ابو ہریرہرضی اللہ عنہ سے مروی ہے انہوں نے کہا کہ : ہم نے رسول اللہ صلی اللہ علیہ وسلم کے ساتھ عشاء کی نماز پڑھی جب آپ نے سجدہ کیا تو حسن رضی اللہ عنہ اور حسین رضی اللہ عنہ آپ کی پشت پر چڑھ گئے۔جب آپ نے اپنا سر اٹھایا تو ان دونوں کو ( اپنے ہاتھ سے اپنے پیچھے سے نرمی سے) پکڑا اور نرمی سے اتار دیا، جب آپ دوبارہ سجدے میں گئے تو وہ بھی دوبارہ چڑھ گئے۔ جب آپ نے نماز پڑھ لی ( تو ان دونوں کو اپنی دونوں رانوں پر بٹھا لیا) ایک کو یہاں اور دوسرے کو اس طرف۔ ابو ھریرہرضی اللہ عنہ نے کہا: میں آپ کے پاس آیا اور کہا: اے اللہ کے رسول! کیا میں ان دونوں کو ان کی ماں کے پاس نہ چھوڑ آؤں؟ آپ نے فرمایا: نہیں ،پھر ایک بجلی چمکی تو آپ نے فرمایا: اپنی ماں کے پاس چلے جاؤ۔ وہ دونوں بجلی کی روشنی میں چلتے ہوئے اپنی ( ماں کے پاس) پہنچ گئے۔
