مسروق كہتے ہیں كہ ہم نے عبدالہھ بن مسعود رضی اللہ عنہ سے اس آیت كے بارے میں سوال كیا :وَ لَا تَحۡسَبَنَّ الَّذِیۡنَ قُتِلُوۡا فِیۡ سَبِیۡلِ اللّٰہِ اَمۡوَاتًا ؕ بَلۡ اَحۡیَآءٌ عِنۡدَ رَبِّہِمۡ یُرۡزَقُوۡنَ ﴿۱۶۹﴾ۙ جو لوگ اللہ كے راستے میں قتل كر دیئے گئے انہیں مردہ مت سمجھو بلكہ وہ زندہ ہیں، اور اپنے رب كے پاس رزق دیئے جاتے ہیں۔انہوں نے كہا: ہم نے بھی اس آیت كے بارے میں سوال كیا تھا، تو آپ نے فرمایا: شہداء كی روحیں سبز پرندوں کے پیٹوں میں ہیں، ان كے لئے عرش كے ساتھ لٹكی ہوئی قندیلیں ہیں، جہاں چاہتی ہیں جنت میں سیر كرتی ہیں، پھر اپنی قندیلوں میں واپس آجاتی ہیں۔ ان كا رب ان كی طرف جھانكے گا اور فرمائے گا: كیا تمہاری كوئی خواہش ہے؟ وہ كہیں گے: ہمیں اور كیا چاہیئے؟ جنت میں جہاں چاہتے ہیں سیر كرتے ہیں، اللہ تعالیٰ تین مرتبہ ان كے ساتھ ایسا كرے گا۔ جب وہ دیكھیں گے كہ ان كے پاس كوئی چارہ نہیں تو وہ كہیں گے: اے ہمارے رب ! ہم چاہتے ہیں تو ہماری روحیں ہمارے جسموں میں لوٹا دے کہ ہم دوبارہ تیرے راستے میں قتال كر یں۔ جب اللہ تعالیٰ دیكھے گا كہ ان کی کوئی ضرورت نہیں تو انہیں چھوڑ دے گا۔
