی کے وقت ننگا ہو جانے کا آزمائش سے کوئی تعلق نہیں ہے، اس لیے صحابیہ نے اس کی دعا کروا لی اور شفا کی دعا نہ کروائی، تاکہ آخرت کا معاملہ آسان ہو جائے۔