Feel free to contact Us Via Email, WhatsApp or Call.
Silsila Sahih
سلسلہ صحیحہ
اخلاق، نیکی اور صلہ رحمی
اخلاق، نیکی اور صلہ رحمی
عن محمد بن جحادة عن رجلٍ عن زميلٍ لَه من بني العنبر عَن أبيه وكان يُكـنى أبَا المنتفـقِ قال : أَتيتُ مكـةَ فسألتُ عن رسولِ الله صلی اللہ علیہ وآلہ وسلم فقَالوا : هو بعرفـة . فأَتَيْتُه فذهبتُ أَدْنُوْ مِنه فَمَنعُـوني فقـال : « اُتركوه »،
فدنوتُ منْه حتى إذا اخْتَلفتْ عنقُ راحلتِهِ و عنقُ راحلتِي فقلتُ : يا رسول الله نَبئني بما يُباعدني مِن عذابِ اللهِ ويدخلنِيَ الجنةَ . قال : « تعبدُ وفي رواية:أُعبدِْ اللهَ ولا تشركْ به شيئاً ، وتقيمُ الصلاةَ المكتوبة ، وتؤَدي الزكاةَ المفروضة ، وتصومُ رمضانَ وتحجُّ وتعتمرُ ، وانظرْ ما تحبُ مِن الناسِ أنْ يأتُوه إليكَ فافْعَلْه بهِم ، ومَا كَرهتَ أن يأتُوه إليكَ فذرْهُم منْه».
محمد بن جحادہ ایک آدمی سے وہ اپنے ایک ساتھی سے جس کا تعلق بنوعنبر سے ہے وہ اپنے والد سے جس کی کنیت ابو المنتفق ہے تھی بیان کرتے ہیں اس نے کہا کہ میں مکہ آیا اور رسول اللہ صلی اللہ علیہ وسلم کے بارے میں پوچھا؟ لوگوں نے کہا آپ عرفہ میں ہیں۔ میں آپ کے پاس آیا اور آپ کے قریب ہونے کی کوشش کی تو لوگوں نے مجھے روک لیا۔ آپ صلی اللہ علیہ وسلم نے فرمایا اسے چھوڑ دو میں آپ صلی اللہ علیہ وسلم کے قریب ہوا جب میری سواری کی گردن آپ صلی اللہ علیہ وسلم کی سواری کی گردن کے سامنے آگئی تو میں نے کہا اے اللہ کے رسول مجھے ایسے عمل کے بارے میں بتائیے جو مجھے اللہ کے عذاب سے دور کر دے اور جنت میں داخل کر دے ؟ آپ صلی اللہ علیہ وسلم نے فرمایا (۱)تم اللہ کی عبادت کرو(ایک روایت میں ہے کہ عبادت کر) اور اس کے ساتھ کسی چیز کو شریک نہ بناؤ(۲)فرض نماز ادا کرو(۳)فرض زکاۃ ادا کرو(۴)رمضان کے روزے رکھو(۵)حج اور عمرہ کرو(۶)اور دیکھو کہ تم لوگوں کے کس روئیے کو پسند کرتے ہو تو ان کے ساتھ بھی ایسا ہی برتاؤ کرو اور ان کے جس طرزعمل کو تم اپنے حق میں نا پسند کر تے ہو ان کے ساتھ بھی ویسا طرزعمل نہ کرو۔
