سلسلہ صحیحہ

ام عبداللہ اخت شداد بن اوس سے مروی ہے كہ اس نے رسول ‌صلی اللہ علیہ وسلم ‌كے پاس افطار كے وقت دودھ كا ایك پیالہ بھیجا(۔ یہ روزہ ایک طویل اور شدید گرمی کے دن میں تھا۔ رسول اللہ ‌صلی اللہ علیہ وسلم ‌نےخادم کوواپس لوٹادیا اور پوچھا کہ: یہ دودھ كہاں سے آیا ہے؟ انہوں نے كہا كہ یہ میری بكری كا دودھ ہے۔ رسول اللہ ‌صلی اللہ علیہ وسلم ‌نے دوبارہ پوچھا: یہ بكری كہاں سے آئی ہے؟ انہوں نے كہا: میں نے اپنے پیسوں سے خریدی ہے۔ تب آپ صلی اللہ علیہ وسلم ‌نے وہ دودھ پی لیا۔ دوسرے دن ام عبداللہ، رسول اللہ ‌صلی اللہ علیہ وسلم ‌كے پاس آئیں اور كہا: اے اللہ كے رسول ! میں نے آپ كی طرف گرمی کی شدت اور دن کی طوالت کا خیال کرتے ہوئے دودھ بھیجا تھا،توآپ نے اس دودھ کے بارے میں خادم کوواپس بھیج دیا۔ رسول اللہ ‌صلی اللہ علیہ وسلم ‌نے فرمایا: مجھ سے پہلے رسولوں كوحكم دیا گیا تھا كہ صرف حلال وپاكیزہ ہی كھائیں اور نیک عمل كریں۔