سلسلہ صحیحہ

عبداللہ بن عباس رضی اللہ عنہ سے مروی ہے کہتے ہیں کہ ایک آدمی خیبر سے نکلا، اس کے پیچھے دو آدمی لگے، اور ایک آدمی ان دونوں کے پیچھے لگا اور ان دونوں سے کہہ رہا تھا:واپس جاؤ، حتی کہ ان دونوں تک پہنچ گیا اور دونوں کو واپس لوٹا دیا، پھر (پہلے شخص سے جا ملا) اور کہنے لگا:یہ دونوں شیطان تھے(میں ان کے ساتھ ساتھ رہا اور انہیں واپس بھیج دیا، جب تم رسول اللہ صلی اللہ علیہ وسلم کے پاس پہنچو تو )رسول اللہ صلی اللہ علیہ وسلم کو سلام کہنا، اور انہیں بتانا کہ میں زکاة جمع کر رہا ہوں، اگر وہ آپ کے لئے درست ہے تو ہم اسے آپ کے پاس بھیج دیں۔ جب (وہ آدمی)نبی صلی اللہ علیہ وسلم کے پاس پہنچا اور آپ کو واقعہ بیان کیا تو اس وقت آپ نے تنہائی سے منع فرما دیا۔